Verkefni dagsins....

.... er að fara út með góðan slurk af nýja heita vatninu okkar og þvo gluggana á húsinu að utan... af því að annars held ég alltaf að það sé svo ömurlegt veður þegar ég lít út.... þoka og lágskýjað.... Þegar ég fór í sturtu í fyrsta skipti eftir að við fengum hitaveituna um daginn, brá mér allverulega og hélt smástund að ég mundi drukkna ! Ég skrúfaði auðvitað fullt frá, eins og alltaf varð að gera áður, einfaldlega í þeim tilgangi að ná að blotna undir sturtunni, en núna var svo mikill kraftur á vatninu þegar ég fór undir bununa að ég hálfrotaðist og hentist í skelfingu til baka, út á gólf... ég brenndi mig nefnilega í leiðinni... Fljótlega eftir að við fluttum hingað, fyrir um 7 árum síðan, tókum við eftir því að það vantaði allan kraft á vatnið í öllu húsinu. Það var ekki fræðilegur möguleiki að ætla að hafa vatnsdreifara til að vökva lóðina, hann bara snerist ekki og ef ég var í sturtu og einhverjum varð á að hala niður úr klósetti einhversstaðar í húsinu, þá minnkaði vatnið í sturtunni um 3/4... Ekki huggulegt, svo ég hringdi í Norðurorku og kvartaði yfir skorti á vatni og þeir skokkuðu samstundis upp í fjall og settu bara allt á fullt í lindinni sem við fáum vatnið úr... Öllu má nú náttúrulega ofgera, enda sprakk strax einhver þrýstiloki inni í vatnskompunni, sem í dag heitir auðvitað hitakompa og það fór allt á flot ! En fyrir einskæra tilviljun, vissi ég hvar vatnsinntakið var og gat lokað fyrir og hringdi aftur í Norðurorku og kvartaði og í það skiptið yfir því að það væri alltof andsk... mikið af vatni ! Þá skokkuðu þeir aftur, lafmóðir, upp í fjall og skrúfuðu fyrir hálfan bæinn skyldist mér, bara út af fjandans frekjunni í mér alltaf  Jæja, en auðvitað redduðu þeir þessu öllu, þessar elskur og eftir það var  þetta alveg í sæmilegu lagi. Lífið er ljúúúúft.... Njótið dagsins

Athugasemdir

[Birna Dúadóttir, 19.2.2008 kl. 09:13]

Eyddu því ekki öllu í einu

[Jónína Dúadóttir, 19.2.2008 kl. 09:31]

Verð að standa svolítið á mínu eigin skotti til að muna það

[Erna Evudóttir, 19.2.2008 kl. 14:01]

Ég er voða fegin að þú stendur ekki á skottinu á Jóa, nei kettinum

[Ólöf Jóhanna Pálsdóttir, 19.2.2008 kl. 16:46]

Fáðu þér hitastillir á kranana svo þú skaðbrenni þig ekki.

[Gunnar Helgi Eysteinsson, 19.2.2008 kl. 18:48]

Guð sé lof að þú áttir ekki heima í New York

[Jónína Dúadóttir, 19.2.2008 kl. 20:11]

Ég stend alltaf á skottinu á Jóa... nei, kettinum annað slagið Það er hitastillir á sturtunni, ég er bara svo óvön..... New York Gunnar ?

[Júdas, 19.2.2008 kl. 23:00]

Voðalegar öfgar eru þetta alltaf í Akureyringum.  Fyrst ekkert og svo allt, nú og svo vilja þeir ekki salt!   Er hægt að gera þeim til geðs?

[Tiger, 20.2.2008 kl. 02:46]

   Frábært. Núna veit ég afhverju starfsmenn Norðurorku eru svona útiteknir og í góðu formi, ekki er það ræktin heldur er það fröken Jónína (þó ekki Ben) Dúa sem sér um að láta þá vera í formi. Fjallaklifur hefur alltaf verið kroppnum gott svo þú skalt ekki líta á að þú sért að frekjast neitt - heldur ertu sannarlega að spara pening heilbrigðisstéttarinnar með því að senda karlana á fjöll. Kannski þú ættir að fara fram á einkarétt á leiðinni...

  

[Jónína Dúadóttir, 20.2.2008 kl. 06:46]

[Birna Dúadóttir, 20.2.2008 kl. 07:17]