Ekki trufla mig...

... ég er að púsla Kvöldvinna þessa viku og þá er ég sko í fríi milli eitt og fimm og held fast í það... er nú samt búin að taka niður jólaskrautið innanhúss og fara með það inn í gestaherbergi... það fer ekki upp á háaloft strax. Við erum nefnilega að fara að brjóta og bramla í þvottahúsinu um næstu helgi og líka uppi á háalofti... það er að segja gamli ætlar að mæta með brotvél og fara að mylja niður gamla skorsteininn, sem nær upp undir þak uppi á háalofti. Mundum nota hann til að gera arinn ef hann væri inni í miðju húsi en svo heppin var ég nú ekki, en það er alltaf hægt að redda arni á einhvern annan hátt Það var starfsemi hérna í þessu húsi áður en við keyptum það og þess vegna var gerð auka snyrting og plássið fyrir hana tekið af þvottahúsinu sem er núna í laginu eins og L og eftir því þröngt og óhentugt Nú ætlum við að fjarlægja þessa snyrtingu líka... við erum bara tvö í heimili svo að baðherbergi og auka snyrting hlýtur nú að teljast ofgnótt... stærra þvottahús nýtist okkur betur þegar bæði strompurinn og snyrtingin verða farin Þá getum við líka gert almennilega manngenga uppgöngu upp á háaloftið og  þurfum ekki lengur að hætta lífi og limum við að fara þangað upp... annars er það nú alltaf hálfgert ævintýri að príla þangað Við erum líka búin að hafa svo fínt í húsinu of lengi held ég... allt á sínum stöðum og ekkert ryk inn um allt, engar framkvæmdir... það er einna helst álitið að við séum komin með slæm fráhvarfseinkenni   Ferlega góð inn í dagana, eins og alltaf... enda ákveð ég þegar ég vakna á morgnana hvernig ég vil hafa daginn og það gengur oftar en ekki eftir Vona að þið öll hafið það eins gott og ég og óska ykkur góðs dags  

Athugasemdir

[Ásthildur Cesil Þórðardóttir, 13.1.2010 kl. 11:32]

Spennandi tímar framundan hjá ykkur Jónína mín.  Alltaf gaman að breyta til.  Til lukku með það. 

[Ásdís Sigurðardóttir, 13.1.2010 kl. 11:33]

[Ragna Birgisdóttir (IP-tala skráð) 13.1.2010 kl. 12:15]

Framkvæmdagleðin er góð.Kveðja

[Birna Dúadóttir, 13.1.2010 kl. 13:23]

Gevöð Ninna ætlarðu bara að hafa eitt klósett  Þetta verður bara flottast hjá ykkur. Skil þig með fráhvarfs einkennin. 'Eg er komin með verk í málningar rúlluna  Langar svo að fara að breyta og mála og alles

[Jónína Dúadóttir, 13.1.2010 kl. 19:08]

Ásthildur mín: Já okkur finnst þetta báðum virkilega gamanÞakka þér fyrir mín kæra

[Jónína Dúadóttir, 13.1.2010 kl. 19:08]

Ásdís mín: Takk fyrir innlitið elskuleg

[Jónína Dúadóttir, 13.1.2010 kl. 19:09]

Ragna mín: Jahá

[Jónína Dúadóttir, 13.1.2010 kl. 19:11]

Birna mín: Já þetta verður flott... alveg örugglegaÞessir skelfilegu framkvæmdaverkir eru ábyggilega í genunum

[, 13.1.2010 kl. 23:50]

Gleðilegar framkvæmdir

[Jónína Dúadóttir, 14.1.2010 kl. 06:17]

Dagný mín: Takk fyrir það

[Erna Evudóttir, 14.1.2010 kl. 14:30]

Skil ekki alveg hvaða verki þið eruð að tala um hef að ég held aldrei lent í essu voða fegin eiginlega Jónína Þ þú ert ofvirk og það er þinn heittelskaði líka

[Jónína Dúadóttir, 14.1.2010 kl. 14:51]

Erna mín: Varst það þá þú sem varst ættleidd en ekki Birna... eða var sparað svona í þig... allt það besta búið þegar þú loksins komst skinnið mittDjók... þakkaðu bara fyrir að þú hefur ekki þessa verki... mar getur orðið svolítið þreyttur stundum og svo kostar þetta oft hellings pening líkaOfvirk....já líklega