Jónína Dúadóttir

Draaaamadrottningar..............

Eitt af því sem ég á erfitt með að þola eru dramadrottningar.... ég fæ alveg gæsahúð og grænar bólur á rassg... nei ég meina auðvitað á axlirnar... og æluna upp í háls þegar ég þarf að vera nálægt þannig fyrirbærum Sick

Og þá er ég barasta alls ekki að tala um smástelpur á gelgjuskeiðinu sem eru alveg nógu þreytandi, en það gengur nú oftast nær yfir... Wink

Nei, ég er að meina rígfullorðið fólk, oftar en ekki karlmenn, sem tekur sjálft sig svo alvarlega að það breytist í ótrúlega ömurlegar stórýktar vælukellingar og virkar ekki einu sinni broslegt í lélegum brandara... ef það er ekki allt eins og það vill hafa það og þegar því tekst sem best upp í að ímynda sér að einhver hafi gert þeim eitthvað... Shocking

Sem er svo á endanum ekkert sem skiptir nokkra venjulega manneskju nokkru einasta máli og líklega skilgetið afkvæmi lélegs sjálfsálits, heimatilbúinnar óánægju, athyglissýki og alvarlegs skorts á sjálfsgagnrýni og húmor fyrir sjálfum sér ! Allt eitthvað sem hægt er að laga með smá svona viðhorfsbreytingum Pinch

Sjálfsagt heitir þetta einhverju ferlega flottu nafni á fagmáli en ég þekki það ekki og kemst upp með að nota það ekki af því að ég er ekki fagmanneskja GetLost

Ég hef bara mjög sterkar skoðanir á fólki sem álpast til að vera nálægt mér með þessa heimatilbúnu geðveilu sína og ég veit fullvel að ég á að hafa samúð með veiku fólki en þarna skortir mig alla samúð, vorkunnsemi, tillitssemi, skilning og umburðarlyndi... sem í alvörunni veikt fólk fær í stórum slöttum hjá mér Whistling

Dramadrottningar eru fólk sem er óánægt með sjálft sig, kennir öllu og öllum öðrum um það og sér til þess að það fari sko ekki fram hjá neinum, í stað þess að horfa inn á við og reyna að laga eitthvað hjá sjálfum sér...nei frekar að reyna að finna eitthvað til að setja út á og finna að og fara svo í megafýlu ef allir hafa ekki sömu skoðanir og eru jafnvel svo ósvífnir að viðra þær ! Og móðgast svo ennþá meira ef það er beðið að hætta í fýlunni og þá er það út af því að það skuli vera kallað það sem það er, að vera í fýlu... W00t

Æi sumt fólk er í alvörunni fíbbl með stóru effi... og ég er hætt að ergja mig yfir svona bjálfum, það getur ekki stjórnað mér eða minni líðan með svona hálfvitaskap... nema smástund í einu Tounge

Þurfti bara að pústa aðeins og kötturinn var aldrei þessu vant úti, svo þið fenguð það allt saman Grin

Annars góð Halo

Flokkur: Bloggar | 25.1.2010 | 23:45 | Facebook

Athugasemdir

Jahá. Sko er alveg sammála þér þó ég muni í augnablikinu ekki eftir neinni karlkynsdramadrottiningum. Mikið væri nú samt gaman að heyra sögu af einni. Þú kannski gerir það einhverntímann?

Við þolum alveg pústið.

Anna Guðný , 25.1.2010 kl. 23:59

Anna mín: Ég skal alveg örugglega skrifa einhvertímann nánari lýsingu á karlkynsdramadrottningu, þekki allavega tvær/tvoAlltaf gott að pústa aðeins

Jónína Dúadóttir, 26.1.2010 kl. 06:52