Jóla... hvað... ? :-)

Jæja... ertu búin að ÖLLU fyrir jólin... ? Uppáhaldsjólaspurningin mín af því að uppáhaldssvarið mitt fær fólk til að sýna allskonar viðbrögðMargir glotta... líklega af því að þeir þekkja mig, sumir verða vandræðalegir... halda líklega að ég sé að fíflast, margir segja mig einfaldlega ljúga... hafa þá sínar hugmyndir um þetta ALLT, en flestir samgleðjast mér nú baraUppáhaldssvarið mitt við uppáhaldsjólaspurningunni er: "Jahérna jájá.... fyrir löngu síðan auðvitað"Auðvitað er ég búin að gera allt sem ég geri... kannski ekki allt sem ég ætlaði að gera og ekki allt sem mig langaði að gera... þegar jólin ganga í garð... en jólin koma samt, sem betur fer

Ferlega góð inn í fínan föstudag, komin í þriggja daga helgarfrí... mjög ánægð með það, enda búin að vera að vinna af mér rassg... eins og ein samstarfskonan mín orðaði það svo fallega

Var algerlega óvænt kosin trúnaðarmaður á vinnustaðnum mínum um daginn...Það snaggaðist nú smá í mér þegar mér var sagt frá því... dj... andsk... er liðinu illa við mig eða eitthvað... hvað dettur þeim næst í hug ???Mig vantar sko alls ekki meiri vinnu... og eitthvað fleira svona lítið og sættEn eins og flugeldur á Gamlárskvöld dó þessi skætingur strax, bæði af því að svoleiðis er ég, get reiðst af og til en það endist ekki neitt og vegna þess að mér var bent á að hugsa út í af hverju ég hefði kosið þann sem ég merkti við... ? Hm... ha... sko, jú ég kaus eina samstarfskonu mína af því að mér líkar vel við hana, ég treysti henni og veit að hún mundi valda þessu og gera eins vel og hún gæti... "Já góða, þess vegna kusum við þig líka" var svarið sem ég fékk... útrætt mál

Hlakka til jólanna eins og alltaf... er í lengsta jólafríi sem ég hef haft í mörg ár... 4 dagar takk og það meira að segja 4 samliggjandi dagar

Hef ekkert meira að segja í bili nema: Hafið það sem allra best elskurnar mínar allar og við skjáumst ábyggilega hérna aftur fyrir jólin... vona ég

Athugasemdir

[Ásdís Sigurðardóttir, 17.12.2010 kl. 12:41]

Æ, þú ert nú svo skemmtileg skottið mitt. Auðvitað varstu kosin af verðleikum, einmitt það fyrsta sem datt í minn koll þegar ég las að samstarfsmenn þínir hefðu kosið þig, kona sem hægt er að treysta.  Ég er búin að helling og læt svo hverjum degi nægja sínar þjáningar eða vellíðan ef því er að skipta, ferlega góð inn í jólin, úthvíld og ánægð með lífið.  Njóttu helgarinnar dúllan mín og vertu góð

[Ragna Birgisdóttir (IP-tala skráð) 17.12.2010 kl. 15:17]

Yndisleg bloggin þín alltaf. Ég er ekki hissa með trúnaðarmannastarfið,í það veljast réttsýnar og heiðarlegar manneskjur.Knús í snjóinn og rokið í bæinn þinn fallega, úr rokinu í bænum mína fallega

[Ásthildur Cesil Þórðardóttir, 17.12.2010 kl. 23:13]

Já enginn spyr mig þessarar spurningar... skrýtið   Takk fyrir skemmtilega færslu og auðvitað koma jólin hvernig sem allt annað veltur.

[Jónína Dúadóttir, 18.12.2010 kl. 08:25]

Ásdís mín: Þakka þér fyrir elskulega vinkona

[Jónína Dúadóttir, 18.12.2010 kl. 08:28]

Ragna mín: Þakka þér fyrir, þetta er fallega sagt/skrifað Jólaknús frá mér mín kæra Eyjapæja

[Jónína Dúadóttir, 18.12.2010 kl. 08:30]

Ásthildur mín: Takk fyrir þaðJólaknús

[Jóhanna Magnúsdóttir, 19.12.2010 kl. 14:04]

Jóla hvað?  Ég spyr nú bara með þér! Þú ert örugglega traustsins verð sem trúnaðarmaður, enda varla kosin svona út í loftið!