Beckham stjarna í nærbuxnaherferð !!

Nennti ekki að lesa fréttina, frægt fólk sem ég þekki minna en ekki neitt, er svo alls ekki eitt af mínum áhugamálum. Miklu meira gaman að snúa bara út úr fyrirsögninni... Mér datt í hug þegar ég las þessa fyrirsögn, hvort allir væru hættir að nota nærbuxur og það þyrfti enskan boltastrák til að hvetja okkur til að taka brækurnar upp aftur. Ég hefði nú haft þetta : nærbuxnaauglýsingaherferð, en... hvað veit ég svo sem... Nettengingin mín er alltaf að pirra mig með reglulegu millibili, þá fer netið að snúast afturábak, held ég. Ég hringi í Vodafón og þau eru farin að þekkja mig þar með nafni og fengu í langan tíma gæsahúð þegar ég kynnti mig...  En það lagaðist þegar ég lærði á þetta og núorðið förum við bara framhjá öllum formsatriðum, þau sleppa hálfvitaleiðbeiningunum og gera bara strax eins og ég bið : "Viltu endurræsa portið fyrir mig væni/a ?" Þetta hljómar grunsamlega líkt því að ég hafi eitthvað vit á þessu, en svo er ekki. Ég er búin að þurfa að hringja svo oft og stundum með örfárra daga millibili og ég er búin að slökkva á routernum og kveikja á honum aftur, áður en ég hringi og smásýjan hefur ekkert farið á neitt flakk og allar tengingarnar inni í veggnum eru líka á sínum stað og það er ný símasnúra og já hún liggur úr þessu í þetta og svo framvegis. Það eina sem er vitlaust hér er, að netið virkar ekki. Ég hringdi um 7 leitið í morgun: "Þú ert komin í samband við Vodafón, þakka þér fyrir að hringja. Press 0 for english..... veldu 1 fyrir heimasíma og GSM......veldu 2 fyrir nethjálp... ef ekkert er valið gefum við þér samband við þjónustufulltrúa".  Ég valdi 2 fyrir nethjálp : "Opnunartími Vodafón er frá klukkan 8 til... " Var ekki hægt að segja það bara strax ? Mig langar ennþá í og eiginlega sárvantar, sjálfhreinsandi gólf í jólagjöf Gangið glöð inn í góðan dag og njótið þess að vera til

Athugasemdir

[Gunnar Helgi Eysteinsson, 13.11.2007 kl. 09:27]

Óþolandi svona símaþjónusta !

[Þorsteinn Gunnarsson, 13.11.2007 kl. 12:47]

Ég bara HATA svona símsvarasystem. Þetta er orðið í öðruhverju fyrirtæki og rétt um daginn hringdi ég í ónefnt "fyrirtæki" og fékk svona romsu upp, um deildarskiptingar, sem tók ca 1 mínútu í flutningi. Ég þurfti svo að heimsækja þetta stórfyrirtæki einhverjum dögum seinna og komst þá að því að að starfsmennirnir voru tplega 2, þ.e eigandinn og svo aðstoðaði konan hann annað veifið...

[Jónína Dúadóttir, 13.11.2007 kl. 12:59]

Voru þeir tæplega tveir... arg....

[Birna Dúadóttir, 13.11.2007 kl. 18:19]

Ég mundi nú frekar vilja sjá Becham brókarlausan,svona ef ég nennti yfirleitt að gefa honum seinna lúkkiðEf ég hringi á Heilsugæsluna hérna um hánótt og bið um vaktlækni,þá fæ ég spurningu.Er það út af veikindum?Nei asninn þinn,mér leiðist,er að hugsa um að taka lækninn á löpp,á enga vini,gat ekki sofið.Kannski pínu heimskuleg spurning,ekki satt

[Fiðrildi, 13.11.2007 kl. 19:44]

Það er alltaf gaman að kíkja hér inn stelpa.  Ég kannast vel við þessa þjónustu og einu sinni var ég kölluð þyrnirós af starfsmanni . . . en ég er mjög lítið inni í öllum tölvutengingum . . . líka reyndar þeim mannlegu :(

[Júdas, 13.11.2007 kl. 21:16]

Fátt slær þó við uppköllunar tónunum sem koma á undan tilkynningum í Ikea.  Þetta eru þrír tónar sem sem eru svo háværir og skelfilegir og vara í nokkrar sekúndur sem aldrei ætla að líða.  Slæmt að þurfa að koma með eyrantappa í Ikea.