Jónína Dúadóttir

Mig skortir skilning... ;)

Mig skortir skilning á því hvers vegna í sjálfum ósköpunum fólk leggur á sig það algerlega óþarfa erfiði að vera móðgað/í fýlu/reitt út í einhvern árum saman jafnvel... Hann/hún sagði eða gerði eitthvað árið 1997 og ég tala sko aldrei við hann/hana aftur... Mér er algerlega fyrirmunað að skilja þetta... að nenna þessu... að eyða einu ævinni sem við fáum, í að vera að passa sig að muna nú eitthvað leiðinlegt sem einhver hefur sagt eða ekki sagt, gert eða ekki gert svo við getum örugglega verið í móðguð/í fýlu/reið út af því... í mörg ár og jafnvel bara ævina út ! Oft byggist svona lagað auðvitað á misskilningi hjá fólki, annar talar í austur og hinn í vestur og það má alveg reyna að leiðrétta miskilninginn þá... Nú ef það reynist svo ekki vera misskilningur eða bara ekki hægt að bera klæði á vopnin, þá er ýmislegt annað til en að koma sér bara í stellingar og gera sjálfum sér þann óleik að vera mógaður/í fýlu/reiður það sem eftir er... þá verður maður bara beiskur, bitur og gamall langt, langt fyrir aldur fram og hver vill það eiginlega ??? Ef einhver vilji er fyrir því að umgangast þann/þá sem kallaði yfir sig þessi ósköp, annaðhvort með einhverju eða engu, nú þá er til dæmis hægt að reyna að sætta sig bara við hann/hana eins og hann/hún er, vegna þess að ekki breytum við öðru fólki... þá er bara að breyta okkar eigin viðhorfum... Nú ef maður hefur ekki áhuga á að umgangast viðkomandi, sökum manns eigin m/f/reiði og ekki sjens í helv... að maður fáist til að breyta viðhorfum til hans/hennar, þá er hægt að láta kyrrt liggja... ó jú það er víst hægt ! Það eru nefnilega til fyrirbæri sem kallast að halda áfram, setja afturfyrir, gleyma og grafa, sleppa fornleyfagreftrinum og svo man ég ekki fleiri nöfn á fyrirbærið í bili... Málið er nefnilega að viðkomandi veit svo bara alls ekkert að maður er móðgaður/í fýlu/reiður og og er jafnvel bara alveg nákvæmlega sama og til hvers þá að leggja þetta á sig ? Mér líst miklu betur á að lifa bara lífinu lifandi á meðan ég er á lífi og gera eitthvað skemmtilegt... móðganir, fýluköst og reiðitarnir eru ekki innifalin í skemmtilegt hjá mér ! Kalliði mig bara lata en ég nenni ekki svoleiðis... ! Eigið svo dásamlegan dag dúllurnar mínar, ég er að fara að vinna núna klukkan 9 og er búin klukkan 21 í kvöld !

Flokkur: Bloggar | 5.4.2010 | 08:35 (breytt kl. 16:18) | Facebook

Athugasemdir

Já Ninna við erum sjálfsagt báðar latar :))))) en hvað eru margar fjölskyldur spundraðar vegna þess arna.

Eigðu yndislegan dag, þó þú þurfir að vinna :))

Helga Auðunsdóttir, 5.4.2010 kl. 08:52

Ég er líka löt!

Jóhanna Magnúsdóttir, 5.4.2010 kl. 09:13

Ég þekki konu sem er ekki bara enn í fýlu yfir einhverju sem mamma hennar sagði við hana árið 1973, heldur öskureið við hana. Mamman dó árið 1978.

Grefillinn Sjálfur - Koma svo! (IP-tala skráð) 5.4.2010 kl. 09:25

Helga mín: Já það færi betur ef það væru til miklu fleiri letingjar eins og viðEigðu líka yndislegan dag mín kæra, mig grunar nú að þú sért ekki alveg verklaus heldur

Jónína Dúadóttir, 5.4.2010 kl. 10:38

Jóhanna mín: Það er nú líka alveg greinilegt sko

Jónína Dúadóttir, 5.4.2010 kl. 10:39

Grefill/Einar yndislegi: Það er hrikalegt... hún á þá bara virkilega bágt veslings konan

Jónína Dúadóttir, 5.4.2010 kl. 10:41

Ég fór örugglega í fýlu 1997 og í margar fýlur eftir það held reyndar að ég fari í nýja fýlu í hvert skipti mar er svo mikið fyrir tilbreytinguna sko eða fuglinn eða fleiri fiskar í sjónum nei var ekki verið að ræða það