Öldruð kona fannst látin í íbúð sinni dögum saman.....

Fyrirgefið þið.... en var verið að finna hana á hverjum degi í marga daga ? Frekar klaufalega orðað finnst mér, alveg burtséð frá því sem gerðist..... Varð aðeins að setja út á þetta, gengur ekki að vera alltaf með með eintóm almennilegheit..... Þar fyrir utan skil ég ekki af hverju er verið að gera  frétt úr þessu, er verið að reyna að koma höggi á félagsþjónustuna eða....? Auðvitað gerir fólk sem vinnur þar stundum mistök, það er ekkert öðruvísi en allt annað fólk. En það eru bara svo svakalega margar hliðar á öllum málum og það sem ég hugsa þegar ég les þessa frétt er, að ég vona að blessuð gamla konan hafi fengið hægt andlát... bara sofnað..... Hún gæti nú til dæmis hafa látist nokkrum mínútum eftir að síðast var vitjað um hana.... vona ég líka... Blessuð sé minning hennar. Fólk sem vinnur við að hlúa að öldruðum og ég er í þeim hópi, má alltaf eiga von á að koma að öldruðum einstaklingi, slösuðum, veikum eða jafnvel látnum. Ég geng alls ekkert með þessa einu hugsun í höfðinu í hvert skipti sem ég hringi dyrabjöllu í vinnuhúsi, en ég get ekki gert að því að þegar viðkomandi svarar ekki dyrabjöllunni eða bankinu og hefur ekkert látið vita af fjarvist, þá fæ ég alltaf smá sjokk... En vegna þess að í dag eru langflestir, ef ekki allir aldraðir með öryggishnapp, þá get ég hringt í Securitas, þeir hafa lykla að íbúðunum og hleypa mér þá inn til að gá hvort eitthvað er að. En ég hef verið heppin á mínum 10 árum í þessari vinnu og ef fólkið mitt hefur ekki svarað, þá hefur yfirleitt bara gleymst að láta vita.... Það eru mannleg mistök.... Gangið glöð inn í fínan föstudag og reynið endilega að gera sem mest gaman í lífinu, það gerir það enginn annar fyrir ykkur   

Athugasemdir

[Júdas, 28.12.2007 kl. 21:45]

Ég setti inn comment einhversstaðar þegar þetta var til umræðu í fjölmiðlum um daginn, því það sem kom fyrst upp í huga minn var ekki það að hún hefi verið þarna í íbúðinni látin í marga daga heldur velti ég því fyrir mér hve oft hún hafi verið ein og afskipt þarna meðan hún var lifandi..................  Það finnst mér meira áhyggjuefni því látin gæti henni ábyggilega ekki liðið betur og klárlega í góðum félagsskap eða hvað.

[Birna Dúadóttir, 29.12.2007 kl. 10:24]

Æts aumingja konan.Og það er satt,það eru margar hliðar á svona máli

[Jónína Dúadóttir, 29.12.2007 kl. 16:14]

Takk öll, ég man eftir commentinu þínu Júdas, það var mjög góður punktur.

[Brynjar Jóhannsson, 29.12.2007 kl. 17:11]

rétt orðalag hefði átt að vera

Kona fanst látin heima hjá sér en hún hafði verið dauð í marga daga...

Blaðurmenn....  Eru stundum Y(Ð/T/=/&&Ö/(Ö/Ö(.. Reyndar eru margir blaðamenn ágætir pennar en sumir ekkert sérstakir eins og ofanvert dæmi sýnir... Burt sé frá þessu orðalagi er innihaldið dæmigert... Fréttatilbúningur sem skiptir hefur ekkert upp á sig.