Blóta... hverju.... ? :)

Fór á námskeið í gær... ekki sjálfviljug samt, fer aldrei á neitt þannig að eigin frumkvæði... vissi ekki einu sinni um hvað það átti að fjallaEn þetta var gaman og seinni hlutinn er í næstu viku. Ég var að læra að setja inn mína eigin vinnuskýrslu, vaktirnar, frí, breytingar og hvaðeina. Þegar ég fór inn í forritið fann ég algerlega autt pláss þar sem mín vinnuskýrsla átti að vera... leit út eins og ég inni bara hvergi, fengi kaup fyrir það en mætti samt alltaf eins og einhver fáráðlingur...Það var nú lagað fljótlega en þegar ég fór svo að setja inn vaktirnar mínar eins og þær eru, lentum við upp á kant forritið og ég... fékk hvað eftir annað upp glugga þar sem stóð að þessi færsla væri ólögleg, vegna þess að það væru alls engar hvíldir eins og ættu að veraÉg vissi það nú en það hefur bara ekkert verið hægt að gera í því... en nú virðist hafa opnast möguleiki til þess... sem sagt að raða þessu öðruvísi, fækka dögunum sem ég vinn og fjölga frídögum, samt án þess þó að ég vinni færri tíma. Ég get ekki sagt annað en ég fagni því, ekki það að vinnan sé eitthvað þrælapúl eða skjólstæðingarnir mínir séu ekki fínir... en eins og leiðbeinandinn á náskeiðinu sagði, þetta er eiginlega ómanneskjulegt... hef bara 4 daga frí í hverjum mánuði og stundum ekki einu sinni það, í desember var ég í fríi í alveg tvo daga...

Við erum að undirbúa okkar eigið litla Þorrablót... ja, undirbúa er nú svolítið djúpt í árina tekið, en við keyptum hákarl og súran hval handa gamla og harðfisk og algerlega ósúra sviðasultu handa mér, suðum hangikjöt og svið og ætlum að narta í þetta á milli þess sem við rústum litlu snyrtingunni okkar... fólk finnur sér ýmislegt til dundurs á Þorranum skoSvo er ég líka í fríi þessa helgi og verð að fylla hana með einhverjum svona verkefnum, kann ekki að sitja bara og gera ekki neitt, leiðist það líkaEr að vísu að prjóna lopapeysu á sjálfa mig en það gengur hægt... það er ekki búið að vera neitt lopapeysuveður svo lengi hérna á norðurhjaranum okkar... 6-8 stiga hiti dag eftir dag, snjórinn allur að hverfa og ég sé sko ekkert eftir honum

Óska ykkur öllum sem lesa þetta alveg hingað og hinum bara líka, góðs dags og ennþá betri helgar og segi eins og alveg yngsta, yngsta systir mín: Gangið hægt um gleðinnar dyr og galvösk inn í góðan dag

Athugasemdir

[Díana Bryndís (IP-tala skráð) 23.1.2010 kl. 10:13]

Við ætluðum líka að halda svona einkaþorrablót, en þegar við fórum að spá betur í það, þá er Davíð auðvitað grænmetisæta og ég borða ekkert af þorramat, svo get ekki séð fyrir hvern þetta ætti að vera.... Varla börnin er það? hehe

En góðan daginn sjálf vinkona og takk fyrir póstinn.

[Erna Evudóttir, 23.1.2010 kl. 11:15]

Sniðugt hjá ykkur

[Jónína Dúadóttir, 23.1.2010 kl. 11:23]

Díana mín: Voða lítið um grænmeti í Þorrabökkum... kartöflur og rófur jú ... ekki mjög spennandi eitt og sérVeit að börnin hafa ekkert gaman að fá Þorramatinn heldurKnús elskan

[Jónína Dúadóttir, 23.1.2010 kl. 14:19]

Erna mín: Þú getur séð einhvern árangur af skemmtanabransa okkar þegar þú kemur... var það ekki annars um mánaðarmótin... næstu ?

[Erna Evudóttir, 23.1.2010 kl. 14:24]

Jú eða var það þá sem ég ætlaði að byrja í ræktinni, hmmm er ehv að blanda þessu saman held ég sé að verða gleymin

[Jónína Dúadóttir, 23.1.2010 kl. 14:28]

Erna mín: Sko... þú ætlaðir að koma hingað fyrst svo ég gæti minnt þig á að þú ætlar að byrja í ræktinni um leið og þú kemur heim aftur

[Birna Dúadóttir, 23.1.2010 kl. 14:31]

Ég fékk svona líka ýkta löngun í þorramat Beið svo bara á meðan hún leið hljóðlega framhjá

[Jónína Dúadóttir, 23.1.2010 kl. 14:34]

Birna mín: Það væri ekkert þannig hjá mér núna ef ekki væri fyrir hann Jóa, mig langar í kjúkling

[, 23.1.2010 kl. 16:07]

Ég fékk þorramat í vinnunni í gær og ætla að láta það duga þetta árið - var ennþá södd í morgun   Góða helgi við braml og brauk

[Jónína Dúadóttir, 23.1.2010 kl. 22:45]

Dagný mín: Minn þorramatsáhugi er líka útrunninn, enda ekki í sjálfu sér neinn þorramatur sem ég er að borða... hangikjöt, rófustappa, harðfiskur og sviðasulta er matur sem er hægt að fá allt áriðTakk og sömuleiðis góða helgi

[Ásdís Sigurðardóttir, 24.1.2010 kl. 13:59]

  knús

[Jónína Dúadóttir, 25.1.2010 kl. 08:59]

Ásdís mín: ... og annað til baka