Óborganlegur gjaldkeri ;-)

Við spúsi erum í árshátíðarnefnd í félagi, sem við gengum í fyrir um 2 árum og með okkur í nefndinni eru 2 konur og ungur strákur, hresst fólk með hlutina á hreinu. Hlutverk árshátíðarnefndar er  auðvitað að sjá um að ákveða matseðil og panta mat, ljósrita söngbækur, sjá um auglýsingar, selja miðana, finna veislustjóra, leggja á borðin, skreyta salinn og eitthvað fleira sem til fellur. Alls ekki flókið, en þetta  ætlar samt ekkert að ganga þrautalaust fyrir sig og það er ekki vegna þess að nefndin stendur sig ekki, nei, nei, það er gjaldkeri félagsins sem er stíflan í ánni.... það má segja að hann sé alveg óborganlegur Hann er búinn að vera afskaplega einráður í gjaldkerastarfinu, árum saman og það bara leggur enginn í að bjóða sig fram á móti honum á aðalfundum, mér skilst hann hóti þá að hætta í félaginu.... bömmer  Hlutverk þessa félags er alls ekki að safna peningum og liggja á þeim, þetta er ekki tryggingafélag eða banki, þetta er félagskapur áhugafólks um tónlist, fólks sem hefur gaman af að skemmta sér saman og hafa gaman. En það er bara ekkert gaman að þurfa að eiga við gjaldkerann ógurlega, hann lætur eins og hann þurfi að borga allt úr eigin vasa og eigi á hættu að deyja úr hungri og vosbúð, ef eitthvað er keypt í þágu félagsins. Nú ætlar hann sjálfur að ákveða matseðil og panta matinn og prenta út söngbækurnar og nefndin, sem til þess var kosin á ekkert að fá að koma  nálægt því.....en hann er nú samt ekki ennþá búinn að taka að sér að leggja á borðin og allt hitt   Nefndin áætlar að kalla hann á fund og taka af honum hausinn... nei ég meina völdin.... ahh... ekki alveg viss um hvort heldur er  Það er fjör á Fróni og lífið er sko ennþá ljúúúuft (fer að útskýra það fljótlega af hverju ég er svona ýkt í ljúúúúfinu)  

Athugasemdir

[Júdas, 20.2.2008 kl. 07:46]

Góðan daginn Jónína mín.

[Jónína Dúadóttir, 20.2.2008 kl. 08:07]

Góðan daginn Júdas minn

[Birna Dúadóttir, 20.2.2008 kl. 08:38]

Komið þið ævinlega sæl og blessuð bæði tvö

[Jónína Dúadóttir, 20.2.2008 kl. 08:53]

Komd þú margsæl og innilega blessuð heillin góð

[Gunnar Helgi Eysteinsson, 20.2.2008 kl. 10:03]

Innlitskvitt og vill samtímis bara segja að það er alltaf jafn gaman að lesa það sem þú skrifar...

[Erna Evudóttir, 20.2.2008 kl. 13:23]

Þér eruð semsagt algjör partýpingla inn við beinið

[Birna Dúadóttir, 20.2.2008 kl. 13:37]

Party animals,Ninna og Jói,veit svei mér ekki hvar þetta endar hjá þeim

[Jónína Dúadóttir, 20.2.2008 kl. 15:06]

Takk Gunnar minn

Þið hinar... þið eruð vitleysingar

[Heiður Helgadóttir, 20.2.2008 kl. 21:30]

Bentu honum á að lesa bloggið þitt hann opnar kannski peningaskápinn eftir lesturinn

[Jónína Dúadóttir, 20.2.2008 kl. 22:31]

[Unnur R. H., 20.2.2008 kl. 22:48]

, en skrýtið, ég er í félagi þar sem gjaldkerinn lét akkurat sonna, átti ein um að úthluta..Mikið er gott að vera bara áhorfandi

[Björn Finnbogason, 20.2.2008 kl. 23:36]

pantið þið bara allt draslið og látið senda honum reikninginn:-).  Ekki blanda honum í þetta fyrir fimmaur,- þeir voru sko til einu sinni að mér skilsten orðið langt síðan!

[Jónína Dúadóttir, 21.2.2008 kl. 07:05]