Æi.... þolinmæði ? Hvað er það nú aftur ?

Einu sinni sagði mér listamaður/kona... listakona, listakvenmaður, kvenlistamaður... nei hún er bara listamaður... já sko, að sannur listamaður veit þegar hann byrjar á verki, hvernig það kemur til með að líta út þegar það er búið.... Svo las ég einhversstaðar að sannur listamaður þolir bara ekki endurtekningar.... Ok ég er eftir þessu, sem sagt bæði listamaður og ekki listamaður..... Alltaf þegar ég byrja að skrifa hérna, þá hef ég ekki græna glóru um hvernig pistillinn kemur til með að líta út þegar hann er búinn, nema að því leiti, að ég set alltaf broskall  í lokin, en það telst samt ekki með. Og svo á hinn veginn, mér leiðast endurtekningar, t.a.m. uppvask, það er aldrei búið... alltaf að vaska upp aftur og aftur og aftur... Svo á ég það líka til að vaða svolítið úr einu í annað..... og það er ekkert svakalega listamannslegt, af því að listamaðurinn heldur sig jú við sokkinn sinn eða vettlinginn.... já eða eitthvað svoleiðis...  Í dag, klukkan 15 hundruð, klukkan þrjú, um nónbil... rennur út fresturinn sem við gáfum núverandi eigendum hússins, sem okkur langar í, til að svara tilboðinu sem við gerðum í húsið, sem okkur langar í ! Ég segi eins og lítil stelpa í búð í gær, þegar hún sá himinháa, í hennar augum, stæðu af páskaeggjum : "Ohhhhh... ég bara geeet ekki beeeðið... ! En af því að ég er nú orðin fullorðin og sem betur fer búin að læra eitt og annað af lífinu, þá veit ég að ég geeet alveg beeeðið og þá aðallega vegna þess að það eru ekki aðrir kostir í stöðunni, en ég á samt soolltið erfitt núna......  Mér varð það á í gær, að segja manni sem ég þekki, að mér finnist lyktin af útblæstri úr bílum vera góð... Hann horfði á mig drykklanga stund og sagði svo : "Þegar ég tala við þig, dettur mér aldrei neitt ósjálfrátt í hug, einhverskonar konar "lógíg"..... Því segir maðurinn þetta ? Njótið nú föstudagsins, sem er 29. febrúar 2008 alveg í botn, hann kemur ekkert aftur fyrr en eftir 4 ár

Athugasemdir

[Birna Dúadóttir, 29.2.2008 kl. 07:29]

Þolinmæði,NÚNAOg það sem maðurinn sagði,hafðu það sem hrós

[Jónína Dúadóttir, 29.2.2008 kl. 07:32]

Ok takk elskan, þú klikkar aldrei Hrós dagsins fær sem sagt, maðurinn sem ég vissi ekki hvort var að hrósa mér eða ekki

[Tiger, 29.2.2008 kl. 14:22]

Vegir  eru órannsakanlegir - en ég gruna að maðurinn hafi nú verið að meina að þínir væru enn flóknari og órannsakanlegri - þrátt fyrir listama..konu genin þín.

Ég á það til að gera sömu hluti og þú, byrja á einhverju án þess að sjá fyrir endann - og í sumum tilvikum finnst mér ótrúlega óþægilegt þegar ég átta mig á að ég er búinn að fjalla/tala um marga litla hluti í einu samtali - án þess að klára neinn þeirra.

  ´s can´t wait for anything - en ég er samt viss um að þú ráðir við að bíða núna í hvað ... hálftíma eða svo í biðbót. Ég krossa fingur fyrir þig ljúfust.. *krossing*.

[Gunnar Helgi Eysteinsson, 29.2.2008 kl. 14:50]

29 ætti raunverulega að vera hátíðadagur

[Jónína Dúadóttir, 29.2.2008 kl. 15:26]

Já Gunnar minn en samt ekki þessi 29. Fasteignasalinn hringdi áðan og sagði að við fengjum ekkert svar fyrr en á mánudag.....  Mér er alveg sama þó þessi dagur komi ekkert aftur fyrr en eftir 4 ár !!!!

Tigercopper, ég skil þig svo vel Hm.... þessi "badgirl" verður líklega orðin verulega slæm á mánudaginn ...

[Þorsteinn Gunnarsson, 29.2.2008 kl. 16:44]

Jæja núna er það spurningin hversu öfundsverð restin af famelíunni er um helgina... Það er óþolandi þegar maður er í þessum sporum... og þá er bara að fara með þuluna fornfrægu.... Guð gefi mér þolinmæli... STRAX

Kveðja í Heiðardalinn með ósk um "góða" helgi

[Jónína Dúadóttir, 29.2.2008 kl. 16:52]

Ó, ég er svo fullkomin Steini minn, að það verður ekkert mál...Arga kannski aðeins á köttinn og sparka í alla hina... nei bara grín, ég er búin að koma mér upp nýjum skammti af þooooolinmæði

Sömuleiðis góða helgi