Hvað er eiginlega málið...

... með þennan endalausa snjó ? Alltaf þegar ég held að það sé farið að sjá fyrir endann á honum og þykist vera farin að eygja vorið þá kemur aðeins meiri snjór... mér finnst hann gæti bara haldið sig á Norðurpólnum þar sem hans er sárt saknað... af ísbjörnunum til dæmis Annars ferlega góð inn í svakalega fína helgi... var úti í gærkvöldi, það var gaman og er að fara út í kvöld líka... sem verður líka gaman... Algerlega áfengislaust, annars mundi ég ekki ráða við að fara út tvö kvöld í röð... enda áfengislausar skemmtanir skemmtilegustu skemmtanirnar fyrir minn smekk og mér er alveg nákvæmlega sama hvað öðrum finnst um það... Það verður hver að ákveða fyrir sig, svona kýs ég að hafa það og ætti líka öllum öðrum að vera nákvæmlega sama um það Það eru meiri líkur en minni á að ég geri þetta aftur um næstu helgi og líklega þarnæstu líka... Verð að fara á eftir og kaupa kápuna/jakkann sem ég sá á fimmtudaginn, það er svona vorkápa/jakki og líka stígvélin... þau eru með háum hælum, núna get ég nefnilega farið að ganga á hælum eins og mig er svo lengi búið að langa til... líður ekkert illa með því lengur Allskonar viðhald var til umræðu í hópi sem ég var með um daginn, viðhald á sjálfum sér að innan sem utan... ef maður á hús þá verður alltaf að vera að halda því við, gera við það sem bilar og finna gallana og laga þá og eins er um mann sjálfan... En fyrst verður maður auðvitað að finna gallana sína og viðurkenna þá áður en maður getur losað sig við þá... Ég komst að því í vetur að ég er búin að lifa í svakalegri meðvirkni mjög lengi... hélt það væri góðmennska en það var rangur misskilningur... Púra meðvirkni og ekkert annað og ég er að losa mig við hana... segi ekki að það sé ekki eitthvað aðeins eftir, en mjög lítið samt og ég verð að segja að hún er á skemmtilega hröðu undanhaldi Lífið á auðvitað helst að vera eins skemmtilegt og hægt er, en maður verður þá að gera eitthvað í því sjálfur að gera það þannig og af því að ég lifi bara einu sinni þá ætla að hafa gaman á meðan Góða helgi elskurnar mínar allar       

Athugasemdir

[Birna Dúadóttir, 28.3.2010 kl. 00:27]

Segi bara,þú ert snilli heillin

[Jónína Dúadóttir, 28.3.2010 kl. 01:18]

Birna mín: Þakka þér og sömuleiðis

[Ásdís Sigurðardóttir, 28.3.2010 kl. 11:58]

Sendu snjóinn suður, hann bráðnar á leiðinni.  þú ert bara yndisleg.

[Ásthildur Cesil Þórðardóttir, 28.3.2010 kl. 16:36]

Þú er nú meira partýljónið Jónína mín.  Það er reyndar alveg rétt hjá þér, hvað maður gerir kemur bara manni sjálfum við.  En við erum svo oft í þeim gír að reyna að hafa vit fyrir öðrum.  Ég hef fyrir löngu losað mig við þann skratta, held ég að minnsta kosti.  Hver manneskja á að fá að vera eins og hún sjálf vill það er mitt mottó.

Annars skemmtileg lesning eins og þín er von og vísa.  Knús á þig.

P.S. þú mátt senda snjóinn hingað, okkur vantar snjó á skíðasvæðið

[Jónína Dúadóttir, 29.3.2010 kl. 09:30]

Ásdís mín: Góð hugmynd Þakka þér mín kæra, takes one to know one

[Jónína Dúadóttir, 29.3.2010 kl. 09:34]

Ásthildur mín: Já ég hef alltaf verið þekkt sem partýljónið ógurlega.... eða bara alls ekkiMikið rétt hver manneskja á að fá að vera eins og hún sjálf vill, gott mottóTakk fyrir og knús til baka elskuleg

Búin að reyna að senda fj... snjóinn vestur í skíðabrekkurnar ykkar en hann fer ekki fet... það bætir bara í