Jónína Dúadóttir

Allar mæður ! Til hamingju með daginn í gær !

Gleymdi mæðradeginum í gær, en það er ekki hundrað í hættunni, hef hann bara í dag í staðinn. Eins og allir dagar eru konudagar, þá mega líka allir dagar vera mæðradagar

Er ég eitthvað óvenju sauðaleg eða er enginn feðradagur í íslenska dagatalinu ? Auglýsi hér með eftir honum ! Það er ekki kvöldvinna hjá mér þessa viku og svo er líka frídagur á fimmtudaginn, þannig að ég sé fram á óvenju auðvelda viku. Þar fyrir utan, erum við eiginlega búin að gera það sem við getum hérna í stofunni, þangað til nýi glugginn kemur. Þá verður önnur törn, samt öllu styttri

Það leit einna helst út fyrir að við þyrftum að fylla kerruna okkar með stórum heimilistækjum og skutla í viðgerðir, á þessum líka fína mánudegi. Þurrkarinn er búinn aðvera bilaður í viku, sem er nú svo sem ekkert voðalegt, það má alltaf bjarga sér einhvern veginn þurrkaralaust, þó ég vilji auðvitað að öll þessi tæki virki. Það var öllu verra þegar uppþvottavélin fór að vera með stæla, sem fólust meðal annars í því, að hún neitaði alfarið að taka inn á sig vatn og vaska upp fyrir mig. Þá var nú fokið í flest skjól ! En spúsi minn tók sig til og gerði eitthvað við vélina, þannig að hún fór af stað aftur, hann var örugglega búinn að fá leið á að þurfa að vaska allt upp sjálfur, ég kom nefnilega alls ekkert nálægt því ! Þurrkarinn verður þar af leiðandi einn á kerrunni. Ég virka bara alls ekki, uppþvottavélarlaus, enda er ég með eina uppi í gistiheimilinu og aðra hérna niðri. Forréttindapakk, það er ég ! Eigið góðan dag