Jónína Dúadóttir

Það snjóaði.....

......hér í nótt. Það er svakalega fallegt að sjá úti, við erum með gömlu timburljósastaurana hérna uppfrá, með gulu perunum og það kemur skemmtilega út í myrkrinu. Ég kann alveg að meta fegurðina í þessu, þó ég kunni ekkert sérstaklega vel við snjóinn sjálfan. Örugglega hefur mér fundist gaman að snjónum þegar ég var krakki, svona eins og gengur og gerist með börn, en það virðast vera margir mannsaldrar síðan. Það hefur ekkert með aðstæður að gera, ég á fullt að hlýjum fötum og gott hús og fínan jeppa, mér finnst snjór bara óþarfiAnnars er húsmóðirin í mér að stinga upp hausnum þessa dagana, ég ætla að fara að taka slátur. Bara að finna góðan dag í vikunni, þegar tengdadóttir mín, hún Andrea, getur verið með mér í því. Það ætti að vísu ekki að heita að taka "slátur" í mínu tilviki, ætti að heita að taka "lifrarpylsu". Ég bý sko ekki til úr blóðinu, það hefur samt ekkert með trú að gera, mér finnst bara blóðmör ekkert góð/ur. Spúsi minn hefur hjálpað mér í slátrum undanfarin ár, en núna er hann á kafi í Landrover-"makeover", svo ég ætla að láta hann í friði þetta árið. Það er engin kvöldvinna hjá mér þessa vikuna og þá hef ég enga gilda afsökun fyrir því að gera ekki neitt, hérna heima. Stundum furðulegur þessi prentvillupúki hérna, núna strikar hann undir með rauðu öll orðin hérna, sem enda á -ur. Eigið góðan dag og passið ykkur á hálkunni

Flokkur: Bloggar | 15.10.2007 | 07:45 | Facebook

Athugasemdir

Vá, slátur, gott...senda mér!!! EEEEElska lifrapylsu!!!
Stelpurnar fengu sendinguna frá þér í dag, gerði gífurlega lukku!!! Becca hafði ekki alveg tíma til að skoða bókina almennilega, var að fara út að hjóla, en þetta kom sér svakalega vel fyrir litlu skutluna sem var að fá þær fréttir í dag að hún verður að vera heima þessa vikuna líka af því að hún er vísst með lungnabólgu litla skinnið...svo þá gat hún kúrt uppí sófa og horft á Latabæ á íslensku, alveg svakalega ánægð!!! Við þökkum kærlega fyrir okkur!!!