Fín húfa ?

Það telst nú vart í frásögur færandi, en ég fór í klippingu í gærmorgun. Klipparinn minn, sem er mjög flinkur, les allar mínar hugsanir í sambandi við hárið á mér og er þar að auki afar skemmtilegur, hefur samt eitthvað, sem mér finnst líkjast því að vera kækur eða kannski fíkn ? Hann notar allar tegundir, sem til eru á stofunni, af froðu og spreyi og lakki og geli og vaxi og steypu og lími og ég veit ekki hverju og hverju, í hárið á mér þegar hann er búinn að klippa það. Þegar ég fór út af stofunni hjá honum í gær, þá hefði mátt vera svo hvasst að bíllinn minn hefði fokið, en ég hefði samt staðið eftir eins og kvenkynsútgáfan af James Bond, með hárið grafkyrrt í upphaflegu lagningunni. Ég skrapp í heimsókn til sonar og tengdadóttur í morgun, ennþá með allar tegundirnar af klessuefnunum í hárinu frá í gær og litla sonardóttir mín hélt ég væri með húfu og vildi að ég tæki hana niður. Ég ætla að fara í sturtu og gá hvort ég næ þessu ekki úr, ef ég hef nú með mér terpentínu eða eitthvað þaðan af áhrifameira ! Eigið góðan dag allir sem einn

Athugasemdir

[Gunnar Helgi Eysteinsson, 27.7.2007 kl. 10:40]

[Birna Dúadóttir, 27.7.2007 kl. 10:53]

Ég fékk kast,þið eruð eðalgripir,bjargaði deginum

[Jónína Dúadóttir, 27.7.2007 kl. 11:03]

Sjáiði fínu myndina af mér ? Takk Gunnar

[Birna Dúadóttir, 27.7.2007 kl. 11:21]

Mérnst þúso sæt ámyndinni

[Jónína Dúadóttir, 27.7.2007 kl. 11:36]

Æi takk, þetta er þriðja myndin, sem ég hef séð af sjálfri mér um ævina, sem ég er ánægð með. Fyrsta var tekin þegar ég var einhverra mánaða gömul, næsta var tekin í svarta þoku í myrkri og svo er þessi

[Birna Dúadóttir, 27.7.2007 kl. 12:00]

Hvaðan kemur þér þessi hógværð heillin

[Jónína Dúadóttir, 27.7.2007 kl. 16:30]

Frá þessum nýju eldri systrum mínum

[Erna Evudóttir, 27.7.2007 kl. 17:18]

Já hvar annarsstaðar getur þessi hógværð átt upptök sín?  Ég bara spyr, Ninna er svo pen og við svo hógværar

[Birna Dúadóttir, 28.7.2007 kl. 02:02]

Jamm það er tekið til þess

[Jónína Dúadóttir, 30.7.2007 kl. 07:16]

Dahhhh.....