Hlýtt og gott !

Fórum í leiðangur í gær og fengum lánaða lausa ofna út um allan bæ, svo núna er aftur orðið hlýtt í Fjallakofanum, húsgögnin komin úr hættu og langeldurinn settur á bið. Útsýnið mitt hérna út um stofugluggann er fallegt en ekki að sama skapi hlýlegt, snjór og frost en aðeins farið að birta. Ég sé beint upp á skíðasvæðið, allt uppljómað nema lyfturnar og bílarnir fara bráðum að streyma upp eftir  með skíðafólk á öllum aldri. Ég fer ekki á skíði, mér þykir of vænt um alla mína skanka til þess og sé ekki ástæðu til að leika mér að því að leggja sjálfa mig og aðra í hættu, viljandi Mér tekst alveg að slasa mig án þess og svo finnst mér ekkert gaman að snjó og kulda, kannski orðin gömul... Fatta ekki fólk sem fer úr snjónum og kuldanum hérna, til útlanda til að fara þar í snjó og kulda.... ég færi auðvitað þangað sem væri sól og hlýtt ! Annars er þetta allt ferlega fínt, ábyggilega ! Gangið, ja eða skíðið, glöð og hress inn í góðan dag og farið varlega í hálkunni

Athugasemdir

[Birna Dúadóttir, 27.1.2008 kl. 14:49]

Ég er búin að vera á skíðum alla helgina,DAAAAH.Ég held að við í þessari fjölskyldu séum ekki mikið skíðafólk.Nema Kidda mín,henni finnst það gaman.Hefur það frá mér,ég er löngu hætt að vera svoleiðis

[Gunnar Helgi Eysteinsson, 27.1.2008 kl. 16:08]

[Jónína Dúadóttir, 27.1.2008 kl. 16:40]

Það hlaut að vera að þú hefðir verið á skíðum, mamma þín var að spyrja mig hvar þú værir og af hverju þú svaraðir ekki í símann.... Mér datt ekki í hug þetta með skíðin...

[Erna Evudóttir, 27.1.2008 kl. 17:14]

Auðvitað var Birna á skíðum, held samt það hafi verið gönguskíði og hún hafi verið á Hafnargötunni

[Birna Dúadóttir, 27.1.2008 kl. 22:41]

Nei bolllllur og meiri bollllur,ég stefni í eitthundraðogþrjátíukíló,sko ég,ekki bollur