Jónína Dúadóttir

Já jæja...........

Mikið er ég nú alltaf fegin þegar fer að hilla undir íslenska vorið, vegna þess að þá fer að hlýna og sólin að skína og þá er sko líka sumarfríið mitt rétt handan við hornið...... Joyful

Ég elska vinnuna mína, svona oftast nær og get ekki hugsað mér að vinna við neitt annað, en ég er alltaf mátulega komin með upp í háls þegar loksins kemur sumarfrí.... en svo er ég líka alveg mátulega búin að jafna mig á því þegar ég byrja aftur, það má nú líka vera, ég sem er sex vikur í fríi Tounge

Það er bæði ofsalega gefandi, en tekur líka ofsalega af mér, að vinna með gömlu fólki. Þar eru auðvitað öfgar á báða vegu, sumt gamla fólkið er svo innilega þakklátt fyrir minnstu viðvik og þá oftast einhvernvegin sérstaklega þau viðvik, sem mér finnast vera svo sjálfsagðir hlutir. Aðrir eru aftur á móti svo frekir og tilætlunarsamir að það fær mig til að finnast að það fólk hefði ekkert endilega þurft að fá að verða alveg svona gamalt og stundum langar mig jafnvel að gera eitthvað ljótt við það Devil

Það á auðvitað enginn að lúta mér í neinni auðmýkt fyrir það sem ég geri, ég er að vinna vinnuna mína, en það á heldur enginn að reyna að vaða yfir mig á grútskítugum fjósabússunum, gamalt eða ekki. Það gefur mér mikið að hjálpa til, þar sem þess er þörf og langflest fólkið sem ég vinn með, er bara venjulegt og gott fólk. En svo eru auðvitað innan um og saman við, allt að því stjórnlausar frekjudollur, en kerfið hjá okkur er þannig að ef okkur líkar alveg ferlega illa á einhverju heimilinu, þá er bara skipt út í rólegheitum og við sagðar "farnar til annarra verkefna" Wink

Sumir eru svo þannig að það er eins og að koma heim, að koma til þeirra og þá er bara ein ástæða fyrir því að ég hætti á þeim heimilum, fólkið fer annaðhvort á elliheimili eða deyr...... það nefnilega nær sér enginn af ellinni og það tekur mikið af mér... Crying

En svona er víst bara lífið og getur samt verið ljúúúúft ! Njótið þessa fína laugardags og þið þurfið ekkert að lesa þetta ef þið nennið því ekki Grin

Flokkur: Bloggar | 23.2.2008 | 07:44 | Facebook

Athugasemdir

'Eg hélt lengi vel sambandi við eina perluna sem ég var að vinna hjá,svo fór hún yfir móðuna miklu þessi elska.Gamalt fólk er yfir höfuð yndislegt

Birna Dúadóttir, 23.2.2008 kl. 10:30

Ég ætla vera "góður" gamall karl...

Gunnar Helgi Eysteinsson, 23.2.2008 kl. 11:01

Ég ætla að vera snarklikkuð gömul kona

Birna Dúadóttir, 23.2.2008 kl. 11:25

Gunnar ég veit þú verður mjög góður gamall karl

Birna mín, þú ert nú þegar snarkl.... sorry

Jónína Dúadóttir, 23.2.2008 kl. 13:11

Ég ætla sko að láta fólk hafa fyrir mér þegar ég kemst á aldur. Engin skal komast upp með eitthvað múður við mig og ég skal sko sjá til þess að fólk fari grátandi heim eftir erfiðan vinnudag. -----> NOT.

Æi, það er hárrétt að það eru til mjög margir aldraðir sem eru ekki húsum hæfir og eru með ótrúlega erfitt lundarfar. Mér hefur reynst heillavænlegast að nota ákveðna sálfræði á það gamal fólk sem ég hef umgengist í gegnum árin. Leyft þeim t.d. að halda að þau hafi alltaf rétt fyrir sér. Hreinlega umgangast þau eins og óþekk börn, börn sem hægt er að plata með ljúfmennsku og líka með því að finna út hvað þeim þykir "inn" og hrósa því í óhófi - klikkar sjaldan og fær ólundina oftast úr þeim.

Sammála því að ef manni líkar ekki við ákveðna aðila eða heimili þá ætti maður að láta flytja sig í starfi því togstreita milli aðila getur reynst mjög erfið og ætti engin að þurfa að sitja undir slíku - hvorki sá/sú sem vinnur með gamalt fólk né gamla fólkið sem er að leggja upp í loka árin.

Hey, sko - ef maður á bloggvin sem maður kíkir á - þá les maður hann/hana, no matter what. Hvort mar kvitti og kveðji er annað mál, en maður les það sem er nýtt hverju sinni. Takk fyrir mig skottið mitt.

Tiger, 23.2.2008 kl. 17:19

Takk fyrir krúttið mitt, þú verður frábært gamalmenni..... verst þú verður aldrei minn skjólstæðingur Alltaf gaman að skjá þig líka, les alltaf alla bloggvinina og kvitta helst alltaf við nýtt. Sumir eru nú samt uppáhalds... og þú ert einn af þeim