Töfraorðið ;-)

Ef þú vilt að ég geri ekki það sem þig langar að ég geri, skipaðu mér þá að gera eitthvað... og ég geri það alls ekki. Ef þú vilt hins vegar að ég geri eitthvað fyrir þig, bættu þá einu litlu orði fyrir framan og það eru miklar líkur á að ég geri það sem þú biður mig um. Af því að töluð orð skipta svo gífurlega miklu máli í samskiptum fólks.... og þarna var ég að enda við að finna upp hjólið !  Ég get sagt við hundinn minn, ef ég ætti hann : "Komdu þarna ljóta helvítis kvikindið þitt og drullastu til að gegna" og hann kemur, ef ég bara segi það blíðlega. Ég get líka öskrað reiðilega á hann : "Komdu þarna yndislegi hundur, ég ætla að vera ofsalega góð við þig og gefa þér uppáhaldsnammið þitt" og hann kemur ekki.... hann skilur bara róminn, ekki orðin. En af því að ég hef nú þann hæfileika, fram yfir ímyndaða hundinn minn að skilja orðin, þá virka ég bara alls ekki, ef réttu orðin eru ekki notuð við mig. Ég snýst algerlega við innan í húðinni þegar fólk reynir að skipa mér fyrir verkum, hef alltaf verið þannig og það er sjálfsagt ekki nógu gott, en það verður bara að hafa það, þetta er ég og ég er svona. Finndu handa mér "eitthvað" og það finnst aldrei..... "Töfraorðið" finna handa mér "eitthvað" og það finnst eins og skot.... Farðu, gerðu, komdu, láttu... bíð stundum eftir að komi líka sittu, stattu... allar þessar skipanir virka á mig eins og rauð dula á geðvont naut og ég sit sem fastast ! Og mér er alveg sama hver á í hlut, svo framarlega sem viðkomandi er orðinn fullorðin/n og hefur verið í íslenskunámi frá því í vöggu. Ég geri mér fulla grein fyrir því að þá á ekki að þurfa að segja fullorðnu fólki svona einfaldar staðreyndir, en það þarf samt allt of oft og töfraorðið ? Það er bara 5 stafir, einfalt og auðvelt í notkun... það er orðið: "Viltu" ! Njótið dagsins og gegnið því !

Athugasemdir

[Birna Dúadóttir, 12.2.2008 kl. 09:33]

Sammála þér í þessu.Algerlega furðulegt að fólk skuli yfirleitt reyna að skipa manni fyrir eins og það myndi tala við hundinn sinn.Og sumir reyna aftur og aftur,kunna kannski ekki betur,greyin

[Jónína Dúadóttir, 12.2.2008 kl. 09:37]

Nákvæmlega...

[Gunnar Helgi Eysteinsson, 12.2.2008 kl. 11:46]

Ég held nú að flestir séu sammála um þetta.

[Birna Dúadóttir, 12.2.2008 kl. 11:59]

Ninna sestu niður og stattu upp og færðu þig og sestu svo aftur niður,núna

[Jónína Dúadóttir, 12.2.2008 kl. 12:04]

Já Gunnar, sem betur fer langflestir

Birna : Nei 

[Tiger, 12.2.2008 kl. 12:13]

Hey, nei sko...

Ég er ekki sammála - ég vil að mér sé gegnt þegar ég skipa fyrir ---> NOT.

Jú, það er mikið til í þessu og alltof oft sem fólk hreinlega kann sig ekki og hefur ekki hundsvit á mannlegum samskiptum. Skipanir eiga ekki heima í venjulegum samskiptum manna, eiga í mesta lagi heima í hernum eða álíka stöðum þar sem agi þarf að vera til að hlutirnir gangi upp. Takk fyrir mig.

[Jónína Dúadóttir, 12.2.2008 kl. 12:19]

Góð byrjun...

[Heiður Helgadóttir, 12.2.2008 kl. 14:33]

Ég reyni að koma fram við aðra eins og að ég vil að sé komið fram við mig. Engar skipanir takk

[Jónína Dúadóttir, 12.2.2008 kl. 15:17]

Heidi Helga : Mjög heilbrigt viðhorf

[Litla systir (IP-tala skráð) 12.2.2008 kl. 21:19]

En oftar en ekki er fólk svo sljótt og skylningslaust að það þýðir ekkert annað en að gefa því beina skipanir. Svo er sumt fólk svo tregt, að þó maður sé búin að byðja það að gera eitthvað, redda einhverju, finna eitthvað fyrir mann eða bara hvað sem er, þá bara man það bar ekki, gleymdi því, ...eða bara "æi er þetta nú endilega nauðsynlegt"   eða, þarf ég endilega að gera þetta,  semsagt að reyna að koma sér undan verkinu, þá dugir ekkert annað en strangur heragi, hreina og beina skipanir, og ekkert annað. Og það eins og öskrandi naut... já eða ljón.!!  Ekki satt.

[Jónína Dúadóttir, 13.2.2008 kl. 06:02]

Þetta er greinilega ekki litla systir mín

[Ólöf Jóhanna Pálsdóttir, 13.2.2008 kl. 15:13]

"Viltu"! Það er orðið sem nota á. en ekki,  gerðu, farðu, vertu, stattu, sittu og svo framvegir.