Jónína Dúadóttir

Skammt öfganna á milli....

Það getur verið krabbameinsvaldandi fyrir konur að taka hormónatöflur á breytingaskeiðinu. Það getur líka aukið líkurnar á krabbameini, að borða brennt grillkjöt og sætuefnin, sem notuð eru í "diet" gosdrykki, geta líka verið krabbameinsvaldandi. Og fleira og fleira, við erum hvergi óhult virðist vera. Mér dettur ekki í hug að þykjast vita betur, en er ekki rökrétt að álykta að ofneysla á þessu öllu, geti aukið líkurnar á því að fólk fái þennan ógeðslega sjúkdóm. Svo er líka til að fólk, sem gerir ekkert sem ætti að geta valdið krabbameini, hreinlega deyr úr því. Ég þekkti mann á besta aldri, sem aldrei hafði reykt, aldrei drukkið áfengi eða kaffi og notaði ekki sykur og var á allan hátt fyrirmynd í heilbrigðum lífsháttum, hann dó úr krabbameini í maga og lungum. Og ég vil taka það sérstaklega fram, að það reykti heldur enginn í kringum hann, hann leyfði það ekki ! Lítill drengur sem ég þekki mjög vel, fékk nett hræðslukast þegar hann fattaði að ég drakk bara "diet"kók og vildi ekki fyrir nokkurn mun þiggja "diet"kók hjá mér, bara kók með sykri, sem er nú líka óhollt. En hann ætlaði sko ekkert að fá krabbamein....... Börn sjá auðvitað allt í svört og hvítu, en þegar við verðum fullorðin, förum við smám saman að fatta gráu svæðin í lífinu og tilverunni. Að fullyrða um hlutina hefur mér alltaf fundist vera svolítið fjarstæðukennt, allir karlmenn eru svona og svona ómögulegir, þó að einhver einn sérstakur hafi klikkað.....konur kunna ekki að keyra, þegar ein kona álpast til að keyra á eitthvað..... Það má heldur ekki fullyrða að ég sé einhver fyrirmyndarhúsmóðir, þó ég sé að fara að gera slátur á eftir.... Fyrirmyndarhúsmóðir á svuntu, ég á ekki svuntu.... Eigið góðan dag og ennþá betri helgi

Flokkur: Bloggar | 19.10.2007 | 07:14 | Facebook

Athugasemdir

Ok Ninni minn, jólagjöfin í ár er svunta, ekki spurning, getum ekki látið þetta vitnast um okkar fjölskyldu að Jónína Þ eigi ekki svuntu

Erna Evudóttir, 19.10.2007 kl. 08:07

Erna mín..... ef þú gefur mér svuntu í jólagjöf þá.... verð ég bara ógeðslega ánægð af því að hún er frá þér...he he er ég ekki alveg búin að eyðileggja ánægjuna núna....

Jónína Dúadóttir, 19.10.2007 kl. 09:24

Ein elgjasvunta á leiðinni - passar svo fínt við pottaleppana sem sumar nota víst ekki heldur

Katrín Stefánsdóttir (IP-tala skráð) 19.10.2007 kl. 15:06

Sko Kata mín, ég nota víst pottaleppana ég er engin súperkona, svo eru þeir svo flottir

Hjödda mín, þetta með smokkana og/eða eitthvað þess háttar, það kemur....

Jónína Dúadóttir, 19.10.2007 kl. 19:12

Ég er ekki komin svo langt að lesa um smokkana,en líst vel á þessa lesningu.En áttirðu ekki svuntu þegar þú bjóst í Sunnuhlíð undir Sólskríkjufjalli,æi þarna norðan hnífapara?Þú hefur þó ekki hent henni?Skyldi hann þarna Snorri vita af þessu,hét hann ekki annars Snorri

Birna Dúadóttir, 20.10.2007 kl. 10:21

Hm... jú það er mér í barnsminni að hafa átt svuntu þá, en hver er þessi Snorri ?