Jónína Dúadóttir

Köld... kaldari... köldust... ;-)

Mér var svona agalega kalt þegar ég var sest niður með prjónana mína hérna heima eftir vinnu í gær... og ekki skánaði það í nótt þegar ég var að gera fátæklegar tilraunir til að sofa... dottaði eitthvað eins og 85 sinnum og hrökk alltaf upp aftur... mér var svo kalt... Pinch Ég var komin með tvær sængur, tvö teppi og rafmagnshitapoka... en það skipti engu máli... GetLost Ég bylti mér á alla kanta og rausaði við sjálfa mig... vaknaði hvað eftir annað við að ég var að segja eitthvað... sjálfsagt eitthvað rosalega merkilegt, ég efast ekkert um það... en ekkert alveg gríðarlega nauðsynlegt samt, þar sem ég hélt vöku fyrir sjálfri mér með því megnið af nóttunni... Tounge Ég var síst að skilja í þessu... fyrr má nú vera vesenið... en svo gerðist það einhvertímann um fjögurleitið í nótt held ég... að það kviknaði ljós í sortanum... ég... Ninna litla... er lasin ! W00t Þess vegna var mér svona kalt.. með hausverk dauðans... hálsbólgu út í eyru og svo stífluð að ég vaknaði hvað eftir annað til að fá mér að drekka... enda eyðimörk í munninum á mér af því að ég gat ekki andað með nefinu... Frown Hef það mér til afsökunar að ég var svo lasin að ég hafði ekki heilsu til að láta mér detta þetta í hug fyrr... Grin

Þurfti að hringja leiðinlega símtalið... í yfirdúlluna mína til að vekja hana svo hún gæti hringt í einhverja aðra og vakið hana til að leysa mig af... átti að vinna frá 8-16 í dag en það varð ekkert af því... Blush Svo er ég í fríi á morgun... passar alveg, ég er svo húsbóndaholl að í þau fáu skipti sem ég er lasin þá er það að sjálfsögðu á frídögunum mínum... þess vegna hef ég svo oft fengið að heyra að ég sé aldrei lasin... en það er nú bara svona mjög vel falið ofurheilbrigði... Grin Annars er ég bara yfirleitt aldrei lasin... nema þá einhverja mánuði í einu eins og í vetur... enda hef ég þá trú að maður eigi að gera hlutina almennilega fyrst maður er að þeim á annað borð... Cool

En þetta kom sem sagt eins og skrattinn úr sauðaleggnum... þruma úr heiðskýru lofti og allt það... og ég hringdi auðvitað í heimilislækninn til að fá hjá honum eitthvað rótsterkt til að rífa þetta úr mér á núll einni, en honum fannst nú ekki nauðsynlegt að nota neinar sprengjur svo sem... sagði að ég yrði bara að bíta í það súra epli að verða af og til lasin eins og venjulegt fólk... GetLost En hann sendi mér samt eitthvað sem hann hefur ofurtrú á... en mér finnst vera svona eins og að nota teskeið þegar það þarf virkilega að nota ausu... og sterkar verkjatöflur... sjálfsagt svo ég svæfi bara og væri ekki að angra vinnandi fólk með rausinu í mér... Tounge

Ég er nefnilega alveg ömurlegur sjúklingur... og það er afskaplega vægt til orða tekið... ég er alveg hryllilega óþolinmóð og bregst hin versta við þegar allir vilja allt fyrir mig gera... Whistling Það er alls ekki vanþakklæti... svo ofsalega langt því frá því... mér finnst bara að ég eigi ekkert að vera veik og að ég geti bara gott og vel gert alla hluti sjálf... hvort sem ég get þá eða ekki... Tounge En svo er ég ekkert nema þolinmæðin og elskulegheitin við aðra sem eru lasnir... það virðist nefnilega einhvernveginn vera algerlega hinn handleggurinn... Joyful

Ég er búin að dorma í um það bil 12 klukkutíma og ætla bara að halda því áfram... "teskeiðin" og verkjatöflurnar eru auðvitað alveg að gera sitt gagn... og mér er strax farið að líða aðeins betur... Wink

Veriði til friðs greyin mín... ég ætla að leggja mig smá... Grin

Flokkur: Bloggar | 20.3.2012 | 13:24 | Facebook

Athugasemdir

Elsku kerlingin mín.! Ekki gott að vera veik. Vildi að þú hefðir komið inn á Facebook að kjafta við andvökukerluna mig sem stafaði af of mikilli kaffidrykkju.Farðu nú vel með þig ljúfan og ekki fara of snemma af stað svo að þér slái ekki niður aftur.Knús og verkjatöflur