... hvað verður það næst :-)))

Þegar ég er búin að vinna á kvöldin þarf ég að fara í aðstöðuna okkar og skila lyklum, hljómar nú ekkert mjög flókið... á bíllyklakippunni minni er ég meðal annars með 2 lykla að þessu húsnæði annan að ytri hurð, hinn að innri hurðum en á kippunni sem ég skila eru engir lyklar að þessari aðstöðu, bara að íbúðum skjólstæðinga. Eins og lög gera ráð fyrir fór ég þangað í gærkvöldi opnaði   allar hurðirnar, slökkti á öryggiskerfinu, fann lykilinn að skápnum opnaði hann, setti lyklakippuna í þar til gerðan dall, læsti skápnum, endurræsti kerfið fór út og skellti í lás á eftir mér... Allt eins og venjulega og í fullkomnum rólegheitum, enda konan afburða afslöppuð núorðið... greinilega aðeins of afslöppuð samt vegna þess að það var bíllyklakippan sem ég læsti svo kyrfilega inni Jæja af gömlum og góðum vana hugsa ég í lausnum en ekki vandamálum, svo ég ákvað að hringja í eina dúlluna sem vinnur með mér og skutlast bara og fá hennar lykla...... Neinei... rólegan hamagang stúlka mín... bíllyklar... læstir inni bak við 2 hurðir og eitt öryggiskerfi... hringir það einhverjum bjöllum ?Lausnin varð auðvitað sú að hringja í dúlluna jú, en fá hana til að koma og opna fyrir mér svo ég gæti náð bíllyklunum mínum... svo ég gæti þá farið til hennar og fengið lykla.... Múnkhásen... veit að nafnið hans er ekki rétt skrifaðHún hoppað ekkert hátt af hissu sko, sagðist sjálf hafa gert þetta... það var nú svolítill léttir, verð að segja þaðMér tókst að finna bílinn... kannski af því að hann var eini bíllinn þarna á planinu... og aka heim... án fleiri afrekaEf ég á að hafa góða yfirsýn yfir allt sem ég þarf að gera, muna alla skapaða hluti og hafa allt á hreinu þá þarf ég helst að vera stressuð.... sem ég er bara alls ekki lengur... svo þá er bara að bíða eftir því hvað gerist næst og ég skal alveg leyfa ykkur að fylgjast með

Farið vel með ykkur elskurnar mínar og látið ykkur líða vel, það ætla ég líka að gera

Athugasemdir

[Erna Evudóttir, 28.4.2010 kl. 08:49]

Þú ert snillingur af Guðs náð og ekki orð um það meir

[Jónína Dúadóttir, 28.4.2010 kl. 08:55]

Erna mín: Já þakka þér, fyrir mér finnst það líka... stundum meira, stundum kannski svolítið minna

[Ragna Birgisdóttir (IP-tala skráð) 28.4.2010 kl. 09:23]

Þú ert dásamleg segi ég enn og aftur Kannast við svona heilkenni.Skellti einu sinni ákveðnum bunka af flíkum af mér inn í ísskáp,og áttaði mig ekki á því fyrr en löngu seinna

[Jónína Dúadóttir, 28.4.2010 kl. 09:51]

Ragna mín: Æi þakka þér fyrir og sömuleiðis....Ég hef nú sem betur fer húmor fyrir sjálfri mér og vitleysunum mínum.... Hahahah þú góð, var ekki kuldalegt að fara í þau á eftir ?

[Birna Dúadóttir, 28.4.2010 kl. 09:55]

Þetta var snilld

[Jónína Dúadóttir, 28.4.2010 kl. 10:41]

Birna mín: Já finnst þér það ekki bara..........

[Ásthildur Cesil Þórðardóttir, 28.4.2010 kl. 11:02]

Hahahaha flott  Takk fyrir bros dagsins.

[Jónína Dúadóttir, 28.4.2010 kl. 12:41]

Ásthildur mín: Þakka þér og mín var ánægjan

[Ásdís Sigurðardóttir, 28.4.2010 kl. 13:04]

Hí hí hí  það er ekki mjög langt síðan ég henti símanum mínum í ruslið, sko útitunnuna, því ég hélt á honum þegar ég henti pokunum, við erum óborganlegar.

[Jónína Dúadóttir, 28.4.2010 kl. 21:46]

Ásdís mín: Við erum dásamlegar