Húsmæðranámsefni 103

Spúsi minn fékk ekkert að koma nálægt marengsbotnabakstrinum... ok.. kaupunum í Bónus í gær, vegna þess að ég var fullviss um að ég og ég ein, væri fær um að koma þeim heilum í hús. Það var nú eitthvað annað ! Þeir hefðu ekki getað verið meira í maski þó ég hefði setið á þeim í bílnum á leiðinni heim og troðið þeim svo inn í gegnum póstlúguna, ef ég væri með hana Þannig að ég byrjaði þennan, annars dásamlega sunnudagsmorgun á að messa aðeins yfir þeim Bónusfeðgum, á meðan ég var að reyna að sópa marengskurlinu úr formunum og upp á botnana... Að vísu bölvaði ég ekki þeim feðgum neitt, datt þeir bara alls ekkert í hug fyrr en akkúrat núna, það er bara svo algengt að fólk sé eitthvað að hnýta í þá greyin... ég má líka Þetta hafðist nú fyrir rest, með flísatöng og stækkunargleri, sóp og fægiskúffu og dyggri aðstoð spúsa míns og með því að fela marengsöreyndirnar svo með þeyttum rjóma og súkkulaðikremi, þá varð útkoman tvær girnilegar tertur... sem ég hef enga lyst á að borða.... Enda bakaðar fyrir hina ýmsustu harmónikku-unnendur sem ætla að mæta á tónleika í dag og troða sig út á tertum á eftir. Ég er sko fyrir löngu síðan hætt að nenna að baka, kvótinn kláraðist fyrir þó nokkuð mörgum árum síðan og ég rata líka það vel hérna í bænum, að ég veit alveg hvar bakaríin eru Þetta var bara svona smá afgangur af gömlu kerlingagrobbi sem tók sig upp, þegar mér datt í hug að gera þessar tertur svona, í stað þess að kaupa þær bara, ég líka tímdi því ekkert.... Njótið sunnudagsins, í messu eða ekki

Athugasemdir

[Birna Dúadóttir, 9.3.2008 kl. 11:11]

Hmm ég man eftir bakstri í búnkum haugum og fleirtölum á þínu heimili.Mikið skil ég þetta með að kvótinn sé búinn.Ég myndi ekki láta ná mér dauðri með kveikt á bakaraofninum.

[Jónína Dúadóttir, 9.3.2008 kl. 11:19]

Einu skiptin sem kveikt er á mínum bakaraofni er þegar ég er að elda læri eða hrygg Annars er ég ákveðin í að baka þegar ég er komin í nýtt eldhús, pláss og meira pláss, ég er svo plássfrek

[Birna Dúadóttir, 9.3.2008 kl. 13:35]

'Eg kem auðvitað bara þegar þú ert komin með hnallþórurnar nýbakaðar á borðið í nýja eldhúsinu,verða þær nokkuð innbyggðar,hnallþórurnar

[Erna Evudóttir, 9.3.2008 kl. 14:10]

Það verður örugglega innbyggður bakari í innréttingunni

[Birna Dúadóttir, 9.3.2008 kl. 15:07]

[Jónína Dúadóttir, 9.3.2008 kl. 18:32]

Læt ykkur vita um leið og innbyggði bakarinn er tilbúinn með hnallþórurnar

[Gunnar Helgi Eysteinsson, 9.3.2008 kl. 18:37]

[Tiger, 9.3.2008 kl. 18:45]

  Schippoghoy... ég er hræddur um að ég baki ykkur hérna elskurnar, ég nefnilega baka oft og elda ennþá oftar. Finnst endalaust gaman að baka brauð, ekki endalaus þó. Baka reglulega kanelsnúða og pönnsur og ýmislegt bara. En ég geri það þó ekki nema hafa tíma og ég hef oft frið til þess líka. Innbyggt hitt og þetta er æði, ef maður er svoldið lasy sko.. Bónusfeðgamarengssameindaflottuterturnar hafa örugglega smakkast eins og nýbakaðar í fjöllunum, *slurp*... Sunnudagsknús á þig frú bakari.

[Jónína Dúadóttir, 9.3.2008 kl. 19:02]

Bónusfeðga.............terturnar kláruðust Kannski finnst mér aftur skemmtilegt að baka þegar ég er komin með almennilegt eldhús og meiri tíma Sunnudagskoss á vinstri kinnina frá mér