Jónína Dúadóttir

Aaaarg.... snjór..... ;-)

Snjór, kuldi, snjór, rúðuskafa, snjór, sópur, snjór, skófla...... Shocking

Ég þarf svo sem ekkert að vera að væla neitt um skófluna, ég nota hana aldrei ! Ég kem mér alltaf hjá því með klókindum, en ekki segja neinum frá því samt... Halo

Ég er ekkert búin að heyra, sjá eða lesa neinar fréttir í morgun. Ég þarf alltaf að fá frí frá öllum hörmungum annað slagið, enda held ég ekki að ég geti bætt neitt úr neinu, því miður og langar ekkert endilega til að fá að vita, að það var ráðist á þennan og þessir voru teknir ölvaðir undir stýri og einhver dó og úti í heimi voru tugir drepnir í árásum og svo framvegis. Eins og þið sjáið er ég samt með fréttirnar á hreinu..... Undecided

Ég eiginlega kemst ekkert lengra en að öllu því, sem ég sjálf þarf að gera í dag og sé alls ekki fram á að koma helmingnum af því í verk og það er eiginlega komið að því eins og stundum áður, að ég sé bara ekki að ég hafi hreinlega tíma til að vera að vinna ! Wink

Og þá er nú orðið hart um skít eins og uppáhaldið mitt hann Káinn, tók svo smekklega til orða fyrir þónokkrum árum síðan. Annars er allt gott hér og það eru að koma jól með öllum sínum yndislegheitum, börnunum mínum til dæmis, sem ég er svo heppin að fá að hafa öll hjá mér þessi jólin InLove

Núna rétt bráðum, eftir um það bil korter, set ég upp rauðustu rauðu jólatjöldin fyrir eldhúsgluggann okkar ! Gangið glöð og frísk inn í þennan æðislega mánudag og munið að þolinmæði er þroskamerki Smile