Jónína Dúadóttir

Vakna barasta alltaf þegar ég er búin að sofa... :))

Komin á fætur vel fyrir sjö á sunnudagsmorgni og bara ánægð með það... get ekkert sofið með sólargeislana í andlitinu... enda vakna ég bara alltaf þegar ég er búin að sofa, hvað svo sem klukkan er og hvað svo sem dagurinn heitir Grin Alltaf verð ég nú jafnhissa á hverju ári þegar það er farið að glitta í vorið og sólin farin að skína... samt hefur þetta gerst hvað eftir annað og aftur og aftur, alla mína ævi... og á örugglega eftir að gerast þónokkrum sinnum í viðbót Wink Það má segja að snjórinn sé nokkurnveginn horfinn hérna, nema þykkustu skaflarnir og snjóhrúgurnar hér og þar... svona á þetta að vera ! Ferlega góð inn í daginn, frísk og hress og líður dásamlega með sjálfa mig og auðvitað vorkomuna. Hitti mann í gær sem var ekki eins ánægður með veðrið... spáir hreti um miðjan maí ef þetta heldur svona áfram og norðanátt hér fram í júlí-ágúst GetLost Jæja, ég ætla ekki að fara að hafa áhyggjur af "kannski komandi hretum", er á meðan er og ég nýt þess að hafa gott veður núna... get ekki lifað framtíðina núna, bara nútíðina... Joyful Er að klára kvöldvinnuvikuna mína í kvöld, frí á morgun og ekki er hún erfið vinnuvikan framundan... 15-21 þrjá daga og frí næstu helgi... getur bara varla verið betra, ég held ekki LoL Fór á kaffihús í gær með góðum vinum, kláraði að sauma eldhúsgardínur, þvoði þær straujaði og setti þær upp... smá pælingar og prufur en útkoman þykir glæsileg Tounge Núna á eftir ætla ég að elda matinn fyrir kvöldið, fæ gest í mat og kem ekki til með að gefa mér tíma til að elda seinna í dag og skemmtilegra að hann sé tilbúinn nokkurnveginn á matartíma ! Nú ætla ég að hætta þessu og fara út að labba í góða veðrinu, læt góða veðrið og labbifélagann minn ekki bíða lengur eftir mér Tounge Eigið eins og ég dásamlegan dag elskurnar mínar allar Smile Heart