Mér finnst ég vera svo dugleg.... :-)

... og ef ég segi ekki frá því þá kannski fer það fram hjá ykkur öllum... ! Er nefnilega alveg að verða búin að pakka niður jólaskrautinu og það er bara þrettándi janúar... Það var nú samt ekki svo mikið skraut uppi... enda ekkert risastór íbúð, alveg nógu stór samt... held ég sé bara með 1/10 af skrautinu mínu hérna...

Fer alltaf hlutfallslega mest fyrir jólapappírnum og öllu pakkaskrautinu mínu... Ég á alltaf utan um fimm sinnum fleiri pakka en ég gef... og gef þó slatta... og kaupi svo meira fyrir næstu jól af því að ég man ekkert hvað ég á og alltaf viss um að ég eigi aldrei nóg... Ein af skemmtilegu jólahefðunum mínum... 

Mér finnst dagurinn í dag miklu lengri en gærdagurinn... en fróðir segja mér að það muni samt bara 7 mínútum... það er sem sagt þetta fræga hænufet.... Ég á mun auðveldara með janúar núna en ég hef átt í mörg ár... ég hlakka bara til að takast á við hann og svo febrúar líka... þetta hafa sko vægast sagt ekki verið uppáhaldsmánuðirnir mínir lengi-lengi... en núna er þetta ekkert mál Enda engir leiðinda "aðskotahlutir" að flækjast fyrir mér lengur... Og heilsan getur ekki gert annað en að batna... ég er búin að ákveða það og ég er þvílíkur þverhaus að það er ekki hægt að fá mig ofan af því...

Málið er að ég hef það rosalega gott í lífinu, ég á allt og hef allt sem mig langar í nema tvennt og ég er að vinna í því... Annað er heilsan... get að vísu ekkert gert til að hraða henni nema að sýna þolinmæði... svolítið mótsagnakennt... En "hitt" sem mig langar í læt ég ekkert uppi um fyrr en ég er komin með "það"... 

Eigið góðan dag elskurnar... flýtið ykkur hægt í hálkunni.... 

Athugasemdir

[Ragna Birgisdóttir, 13.1.2012 kl. 12:53]

Góðan daginn sálarbætandi vinkona mín Já það er alltaf erfitt að taka niður jólaskrautið en að sama skapi hugsa ég hvað ég verð alltaf glöð þegar að ég byrja að tína það upp aftur á aðventunni. Knús í daginn

[Ásthildur Cesil Þórðardóttir, 13.1.2012 kl. 12:57]

Eitt hænufet er eitt hænufet  Ég er ekki byrjuð að taka niður skrautið satt að segja hef ekki haft í mér döngun til þess, en nú skal farið í þetta allt saman á eftir, fyrst þarf ég að fara með heitt vatn upp i hænsnakofa til að athuga hvort ekki sé frosið vatnið hjá þeim greyjunum. 

Takk fyrir enn einn gleðipistilinn Jónína mín.

[Jónína Dúadóttir, 13.1.2012 kl. 13:21]

Ragna mín: Þakka þér fyrir og sömuleiðis yndið mitt.... Ég er búin að taka nokkra daga í þetta.... og segi eins og þú, hlakka til að setja það upp aftur... en það á svo agalega margt gott og skemmtilegt eftir að gerast þangað til...

Knús inn í daginn þinn líka

[Jónína Dúadóttir, 13.1.2012 kl. 13:24]

Ásthildur mín: Jahhá... og þegar mörg hænufet koma saman þá er gaman

Það liggur meira á að athuga með hænurnar... jólaskrautið fer ekkert frá þér og engar reglur heldur til um hvenær á að taka það niður...

Mikið þykir mér vænt um að þú skulir hafa gaman af bullinu í mér elskuleg mín

[Ásthildur Cesil Þórðardóttir, 13.1.2012 kl. 13:42]

Meira en gaman Jónína mín, það nærir sálina meira en þú gerir þér grein fyrir

[Jónína Dúadóttir, 13.1.2012 kl. 17:51]

Ásthildur mín: Þakka þér fyrir....

[Ásthildur Cesil Þórðardóttir, 13.1.2012 kl. 17:53]

[Sigrún Þorbjörnsdóttir, 14.1.2012 kl. 12:40]

Þetta er sko svo satt hjá henni Ásthildi. Þú ert algjör gullmoli :)

[Jónína Dúadóttir, 14.1.2012 kl. 13:14]

Sigrún mín: Þið eruð að lýsa sjálfum ykkur líka þegar þið segir svona fallegt við einhvern annan... þið eruð svo fallega góðar manneskjur...

Þakka þér fyrir gullmolinn minn

[Jóhanna Pálmadóttir, 14.2.2012 kl. 00:13]

það er svo ólýsanlega gott að losna við þessa assgotans aðskotahluti

Þú ert yndisleg elsku stóra sys, love you ever so much!!!