Viljum við vera svona fólk ?

Ég er ennþá í hálfgerðri sálarkremju út af frétt, sem ég bæði heyrði og las um daginn. Þegar það var reynt að nauðga stúlku á tvítugsaldri í húsasundi í Borg óttans, en sem betur fer slapp hún og það var eingöngu henni sjálfri að þakka. Það voru vitni að þessu en enginn SÁ ÁSTÆÐU TIL að hjálpa henni ! Bíðum nú bara hæg og róleg, ef þarna var ekki ástæða til að hjálpa, hvenær er það þá ?  Hvernig eru innréttingarnar í hausnum á fólki, sem getur í alvöru hugsað svona ? Og ekki nóg með það, hálfvitarnir segja svo frá því líka ! Hvað þarf að vera að gerast til þess að þetta fólk sjái ástæðu til að koma til hjálpar ? Eftir hverju fer það ? Ég þekki ekki eina einustu manneskju sem hefði ekki hlaupið til og reynt eitthvað, að sjálfsögðu ! Aumingjar sem reyna að nauðga konum eru huglausir vesalingar, sem missa strax hjartað ofaní buxurnar ef þeir þurfa að kljást við fleiri en bara eina litla konu. Þetta eru svo mikil lítilmenni að það þarf oft ekkert annað en öskur til að hræða þá ! Og þó maður geti ekkert annað en öskrað, þá gerir maður það þó allavega ! Bara eitthvað, helst náttulega gelda þá, en oftast er fólk bara ekki með töngina með sér   Eigið góðan dag og stundið hjálpsemi framar öllu