Skrif-ræpa !

Las á visir.is að brunavörnum er víst eitthvað ábótavant á Litla-Hrauni. Í gömlu byggingunni er klefunum læst utanfrá, með slá og hengilás og ef kviknar í þurfa fangaverðirnir að opna hverja hurð fyrir sig. En í nýju álmunni er eitt handfang til að opna allar hurðirnar í einu, ef kviknar í. Fangarnir eru, mjög skiljanlega, alls ekkert ánægðir með þetta. Brunamálastjóri sagðist mundu hafa samband við rekstraaðilann og láta athuga HVORT væri ástæða til að breyta þessu eitthvað með hengilásana. Er það virkilega í einhvers huga, einhver spurning ? Hvað er verið að pæla ? Bíðum við, jú, það er auðvitað hægt að láta erfiðustu fangana eða leiðinlegustu eða hættulegustu, í gömlu bygginguna með öllum hengilásunum, en vinsælli fangana, með litla sem enga vesenið, í nýbygginguna. Svo kviknar í og þá er bara hægt að velja hvað hengilás á að opna fyrst..... Nei, nú er þetta að verða aðeins of svart hjá mér. Skil bara ekki að það þurfi að vera spurning um HVORT það eigi eitthvað að laga þetta. Mér finnst það liggja svo í augum uppi !  Annars þekki ég lítið sem ekkert til fangelsismála á Íslandi, fyrir utan þarna þegar ég fór í eigin persónu með sendibréf til fanga í fangelsinu hér í Slow town. Þá var verið að gera upp lögreglustöðina að innanverðu og úti á plani var sumarbústaður aðsetur lögreglumanna og fangavarða, kallaður Skúrinn. Ég hafði keyrt náinn kvenkynsættingja minn út á flugvöll, viðkomandi hafði verið að heimsækja fanga í fangelsinu hér og var á heimleið. Það var vesen á vesen ofan í sambandi við að allt saman og ættingi fangans hafði eitthvað brotið af sér gagnvart ættingja mínum, sem hafði skrifað bréf til fangans og bauð mig fram sem sjálfboðaliða til að afhenda bréfið í Skúrinn ! Síðan hentist þessi kvenkynsættingi minn út úr bílnum á flugvellinum, skyldi bréfið eftir og þaut upp í flugvélina og var farin. Það var hásumar og ekki möguleiki á að laumast þetta í myrkri, lambhúshetta er eitthvað sem ég hef ekki átt í háa herrans tíð og ekki gafst mér tími til að safna skeggi heldur. En til að koma nú þessu ömurlega erindi sem fyrst af höndum mér, keyrði ég uppeftir, hljóp að skúrnum, bankaði, henti bréfinu í andlitið á þeim sem opnaði, hvæsti á hann að þetta væri ekki frá mér, þaut aftur út í bíl og hvarf á hljóðhraða langt í burtu frá lögreglustöðinni. Aðgerðin tók ekki meira en 20 sekúndur. Mér finnst samt að þeir ættu að gera eitthvað í sambandi við hengilásana á Hrauninu. Eigið góðan dag

Athugasemdir

[Jóhanna Pálmadóttir, 22.5.2007 kl. 13:23]

Hahahahahahahahahahaha  Þú ert frábær!!!

[Erna Evudóttir, 22.5.2007 kl. 17:26]

Já einmitt, algjör snillingur!  Ég sá samt til þín, nei bara að grínast, hef sjálf farið í heimsókn í þetta umtalaða fangelsi, ekki Hraunið heldur á Akureyri, það var bara nokkuð nice  En þýðir þetta þá að þú myndir ekki heimsækja mig ef ég sæti þarna inni?

[Jónína Dúadóttir, 22.5.2007 kl. 20:12]

Ég mundi auðvitað heimsækja ÞIG og hafa gaman af En við hefðum sko aldrei orðið mestu mátar, fangelsiskandidat næstelstu dóttur tengdadóttur alnöfnu minnar og ég

[Erna Evudóttir, 22.5.2007 kl. 22:09]

Takk!

[Jóhanna Pálmadóttir, 23.5.2007 kl. 17:22]

Hehe...hef líka farið í heimsókn þarna...svakalega gaman!  Við héldum partí!