Sól í sinni....

Þá er svefnherbergisgólfið okkar að verða tilbúið undir parket, bara eftir að flota aðeins yfir þann hluta sem þurfti að steypa íJoyful En fyrst ætlum samt við að mála veggina, það tekur enga stund, einkum og sér í lagi ef ég skyldi nú geta breytt tilvonandi veikindafríinu mínu í núverandi sumarfrí.... Það væri fínt, þá er vinnan ekki að trufla mig og okkur vinnst auðvitað betur ef við erum bæði að brasa í þessu. Ég er ekki ennþá búin að setja gardínur fyrir eldhúsgluggana, ekki fundið mér tíma í að sitja og sauma ennþá og ég eiginlega heyri gamlar konur fyrir mér, fussa yfir því.... Ætli hún sé ein af þessum nýtísku konum sem hafa bara alls engar gardínur...ShockingÞað á sko ekki upp á pallborðið hjá þeim, ég er búin að fá að heyra það svo oftGrinEn sem sagt, ef ég er nú komin í sumarfrí, sem kemur í ljós í fyrramálið, þá fer þetta allt að ganga hraðar og ef við getum nú stillt okkur um að fara að laga stofugólfið, þá er kannski bara hægt að þrífa aðeins hérna líka. En ég treysti okkur nú ekki alveg til að vera hætt í bili, það er oft ekki orð að marka svoleiðis yfirlýsingar á þessum bæWhistling  Annars er planið fyrir daginn að fara í hrein föt og kíkja á breytingarnar á Glerártorgi, lesist :ég ætla í R.L. búðina og gá hvort ég get ekki eytt peningum í hillur inn á baðið hérna eða eitthvaðWinkÞakka ykkur fyrir athugasemdirnar í gærHeartÓska ykkur svo öllum yndislegs sunnudagsSmile


« Síðasta færsla | Næsta færsla »

Athugasemdir

1 Smámynd: Birna Dúadóttir

Ég fór og kíkti á Glerártorgið,varð ekkert voðalega hrifin

Birna Dúadóttir, 22.6.2008 kl. 10:11

2 Smámynd: Jónína Dúadóttir

Birna mín: Ekkert spennandi bara... ?

Ragna mín:

Jónína Dúadóttir, 22.6.2008 kl. 10:26

3 identicon

Noh allt að gerast hjá ykkur  húsið verður æðislegt þegar þið loksins slakið á tíhí..

Sendi knús og klemm

Jokka (IP-tala skráð) 22.6.2008 kl. 11:36

4 Smámynd: Ólöf Jóhanna Pálsdóttir

Koma dagar koma ráð og kannski eldhúsgluggatjöld saumuð. Ég er nú búin að vera að "spöggulera" í að fá mér eitthvað nýtt fyrir minn eldhúsglugga, er orðin þreytt á þeim gömlu, en það dregst og dregst. Mér finnst ekkert gaman að fara í búðir.  Eigðu góðan dag Jónína mín.

Ólöf Jóhanna Pálsdóttir, 22.6.2008 kl. 15:50

5 Smámynd: Tiger

 Iss .. taktu bara köttinn og þeyttu honum í gluggann *splatch* engin sér inn. Er það ekki það nýjasta í dag - að fara illa með dýrin okkar? Megum ekki vera öðruvísi en hinir sko ...

Leitt að heyra með aðgerðina - eða aðgerðaleysið. Ótrúlegt að þú hafir ekki verið látin vita með einhverjum fyrirvara en svona er kerfið stundum - eða þannig. Mér finnst þetta til minnkunar fyrir doktorinn.

  Þið eruð náttúrulega algerir töframenn í arkitektúrnum, endalaus orka þar greinilega. En auðvitað er langbest þegar báðir/allir aðilar/heimilisfólk - er að vinna saman í því sem skiptir þau öll máli. Líka bara gaman að gera hlutina saman og það er líka miklu minna um ósætti ef allir eru saman um að ákveða hlutina og gera þá. *lesist; hættu að jaga og rífast alltaf pokamær*.

Þetta verður búið áður en þið vitið af ef þú færð fríið núna, bara muna að ganga ekki alveg frá sér við þetta - enda - hver ætti þá að njóta nýjunganna ef þið verðið lögð inn strax á eftir, sko lögð inn á klepp...

Knúserí og kramerí kastast hér með yfir í vöku þína - þar sem kveðja í svefninn skilaði sér ekki í aðgerð-a-leysið síðast...

Tiger, 23.6.2008 kl. 02:23

6 Smámynd: Jóhanna Magnúsar- og Völudóttir

Gúten Morgen! .. Ég kaupi reglulega nýja tegund af tilbúnum köppum og set í eldhúsgluggana.. sauma ekkert!  ..

Jóhanna Magnúsar- og Völudóttir , 23.6.2008 kl. 05:56

7 Smámynd: Himmalingur

Það er nú meira góðærið hjá þér! Meðan mín fjölskylda borðar brauðskorpur og drekkur vatn ert þú bara í stórræðum. Nei bara smá grín! Kveðja: HIMMI

Himmalingur, 23.6.2008 kl. 21:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband