Skandall eiginlega...

Ég er búin að komast að því, mér til mikillar armæðu, að ég get ekki verið á tveimur stöðum í einu og er þar að auki stórlega ýkin, ef ekki bara lygin. Keypti þráðlausa dyrabjöllu í gær og langaði að komast að því hvort hún virkaði, en til þess þarf ég bæði að vera úti og ýta á hnappinn og inni til að hlusta. Bjallan virkar eflaust, en bara ekki ég..... Og eins og þetta væri nú ekki nóg, þá gat ég ekki opnað litlu hurðina fyrir olíulokinu á bílnum mínum heldur. Takkinn fyrir hana er við bílstjórasætið en nefnd hurð er hinum megin á bílnum aftarlega. Í frosti á hún það til að opnast ekki og af því að ég get ekki verið á  tveimur stöðum í einu, þá get ég stundum bara alls ekki opnað hana. Þetta með ýkjurnar/lygina: ég segi alltaf skjólstæðingunum í vinnunni að ég geti allt, nú er það opinbert að ég ýki/lýg og þá yfirleitt á hverjum degi  Það kemur alveg fyrir að ég þoli alls ekki umhyggjusamt og hjálpsamt fólk, með náungakærleikann í hávegum, þannig leið mér t.d. smástund í gær. Ég var búin að leysa þetta með olíulokshurðina, spúsi hjálpaði mér að opna hana áður en hann fór í vinnuna í gærmorgun, svo ég gæti tekið olíu í hádeginu. Ég lagði bílnum, með þessa hurð opna fyrir framan stóra blokk klukkan tíu og þegar ég kom út um tólf leitið, þá var búið að loka helv... hurðinni ! Einhver gjörsamlega óþolandi almennileg manneskja hefur séð sig knúna af andstyggilegum náungakærleika eða bara hneykslan á hálfvitanum sem keyrði um með þetta opið, að eyðileggja forvarnirnar mínar í stóra olíulokshurðarvandamálinu....  Næst tek ég með mér múrstein til að leggja ofan á takkann og  borðhníf, eitt af mínum uppáhaldsverkfærum, til að spenna upp lokið. Ég skil ekki af hverju mér hefur ekki dottið það í hug fyrr en nú, að hafa þessa bráðnauðsynlegu fylgihluti með mér í bílnum, þetta ætti í rauninni að vera staðalútbúnaður ! Gangið glöð inn í góðan dag, ég ætla að gera það líka    

Athugasemdir

[Gunnar Helgi Eysteinsson, 16.1.2008 kl. 08:38]

Byrja á því að segja að þetta er frábær færsla eins og vant er...

Að hugsa sér: Það er einhver manneskja á Íslandi sem gengur um og er að hugsa hversu góð og hjálpleg manneskja hún / hann sé.

[Jónína Dúadóttir, 16.1.2008 kl. 09:04]

Já haldi´ð´a sé nú ! 

[Erna Evudóttir, 16.1.2008 kl. 12:11]

Gvöð hvernig fólk gengur eiginlega laust þarna norðan heiða? Hlýtur að hafa verið aðkomumaður

[Júdas, 16.1.2008 kl. 17:49]

Það ætti klárlega að láta  SÁOLH-samtökin vita af þessu og mótmæla svona vinnubrögðum í nafni samtakanna.

(samtök áhugamanna um olíulokshurðir)

[Jónína Dúadóttir, 16.1.2008 kl. 20:01]

Júdas góður..

[Júlíus Garðar Júlíusson, 16.1.2008 kl. 22:26]

Takk fyrir góð comment

[Birna Dúadóttir, 17.1.2008 kl. 08:54]

[Jónína Dúadóttir, 17.1.2008 kl. 09:58]

Af gefnu tilefni vil ég taka það skýrt fram að: ég ætla alls ekki að nota múrsteininn og hnífinn á "hjálpsama" fólkið, ég ætla að setja múrsteininn ofaná takkann og plokka lokið upp með hnífnum.......

[Birna Dúadóttir, 17.1.2008 kl. 10:36]

Haha þú segir okkur það.Ég myndi ráðleggja þessum einum til fjórum sem eru hjálpsamir í Slow Town,að taka til fótanna