Með allt niður um mig hvað ???

Það kemst fátt annað að á heimilinu þessa dagana en hitaveitan og allt í kringum hana. Píparaskr.. barasta kominn til vinnu hér í Fjallakofanum og það á að klára dæmið í dag. Leit samt ekki vel út í nokkrar mínútur í gær, bæði fyrir mig og svo píparaskr.... hann hringdi í mig í gærmorgun klukkan tíu og sagði að ég gæti ekki fengið heita vatnið inn af því að ég væri með allt niður um mig hjá Norðurorku ! Djö...dóninn eða er þetta einhver spes píparamállýska....  Málið var, að ég hafði  ekki fengið neina rukkun fyrir heimtaugargjaldið og á líka ekkert að þurfa að biðja einhvern um að rukka mig, svo ég hringdi í Norðurorku og fékk að vita að ég yrði að borga 260.716 krónur áður en maður frá þeim yrði sendur á svæðið, með eitthvað mæladót og það þurfti þá að gerast ekki seinna en strax... fyrr fengi ég ekki einn einasta dropa af heitu vatni. Jæja manni minn, viltu segja mér hvers vegna í ósköpunum það er ekkert rukkað fyrir þetta, fyrr en píparaskr... er loksins mættur á svæðið og farinn að munda rörtöngina ? "Þú ert alls ekkert með neitt niður um þig hjá okkur, þetta er bara alltaf gert svona". Jæja... þarna bættist mánuður við seinkunina á greiðslunni til píparaskr..., honum hefnist fyrir dónaskapinn   Ég sagði N.O. manninum í símanum að ég mundi hrista þetta út úr annarri erminni strax eftir vinnu, svo hann skyldi gjöra svo vel að taka frá mann og mæladót handa mér og ekki klikka á því takk, það væri aldrei að vita hvað yrði um píparaskr... ef ég sleppti honum núna. Fyrir utan það að dælan sem á að dæla heita vatninu á ofnana, er ennþá biluð og henni virðist ekkert ætla að batna, svo þetta verður að gerast núna eða þá að ég dey langt fyrir aldur fram, úr kulda ! Hvernig er annars hægt að deyja fyrir aldur fram ? Stendur einhversstaðar skrifað hvenær ég ætti annars að deyja ? Get ég dáið áður en ég á að deyja ? Hmm... svakalega eru þetta nú tilkomumiklar og bráðnauðsynlegar pælingar.... Gangið glöð inn í þennan alveg hreint  frábæra föstudag og látið ykkur nú ekki verða kalt

Athugasemdir

[Birna Dúadóttir, 1.2.2008 kl. 09:23]

Hvurslags eiginlega hyski pakk og lýður er þetta,þetta virðist vera hvort sem annað Norðurorka og píparakv....Þetta lið er ekki í lagi

[Jónína Dúadóttir, 1.2.2008 kl. 09:27]

Jú, ég var að hugsa eitthvað svipað.....

[Jónína Dúadóttir, 1.2.2008 kl. 12:45]

Og mér finnst ég hafa tvöhundruðogsextíuþúsundsjöhundruðogsautján ástæður til að vera ekki alveg fyllilega sátt

[Birna Dúadóttir, 1.2.2008 kl. 15:55]

Segðu það nú

[Gunnar Helgi Eysteinsson, 1.2.2008 kl. 17:57]

Samúðarkveðjur.

[Erna Evudóttir, 1.2.2008 kl. 19:34]

Vonandi hefuru prjónað lopapeysu á sjálfa þig, Jóa og köttinnKallt er ekki kúl!

[Birna Dúadóttir, 1.2.2008 kl. 19:41]

Kuldi er hugarástand,heillin

[Jónína Dúadóttir, 1.2.2008 kl. 21:55]

Glottiði bara, það er orðið hlýtt núna, allir ofnar heitir og sturtur og allt trallallalla

[Júdas, 2.2.2008 kl. 09:21]

Það er spurning hvort ekki eigi að endurskoða námsskrá pípara og koma þar inn fögum eins sem nýtast þeim í starfinu eins og :

Lygar og lausmælgi 304-----Svik 103----Fyrirsláttur og afsakanir 102-----og Frestun og flótti 204.  Veit ekki með  Tvíhliða svart bókhald eða Bókhalds gröft 203 sem Guðmundur í Byrginu gæti kennt.

Þessir gömlu ættu ekki í nokkrum erfiðleikum með að kenna þetta og svo mætti nota bækurnar í öðru námi líka.