Jónína Dúadóttir

Mótorhjól eru ekki hættuleg og ekki byssur heldur !

...það er manneskjan sem handleikur þessi tól, sem getur verið hættuleg, ef henni/honum stendur hugur til þess. Mótorhjólið gerir ekkert af sjálfsdáðum og byssan ekki heldur. Það er gaman að vera á mótorhjóli og það er, trúið mér, gaman að keyra hratt á mótorhjóli og þá er ég að tala um þriðja hundraðið, en ekki orð um það meir. Það verða alltaf að vera takmörk fyrir vitleysunni. Og það er alls ekki allt mótorhjólafólk sem keyrir of hratt, en eins og í svo mörgu öðru, það eru tiltölulega fáir einstaklingar sem skemma fyrir öllum hinum. Hlutfallslega. Byssur eru alls ekki hættulegar heldur, það er manneskjan sem heldur á byssunni, sem stundum er ástæða til að hræðast. Mér finnst gaman að skjóta úr byssu, í mark sem þá verður að vera alveg steindautt. Í sveitinni, er byssan til dæmis bara nauðsynlegt verkfæri. Og í höndunum á bóndanum, sem þarf að aflífa, segjum rollu, er byssan ekkert hættulegri en bara borvél eða hamar, ja nema kannski þá fyrir rollugreyið, en það liggur í hlutarins eðli. Ég hef líka verið öfugu megin við byssuhlaup þegar var skotið úr því, en þá kom brennivínið mér til hjálpar. Það er ekki algengt að það sé talað þannig um brennivín, en það er bara alveg dagsatt, byssumaðurinn ógurlegi var með of mikið af brennivíni innanborðs til að geta miðað rétt ! En, skyldu til dæmis bílaleigubílar vera eitthvað hættulegri en aðrir bílar ? Það er svo mikið í fréttunum, um að útlendingar séu teknir fyrir ofsaakstur á bílaleigubílum. Bara spyr... Eigið góðan dag og akið varlega