Vinntu bara og vinntu góða mín ;-)

Þar sem ég ætlaði nú ekki að gera neitt alla helgina nema skreppa í kvöldvinnuna mína og skipta á nokkrum rúmum, endaði ég auðvitað í 10 tíma vinnu báða dagana. Ég kom samt alveg ósködduð undan helginni og það hefur mikið með góða veðrið að gera. Gestir í 3 herbergjum af 6 sem ætluðu að fara í gær, lengdu dvölina um sólarhring vegna veðurs, urðu sem sagt veðurtepptir. Tjaldvagninn okkar, sem við keyptum í Borg óttans fyrir mánuði síðan, er loksins kominn norður og við náum í hann í dag. Með sama áframhaldi verður lítið sem ekkert pláss á bílastæðinu hérna fyrir gesti sem koma í gistiheimilið. Við erum með 3 bíla, kerruna og svo kemur tjaldvagninn, held við verðum alvarlega að íhuga það, að fara að hætta að versla  Nú líður að því að systur mínar með slatta af fjölskyldumeðlimum í farteskinu, fari að láta sjá sig hérna í Slow town, bæði í maí og júní. Það verður fjör ! Og svona í restina fyrir íbúa suðurlands og nærsveita : það er ennþá æðislegt veður hérna og verður víst eitthvað fram eftir vikunni,( ljótt að hæla sér yfir rigningu og roki annara)   Eigið góðan dag

Athugasemdir

[Erna Evudóttir, 30.4.2007 kl. 09:24]

 Haltu bara áfram að hæla þér fyrir veðrið, við vitum að það er ALLTAF gott veður á Akureyri! Jú verður gaman að koma heim í sumar, það er það alltaf, getum ýlt og gólað alveg í tryllingi þarna uppí fjalli hjá þér

[Jónína Dúadóttir, 30.4.2007 kl. 12:30]

Jahhá og jahhá

[Birna Dúadóttir, 30.4.2007 kl. 22:53]

Sko hér er rok-rassgat og hefur verið í viku

[Erna Evudóttir, 30.4.2007 kl. 23:08]

Er það einhvertíma öðruvísi?Man að vísu eftir einum degi þegar við löbbuðum niður Hafnargötuna næstum alla leið út á Berg og lifðum það af

[Jónína Dúadóttir, 1.5.2007 kl. 06:36]

Elskurnar mínar, svakalega eruð þið seint á fótum. Ég gafst upp hálf ellefu, það er örugglega góða veðrið sem gerir mann svona uppgefinn