Jónína Dúadóttir

Þó það ætti að skjóta mig....

... þá gæti ég samt bara alls ekki fundið í mér neina nennu til að fara í vinnuna í dag... byrjar daginn aldeilis gæfulega sú gamla....Það er samt ekki með nokkru móti hægt að segja að ég vinni mikið, það er nú ekki eins og ég nenni því.... Tounge

Nýlega komst ég að því mér til skelfingar að ég er að vinna 95% vinnu, sem er bara litlum 5% frá fullri vinnu og það var sko alls ekkert meiningin ! Að vísu heitir vinnan mín bara 95 % vinna, ég er bara að vinna ca 60-70 %, en það er samt örugglega hugsunin um þessar prósentur þarna, sem er að sliga mig úr leti í morgunsárið á þessum samt fína mánudegi, sem heilsaði mér með 8 stiga frosti brrrrr..... Cool

Ég legg nú ekki í að segja frá því fyrr en það er alveg fullfrágengið, en líklega verð ég ekkert að vinna á mínu eigin gistiheimili í sumar og barasta alls engu gistiheimili.... Wink

Þá verð ég bara í fríi í sumarfríinu mínu og er strax farin að hafa áhyggjur af því hvað í ósköpunum sjálfum ég á þá af mér að gera í 6 vikur W00t

En miðað við núverandi letiástand verð ég nú kannski bara ofsalega dugleg við að finna mér alls ekkert til að gera, en það verður að segjast eins og er, að ég er óttalegur bjáni sem kann ekki að vera í fríi..... Einu sinni vorum við 3 vikur á Canarí og það var æðislegt, þó að fyrsta vikan færi alveg í að reyna að fatta að ég ætti ekki að gera neitt, önnur vikan fór í að passa mig að þrífa ekki íbúðina, sem við vorum í og þriðja vikan fór í að bíða eftir að komast heim til að fara að gera eitthvað... Það á ekki að spandera þriggja vikna sólarferð á svona vitleysing.... LoL

En nóg um það ég ríf mig auðvitað upp á rassg.... eins og ég þarf svo oft að gera og fer í vinnuna og kem mér bara upp aldeilis hreint magnaðri afneitun á mína eigin leti ! Njótið dagsins í dag, hann kemur ekkert aftur Smile