Jónína Dúadóttir

Aldrei þessu vant...

... þá settist ég upp í flugvél, í fyrradag... ferðinni var heitið til borgarinnar í læknisheimsóknir. Alveg jafn spennandi og það hljómar sko... Sleeping Nei nei ekkert svo slæmt enda fékk ég að fljúga sem mér finnst yndislegasti og eðlilegasti ferðamáti sem ég þekki... InLove

Ég heyri ekki nógu vel með vinstra eyra svo ég fór til Háls-nef og eyrnalæknis í ágúst. Hann sendi mig í segulómmyndatöku og hringdi svo í mig þegar hann var búinn að skoða myndina. Hann hafði fundið eitthvað í höfðinu á mér... W00t "Já... ég vissi nú að ég væri með eitthvað í höfðinu sko" Whistling Honum fannst ég ekkert fyndin... Pinch Nei, hann fann æxli sem er að skemma heyrnartaugina, mjög sjaldgæft og fágætt og sem hann hafði bara séð einu sinni áður... Shocking En það er hægt að fjarlægja það með aðgerð eða geislun... í Svíþjóð ! Honum fannst ég heldur ekkert fyndin þegar ég sagði að það væri nú svo sem auðvitað að ég hefði þurft að ná mér í eitthvað sem er svo sjaldgæft og fágætt að það er bara einhver einn læknir í útlöndum sem getur lagað það... hvort þessi læknir væri ekki örugglega enn á lífi ? Tounge

Þessi ferð var í raun alger óþarfi... GetLost Fór fyrst í Heyrnar og talmeinastöðina, sem hefði getað beðið þangað til þau koma norður næst, sem þau gera alltaf annað slagið. Þau hefðu svo getað sent niðurstöðuna til heilaskurðlæknisins sem ég fór til eftir hádegið... jafnvel í tölvupósti bara, það kostar lítið sem ekkert... hann þurfti bara að fá að vita hvernig ég kæmi út í talgreiningu... Woundering

Doktor Heili hefði svo bara getað hringt í mig... við skoðuðum að vísu segulómmynd sem var tekin í ágúst og hann sýndi mér hvar meinið er og hvað er hægt að gera og hvað ekki... ég hefði alveg eins getað skoðað þessa mynd hér heima, hún var tekin hér... Hefði líka getað sagt honum í síma að ég vildi ekki fara í aðgerð sem gæti orðið til þess að ég lamaðist vinstra megin í andlitinu, var sko löngu búin að ákveða það Wink Hann sagðist vilja fá aðra mynd og það ætti að taka hana í febrúar og þá ætti ég líka að fara í heyrnarmælingu... hvort ég gæti ekki komið þá ? W00t Ég sagði nei... það væri of dýrt, bæði fyrir mig og Tryggingastofnun, auk þess sem við ættum svona tæki fyrir norðan sko... og kynnum meira að segja að nota þau... Devil Hann horfði svolítið hissa á þessa ótrúlega nísku, hrokafullu sveitakerlingu og það hummaði bara eitthvað í honum Grin

Sko Tryggingastofnun borgar fyrir mig flugið... 25 þúsund kall, fyrir dútl sem hefði auðveldlega verið hægt að framkvæma fyrir brotabrot af þeirri upphæð, bara með smáskipulagningu. Hvað skyldu vera farnar margar svona tilgangslausar ferðir á hverju ári ? Þarna væri til dæmis hægt að spara helling... held bara að liðið nenni einfaldlega ekki að hugsa um það, fyrst það er ekki að borga þetta beint úr eigin vasa... GetLost

Mér leiddist samt ekkert, það var sól og yndislegt veður... og ég var með góða bók með mér... þetta var nú líka ekki langur tími... lenti í Reykjavík rúmlega 9 um morguninn og fór aftur heim með kaffivélinni Cool

"Aldrei fór ég suður..." hvað.... ? LoL

Annars bara góð Grin Eigið dásamlega daga elskurnar, þangað til næst... Smile Heart

