Jónína Dúadóttir

Hið besta mál !

Þá er kominn mánudagur og vonandi koma allir jafnvel undan helginni og ég. Útilegan var fín og alls engir byrjunarörðugleikar með tjaldvagninn, enda varla hægt að hafa einfaldari og fljótlegri útilegubúnað. Nokkurn veginn hálfvitahelt

Við vorum á tjaldstæði á Mývatni, alveg niður við vatnið, sól og fínt veður og engar mýflugur. Þegar við komum svo heim, um miðjan dag í gær, fór ég beint í að slá lóðina. Byrjaði vel, en þá vantaði mig nýjan hníf í vélina og komst að því, mér til mikillar hrellingar að hinn helmingurinn af hjónunum hérna hafði hent þeim öllum, í brjálæðislegu tiltektaræði inni í geymslu. Þetta eru litlir hvítir plasthnífar og hann vissi ekkert hvað þetta var, þannig að hann henti þeim bara, samviskusamlega öllum ca 10 stykkjunum

Jæja, gengur betur næst. Þessa viku vinn ég á kvöldin líka og svo er túristatíminn byrjaður og þó nokkuð af gestum á gistiheimilinu þessa dagana, þannig að það verður nóg að gera. Fann það út áðan, að það er bara rétt rúmur mánuður þangað til ég er komin í 6 vikna sumarfrí og það er bara hið besta mál

Dagarnir eru alltaf allt of fljótir að líða á sumrin, þannig að sumarfríið mitt er bara þarna rétt handan við hornið. Birna systir er á Krít þessa viku með yngri dóttur sinni og ég öfunda þær dálítið mikið, en minn tími mun koma

Eigið góðan dag í sumrinu, sem virðist loksins vera komið hérna á norðurhjaranum