Í dag er þriðjudagur !

Bara svona ef það skyldi hafa farið fram hjá einhverjum.... það var nú allt og sumt sem ég vildi sagt hafa, þennan daginn..... Nei, bara lygi, ég er að fara að skrifa lengsta pistilinn minn hingað til og ef þið eruð eitthvað tímabundin, þá skuluð þið bara ekkert byrja að lesa eða einfaldlega taka ykkur frí úr vinnunni. Við sem sé seldum Fjallakofann okkar allt í einu, af því að ég er orðin svo löt að að ég nenni ekki að reka gistiheimili lengur og af því að við fengum það verð sem við vildum fá fyrir hann, kofann og gerðum svo tilboð í 150 fm einbýlishús, réttu megin við Glerána, niðri í mannabyggð. Það eru félagasamtök á landsvísu, sem eiga það hús og það ætlaði ekki að vera auðvelt að fá einhvern til að vinna vinnuna sína á þeim bænum og svara fj... tilboðinu. Þau fengu svo lokafrest til klukkan fjögur í gær og vildu þá fá aðeins meira fyrir húsið, sem við samþykktum. Við vorum nefnilega alveg tilbúin að hækka okkur aðeins, en sögðum auðvitað engum frá því, ég er mikill svíðingur þegar kemur að okkar eigin peningum Þannig að við fáum húsið á því verði sem við vorum tilbúin til að  borga fyrir það í upphafi og er miklu lægra en það sem sett var á það fyrst. Þá er bara að láta útbúa kaupsamninga á báða bóga og skrifa undir hér og þar og tala við bankann um að rugla eitthvað í lánum fram og til baka og við eigum hús Og af því að svona kauptilboð og gagntilboð og hvað þetta nú heitir allt saman, eru bindandi þá virðist ég sem sagt geta sagt að þetta sé frágengið og nú má alveg segja ykkur frá því hvort sem þið viljið vita það eða ekki Núna þegar ég les þetta yfir sé ég, að það mátti nú alveg koma þessu öllu fyrir í þremur stuttum setningum, en skeytastíllinn er ekki minn..... ég er með króníska skrifræpu....  Njótið dagsins elskurnar mínar allar og flýtið ykkur hægt... eins og ég geri alltaf.... næstum því alltaf

Athugasemdir

[Unnur R. H., 4.3.2008 kl. 07:59]

Til hamingju með nýja húsið og að vera að fara til mannabyggða

[Jónína Dúadóttir, 4.3.2008 kl. 08:07]

Þakka þér fyrir Unnur mín

[Einar Indriðason, 4.3.2008 kl. 08:10]

Iss... ég hef séð lengri pistla frá þér  heldur en þennan :-)

En til lukku með húsið.

[Gunnar Helgi Eysteinsson, 4.3.2008 kl. 08:11]

Hjartanlega til hamingju með nýja húsið

Es. Ég hef ekkert á móti að lesa langar færslur sem eru vel skrifaðar...  Skrifaðar (er þetta rétt?)

[Jónína Dúadóttir, 4.3.2008 kl. 08:12]

Já æi... það klikkaði eitthvað þarna.... Takk fyrir

[Jónína Dúadóttir, 4.3.2008 kl. 08:17]

Takk fyrir Gunnar minn Já, þetta er alveg rétt hjá þér, þú ert orðinn svo góður í íslenskunni, sem sést best á því að "íslenskufasistinn" hérna þarf lítið sem ekkert að leiðrétta þig lengur

[Birna Dúadóttir, 4.3.2008 kl. 10:49]

Til hamingju með að vera bráðum komin til byggða.Komin frá mörkum hins byggilega heims,á malbikið, af mölinni,í menninguna.Þetta er kannski orðið ágætt hjá mér

[Erna Evudóttir, 4.3.2008 kl. 10:52]

Ert bara alltaf að nálgast ræturnar, kemst sjálfsagt næst í innbæinn gott  að þú ert ekki lengur "på fel sida broa"

[Regína (IP-tala skráð) 4.3.2008 kl. 11:37]

Til lukku með þetta alltsaman Ninna mín:) Sérstaklega að vera laus við túristana! ENDANLEGA

[Jónína Dúadóttir, 4.3.2008 kl. 12:32]

Takk Birna mín, þetta skyldist alveg

Ónei Erna mín, ok þorpið já, en aldrei innbæinn

Regína mín rófa, takk fyrir og ég nýt þess að hugsa um alls enga túrista !!! Loksins og ENDANLEGA já

[Birna Dúadóttir, 4.3.2008 kl. 12:47]

Ég held samt að ræturnar=Innbæingurinn blundi í þér.Veðmál,næst kaupirðu þér i Innbænum.Skyldi veðja mánaðarlaununum hans Robba bróður míns upp á það

[Jónína Dúadóttir, 4.3.2008 kl. 12:50]

Ekki verið Innbæingur í mér svo leeeeengi  En verulega flott hjá þér að hætta þó bara laununum hans Robba í veðmálið

[Birna Dúadóttir, 4.3.2008 kl. 12:52]

[Þorsteinn Gunnarsson, 4.3.2008 kl. 13:05]

Til hamingju með nýja húsið

Vona að helgin hafi ekki verið of ofbeldisfull

Kv. í Heiðardalinn

[Tiger, 4.3.2008 kl. 15:14]

  Ó, já.. ekki afmæli en samt svona til hamingjueitthvað! Og líka velkomin til byggða ef ég skil rétt...

  Jólasveinar og sveinkur koma víst öll til byggða fyrr eða síðar - sumir síðar en aðrir sko. En bæjarbúar gleðjast samt ætíð þegar til þeirra sést, held ég. Er viss um að bæjarbúar eiga eftir að vera glaðir með þig addna jólasveinka, og þú glöð að vera aftur í mannabyggðum.

[Jónína Dúadóttir, 4.3.2008 kl. 16:04]

Takk Steini minn, það komu allir heilir undan helginni, nema ef vera skyldi mín heimsfræga þooooolinmæði.....

Takk líka Tigercopper, hún jólasveinka er nú víst svona obbolítið ánægð að geta nú labbað í búð og solleiðis, sparað bílinn aðeins

[Björn Finnbogason, 5.3.2008 kl. 02:33]

Til hamingju.  Það er nú alltaf eitthvað svolítið spennandi við hús!!!

e.s. Ef þú skyldir þjást af fráhvarfseinkennum vegna flutninganna veit ég um hús sem vantar pössun í endaðan júlí- þá gætirðu meira að segja labbað í heimsókn til systur þinnar um leið og þú færir í búðir

[Jónína Dúadóttir, 5.3.2008 kl. 05:54]

Takk Bjössi, það væri ekki leiðinlegt skal ég segja þér