Sko.....

...Svíar eru bara betri í fótbolta en Íslendingar og er svo ekki hægt að fara að tala um eitthvað annað ? Ef Íslendingar vilja standa sig betur, þá fara þeir bara heim og æfa sig meira eða ef þeir nenna því ekki, gera þá bara eitthvað annað sem þeir eru flinkari við en tuðruspark  Ég er sem sagt alls engin áhugamanneskja um boltaíþróttir og líður bara vel með því. Hef alltaf haldið því fram að það væri lang sniðugast að allir leikmennirnir fengju bara hver sinn bolta og þá geta þeir hætt að rífast og slást um þennan eina einasta. Þetta finnst fáum fyndið nema mér Veðurspá : 20 stiga hiti um helgina norðan og austanlands og hafiði það nú bara elskurnar. Helgarplanið hjá mér er að vinna í kvöldþjónustunni og vinna svo líka á lóðinni okkar. Ég er bara með blóm í döllum af því að mér finnst næstum því jafnleiðinlegt að reyta arfa og að bóna bíla. Ég get þá bara falið dallana þegar arfinn fer að sjást. Svo þarf ég að fara í leiðangur og leita að stéttinni hérna við húsið, ég held að hún sé þarna undir fíflunum og grastoppunum og njólahálfvitunum og öllum hinum gróðrinum sem vex þarna, alveg án míns leyfis. Gistiheimilið er fullt um helgina og það væri nær fyrir mig að fara upp og klára að setja utan um rúmin og þrífa, en að sitja við tölvuna og grobba mig af einhverju sem ég er ekki einu sinni byrjuð á. Eigið góðan dag í góðu veðri, verið góð við alla þá sem eiga það skilið og þá sérstaklega við ykkur sjálf 

Athugasemdir

[Erna Evudóttir, 8.6.2007 kl. 11:09]

Jú væri nú kannski svolítið skrýtið að Svíar sem eru ca 9 milljónir myndu ekki vinna yfir Íslendingum sem rétt hafa skriðið yfir 300 þúsundin!   En svona bara til gamans þá er sá sem var kosinn fallegasti karlmaður ársins í Svíþjóð hálfur Íslendingur og restin Tælendingur

[Jónína Dúadóttir, 8.6.2007 kl. 12:59]

Hí hí glæsilegt

[Jóhanna Pálmadóttir, 11.6.2007 kl. 12:36]

Ha??? Hver er það???