Alltaf að græða... :-)

Ég er flutt niður á Eyri og líst svakalega vel á mig hérna Bý á neðri hæð í gömlu húsi og áfast við húsið er viðbygging sem hýsti járnsmiðju mannsins sem byggði húsið fyrir margt löngu... Á efri hæðinn býr gamall maður, hörkuduglegur og svo sannarlega með húmorinn í lagi... Hann labbar Eyrina á enda oft á dag á hverjum degi, sér mikið til um sig sjálfur með allt, slær lóðina, þrífur, hengir út, setur niður kartöflur í heljargarð á lóðinni, mokar tröppurnar og meira til á veturna og svona má lengi telja... Ég hitti hann þegar ég var að slá lóðina sem fylgir neðri hæðinni og hann vildi endilega koma líka með sína vél og hjálpa mér... Ég hélt nú ekki, hann væri sko búinn með dagsverkið þann daginn, ég hefði séð til hans og hann hefði ekkert stoppað... Hann sagði mér að hann þyrfti nú að passa sig að labba mikið, kransæðaruslið og hjartaræfillinn sæju til þess að halda honum við efnið Svo hefði hann nú dottið fyrir 3 mánuðum og brotið rófubeinið, það kallaði á ennþá meira labb og hreyfingu. Læknirinn hans sagði honum þá að rófubeinið mætti sko bara alls ekki fara... þá sagði sá gamli við hann að hann hefði nú betur sagt sér það áður en hann datt og braut það Þetta er dásamlegur náungi og þegar ég spurði hann að aldri sagðist hann vera algert unglamb bara 88 og yrði 89 á árinu... við urðum sammála um að ég færi líklega bara fljótlega að ná honum í aldri Það er svo gaman að kynnast svona gullmolum... það gerir lífið ennþá skemmtilegra og fyrir mig er það bara hreinn gróði

Athugasemdir

[Jokka (IP-tala skráð) 6.7.2011 kl. 23:30]

Velkomin á eyrina mín kæra :) heyrist á lýsingunni af nágranna þínum að ég viti hvar þú eigir heima hehe...hann er algjör snillingur þessi maður :)

knúz á þig

[Dagný, 7.7.2011 kl. 00:21]

Það er alltaf upplífgandi þegar maður hittir á svona skemmtilega karaktera. Til lukku með flutninginn.

[Jónína Dúadóttir, 7.7.2011 kl. 08:09]

Jokka mín: Þakka þér fyrir, búin að hlakka lengi tilKomdu bara og kíktu á mig og þá sérðu að þú hefur alveg rétt fyrir þér

[Jónína Dúadóttir, 7.7.2011 kl. 08:11]

Dagný mín: Þakka þér fyrir, já það er æði

[Ásthildur Cesil Þórðardóttir, 7.7.2011 kl. 11:47]

Til hamingju með nýja áverustaðinn Jónína mín, og ekki er nú verra að hafa góða nágranna. 

[Jónína Dúadóttir, 7.7.2011 kl. 18:13]

Ásthildur mín: Þakka þér fyrir mín kæra, hér líður mér dásamlega

[Ásdís Sigurðardóttir, 8.7.2011 kl. 11:20]

Greinilega dásamlegur kall sem þú ert búin að hitta, hafðu það gott á eyrinni, hlakka til að kíkja á þig , vonandi seinna í sumar. knús og klem

[Jónína Dúadóttir, 13.7.2011 kl. 09:09]

Ásdís mín: Já hann er það skoÞað væri æðislega gaman ef þú kæmir, bara bjalla á mig... er alltaf með símann með mér: 822-0276Knús

[Anna Guðný , 15.7.2011 kl. 18:15]

Segi eins og Jokka: Kannast við lýsinguna á manninum og veit því hvert þú er flutt. Vissi líka þegar sú sem bjó þar flutti út.  Svona er Eyrin sér samfélag. Ertu komin með pláss fyrir rifsberjarunna?