Bóóóókajóóóól..............

Nú vantar mig helling af góðum hugmyndum ! Við spúsi erum búin að ákveða að öll barnabörnin fái bækur í jólagjafir, það er að segja þau sem skoða/lesa bækur, en slefa ekki bara á þær..... Skyldu þau hafa gaman af Tíu litlum negrastrákum ? Neeei, bara ljótt grín, ekki séns að ég fari að velja þá bók handa þeim, alveg jafnólíklegt og að ég færi að gefa þeim byssur, en það geri ég ekki.Ég hef ekki mikið gaman af því að labba í búðir, þess vegna varð ég alveg himinlifandi yfir því að finna Bókatíðindin í póstkassanum í gær. Næsta skref er svo að labba að borðinu, taka ritið upp og fletta í því.....  Mér finnst svo agalega gaman pakka inn jólagjöfum, sérstaklega þó bókum, vegna þess að lagið á þeim uppfyllir alveg mín fullkomnunaráráttuinnpökkunarskilyrði. Mér hefur samt stundum dottið í hug að kaupa svona litla þar til gerða pappakassa í öllum litum, í stað þess að nota jólapappír, en þá stend ég frammi fyrir því að þegar þessir kassar koma í búðirnar er ég hvork búin að ákveða, né kaupa jólagjafir og veit þess vegna ekkert hvað þeir eiga að vera stórir. Og svo þegar ég er búin að kaupa jólagjafirnar þá eru kassarnir uppseldir... En það er allt í lagi, breytingar eru hvort sem er ekkert alltaf af hinu góða...  Ég fæ útborgað í dag hjá bæjabatteríinu, hef alltaf fengið útborgað 15. hvers mánaðar og finnst það fínt. Að vísu voru í byrjun svolitlir snúningar í kringum það, vegna þess að allar afborganir og þess háttar er stílað á mánaðamót, en það er ekkert mál. Svo á ég líka alltaf pening þegar flestir aðrir eru að verða blankir... jú og öfugt..... Gangið nú glöð inn í góðan dag og mér datt svona aðeins í hug að nefna stefnuljósin... aldrei minnst á þau áður.. held ég..

Athugasemdir

[Jenný Anna Baldursdóttir, 15.11.2007 kl. 08:44]

Frábært að gefa bækur, sérstaklega ungum og opnum hugum.  Veit ekkert betra, en elsku dúllan, ertu í Meyjarmerkinu? (fullkomnunaráráttanan með lagið á pökkunum sko)

[Jónína Dúadóttir, 15.11.2007 kl. 08:52]

Nei, ég er Vog og svo með tungl í þessu hólfi og sól hægra megin við hitt og stjörnu í einhverju öðru merki og ég veit ekki hvað og hvað..... Æi.... átti einu sinni svona persónulegt stjörnukort en ég er löngu búin að týna því Hárið á mér lýsir þessu ágætlega, klipparinn minn segir 18 litatóna í því, fyrir utan þennan gráa. Fullkomnunaráráttan er held ég áunnin

[Fiðrildi, 15.11.2007 kl. 10:12]

Ég er búin að kaupa einhverjar bækur einmitt.  Elsta dóttir mín sem mun örugglega einhvern tíman bætast í tvíhöfðahópinn og gera hann að þríhöfða stakk einmitt upp á því að gefa öllum börnunum 10 litla negrastráka  . . . en svo kunni ég ekki við það.

Ég er svo hjartanlega sammála þér með umbúðirnar . . ég legg jafn mikinn metnað í þær og í pakkanna.  Það hefur oft komið fyrir að ég hef handskreytt pappírinn persónulega :) . . og ég er "slufsinn" bogamaður :)

[Þorsteinn Gunnarsson, 15.11.2007 kl. 11:57]

Ég er með val og verkkvíða þegar kemur að jólagjöfum og kannski er einmitt fullkomnunarárátta orsökin. Ég er með 10 þumalputta þegar kemur að innpökkun gjafanna... og þá alltaf orðin viss um að ég hefði frekar átt að kaupa eitthvað annað... Ekki það að neinn hafi kvartað En þetta er samt árvisst kvíðaefni. Sömu þumalputtarnir eru til staðar þegar kemur að því að hengja föt á herðatré og sýsla með rúmföt... sem er eitthvað það hryllilegasta sem hægt er að lenda í. Við feðgarnir vorum grasekkjumenn í eina 7 mánuði í fyrravetur og einhverju sinni hafði sængurverið hjá mér hálf farið utan af sænginni(eitthvað sem dæturnar sáu annars um á þessu tímabili)... Við slógumst við þetta ég og guttinn á stofugólfinu og þegar mér loksins hafði tekist að koma dótinu útí öll horn á verinu(ca. klst. síðar) þá var sko ekki þurrr þráður á þeim gamla sem mátti sko bara stinga sér í sturtu í famhaldinu. Skotheldur í öllu öðru, enda fiskur

Sakna þess tíma þegar ég hefði eyrð í mér og tíma til að lesa bækur. - Kv. í Heiðardalinn

[Jónína Dúadóttir, 15.11.2007 kl. 12:56]

Þorsteinn þá er bara að kaupa kassana fallegu, sem ég skrifaði um og nota svo "jarðýtugenið" = vaða bremsulaust áfram í huganum og hunsa allar efasemdir t.d. um hvort og ef þetta og hitt hefði kannski verið betra, skutla svo pökkunum á sína staði og málið dautt

Arna mér líkar vel við húmor dóttur þinnar

[Jóhanna Pálmadóttir, 15.11.2007 kl. 18:24]

Oh, mig langar líka í bækur, fullt af íslenskum bókum...

Skil þetta með fullkomnunaráráttuna, er líka svona...myndi segja að þetta væri ættgengt en hvernig útskýrum við þá Birnu og Ernu???

[Jónína Dúadóttir, 15.11.2007 kl. 18:30]

Það var búið að finna þetta út með Birnu, ættleiðingin manstu, en ég veit ekki hvað skal segja um Ernu... Við finnum eitthvað út úr því

[Erna Evudóttir, 15.11.2007 kl. 19:13]

Ég var alltaf höfð útundan

[Júdas, 15.11.2007 kl. 21:45]

Bókaborðin og málið er næstum því dautt.  Hef alltaf verið lengur að velja handa eldri stráknum og konunni en í dag er það víst bara drengurinn.  Ég á nefnilega ekki konu svona ef þið skilduð ekki vita það.    Af innpökkuninni get ég víst ekki státað en það er stundum eins og pakkarnir hafi farið í gegnum meltingarveg á belju.  Er það ekki hugurinn sem gildir í þessu?

[Birna Dúadóttir, 15.11.2007 kl. 23:56]

Hmm viss sparnaður að eiga ekki konu.Eða var þetta kannski ekki fallega sagt,eða skrifað.Gangi ykkur vel í bókaflóðinu

[Jónína Dúadóttir, 16.11.2007 kl. 08:46]

Jú dúllan mín þetta var "ógeðslega" fallega sagt