Flokkur: Bloggar | 12.11.2010 | 09:19 | Facebook

Athugasemdir

Er þetta ekki það sem þeir vilja til að "spara" hjá heilbrigðiskerfinu hætta allri þjónustu á landsbyggðinni og færa hana til Reykjavíkur. Andsk...vitleysa En hjúkket að þú skulir hafa eitthvað í hausnum En ef þetta reynist vera æxli, þarf þá ekki að fjarlægja það? Ég vona svo innilega að þetta komi allt saman vel út. Knús í þitt hús

Sigrún Þorbjörnsdóttir, 12.11.2010 kl. 11:35

Þú ert dásamleg, svona sögu á að birta í blöðunum, nægjusemi er eitthvað sem þarf að innleiða sem víðast í kerfi. Love U girl þessi svör þín við doksa minna mig á sögu af vinkonu minni (Dalvíkingur) hún var lögð inn á bráðadeild á Borgó og á meðan doksi blaðaði gegnum gögnin var hjúkka að spyrja hana um ýmislegt, hún spurði t.d. reykirðu? já sagði mín kona, mikið? já, hvað mikið? ja, ekki nóg sagði mín - hvað meinarðu?? nú alltaf þegar ég er búin með rettuna þá langar mig í aðra, hjúkkan strunsaði út og doksi brosti í kampinn.

Ásdís Sigurðardóttir, 12.11.2010 kl. 12:27

Elsku vina.Gangi þér vel í öllu þessu.Kærleikskveðjur í bæinn fagra

Ragna Birgisdóttir (IP-tala skráð) 12.11.2010 kl. 12:58

Sigrún mín: Jújú, ég veit nú ekki hvurs lags jólakálfar það eru sem geta virkilega séð einhvern sparnað í svoleiðis Þarna þetta æxli sko verður líklega stoppað með geilsun bara af því að ég er ekki tilbúin til að fara í aðgerð þar sem andlitstaugin getur auðveldlega farið í sundur og helmingurinn af andlitinu lamast... það getur alveg lagast en svo kannski ekki... tek ekki sjensinnTakk elsku vinkona, þetta verður allt fínt og knús til baka

Jónína Dúadóttir, 12.11.2010 kl. 15:55

Ásdís mín: Elska þig líkaFlott þessi vinkona þín og læknirinn líka að hann skuli hafa húmor eða öllu heldur leyfa sér að nota hannJú á mörgum sviðum er ég nægjusöm og svo líka fer allur svona óþarfi í taugarnar á mér

Jónína Dúadóttir, 12.11.2010 kl. 15:57

Ragna mín: Þakka þér fyrir elsku Eyjapæjan mín og bestu kveðjur til baka

Jónína Dúadóttir, 12.11.2010 kl. 15:58

húmorinn kemur manni alla leið

Ásdís Sigurðardóttir, 13.11.2010 kl. 15:21

Einmitt svona er þetta Jónína mín, og við eigum víst bara að þegja og hlýða.

Ásthildur Cesil Þórðardóttir, 13.11.2010 kl. 18:39

Ásthildur mín: Ég hlýddi núna af því að ég vissi ekki betur, en ekki aftur

Jónína Dúadóttir, 13.11.2010 kl. 23:30

Gangi þér vel - þú ert aldeilis með húmorinn í lagi Jónína mín, þó eitthvað annað og vissulega alvarlegt banki á..

Jóhanna Magnúsdóttir, 14.11.2010 kl. 12:38

Jóhanna mín: Þakka þér fyrirGaman að hafa húmor þó að ekki allir kunni nú að meta minn sko, en ég skemmti mér þá bara á þeirra kostnaðVeistu ég er búin að kynnast svo mörgum hetjum í gegnum vinnuna mína að mér finnst ég ekki geta verið þekkt fyrir að væla út af einhverjum svona smámunum

Jónína Dúadóttir, 14.11.2010 kl. 17:54

kann sko vel ad meta thinn húmor kona gód :D og já,hann kemur manni hálfa leid. Vona ad thetta gangi allt vel hjá thér, thú ert alger nagli:) frábær pistill kona gód:)

knús og kram .

María Guðmundsdóttir, 16.11.2010 kl. 08:06

Hef oft sagt það - ef þú hefur ekki komið upp fyrir Elliðaár skaltu ekki reyna að skipuleggja þjónustu við þá sem þar búa En vona annars bara að þér verði ekki meira meint en smá heyrnartap af þessu þarna æxli. Góð kveðja norður mín kæra