Jónína Dúadóttir

Í tómu tjóni.....

Ég var búin að skrifa langflottasta pistilinn minn hingað til... eins og langstærsti laxinn sem slapp... en hún eyddist þegar ég ætlaði að birta hana. Ég skrifaði um kjaftasögu og lygagenin mín eða öllu heldur skortinn á þeim...... Og auðvitað var þessi færsla meistaraverk á heimsmælikvarða og þó víðar væri leitað og aldrei hægt að endurtaka þessa snilld.... Það er alveg hægt að láta svona nokkuð fara í taugarnar á sér og pirrurnar jafnvel líka, en ég nenni því ekki og má ekki heldur vera að því, það eru nefnilega að koma jól !! En í dag er einn af uppáhaldsdögum vikunnar hjá mér og auk þess engin kvöldvinna alla vikuna, þannig að þegar á allt er litið þá verður þetta örugglega fínn dagur. Gangið glöð inn í meiriháttar mánudag, ég er farin í vinnuna Smile

Flokkur: Bloggar | 10.12.2007 | 09:27 | Facebook

Athugasemdir

Sum meistaraverk eru einfaldlega ekki til birtingar. Híhí. Njóttu dagsins.

Jenný Anna Baldursdóttir, 10.12.2007 kl. 10:21

Kannast við svona "töp". Hef haft það fyrir sið að gefa út svokallað jólafréttabréf sem er margra síðna blað í brotinu A-4. Og ein jólin var ég seinn fyrir (aldrei þessu vant) og hellti mér í skriftir og (upprifjun á einu ári í lífi fjölskyldumeðlimanna). Sat við skriftir frá því klukkan 9 um kvöldið og var langt kominn með textann kl 4 um morguninn þegar Rarik þóknaðist að rjúfa rafmagn vegna einhverrar tengikassaviðgerðar hér á Selfossi. Komst að því þegar rafmagnið kom aftur að mér snillingnum hafði tekist að skrifa þessar síður allar án þess að slysast til að vista í eitt einasta sinn... og því birtust mér eftirtaldar línur við ræsingu morguninn eftir. "Kæru vinir, árið 2004 hefur verið gott ár eins og öll okkar ár er reyndar."

En þennan morguninn fannst mér ekkert of mikið til ársins koma og er enn þeirrar skoðunar að fyrri skriftirnar hefi tekið þeim seinni fram... svo muni eins og einum Nóbel í það minnsta