Það er svo gaman að hlakka til !

Núna er hún loksins komin á skrið, vikan þegar allt á að gerast í húsakaupa og sölumálunum hjá okkur Kaupendur Fjallakofans báðu um frest til föstudags til að klára málið og ég á nú frekar von á að það gerist eitthvað áður en hann rennur upp. Annað væri duuulítið dónalegt, vegna þess að þá höfum við bara hálfan mánuð til að losa og afhenda húsið. Þó ég vinni nú hratt í þau fáu skipti sem ég nenni eitthvað að hreyfa mig, þá finnst mér samt hálfur mánuður til að útvega húsnæði og flytja, vera svolítið knappur tími En það er þetta með straxveikina eins og góður mágur minn orðaði það.... ég er líklega frekar illa haldin af henni.... En það er allt í lagi, hún er krónísk hjá mér og ég kann núorðið bara nokkuð vel á hana og skemmtilegra að orða það þannig, frekar að segja að ég sé að drepast úr frekju, sem þó væri kannski nær lagi  Las, heyrði og sá, að í gær var þetta fína veður fyrir sunnan, ekki hér... bara endalaus slydda og hríð og bólar ekkert á neinskonar vorboðum.... Þessa viku vinn ég kvöldvinnuna og fer líka að pakka niður, geri meira hérna heima eftir því sem ég vinn meira úti. Ferlega bjánalegt eiginlega, en ég hef alltaf verið svona og nenni ekkert að vera að breyta því, nóg annað sem þarf að breyta til hins betra  Það er endalaust eitthvað til að hlakka til næstu mánuðina fyrir utan flutningana okkar, ég fer i fermingu í Keflavík í apríl, útskrift í Gautaborg í júní og Erna systir flytur til landsins í júlí, með alla fjölskylduna  Löngu kominn tími á það ! Ætla að fara og finna eitthvað til að hlakka til inn í daginn og vona að þið njótið hans líka

Athugasemdir

[Birna Dúadóttir, 10.3.2008 kl. 12:24]

Yndislegt veður í Kef,sól og blíða.Bara svona að ympra aðeins á því(var ympra með y,man það ekki)

[Jónína Dúadóttir, 10.3.2008 kl. 12:27]

Prófaðu Púkann Annars finnst mér þú vera alger púki að mæta hérna með sólgleraugu og grobba þig yfir allri sólinni, sem ég sé ekki

[Tiger, 10.3.2008 kl. 16:25]

  Lífspartýið er dásamlegt ef maður leyfir sér að lifa lífinu lifandi - án þess að detta of mikið í þann poll að gleyma því að hafa gaman af lífinu. Þegar mest er að gera hjá manni koma oft upp skemmtilegustu stundirnar, mér sýnist þú sigla hratt í skemmtilega tíma. Best er af öllu þegar maður getur dúllað sér tímunum saman í að hreiðra um sig og breyta hlutum eins og húsnæði, eða bara færa til hluti - bara til að lyfta tilverunni og hafa gaman af. Frekju- & straxveiki eru órúfanlega tengdar tilfinningar og góð blanda af þeim kallast dugnaður. Þú ert greinilega dugnaðarforkur sem kallar ekki alla ömmu sína. Knús á þig í daginn og vinnuvikuna, kveðja - þín Amma.

[Jónína Dúadóttir, 10.3.2008 kl. 16:29]

Takk amma mín

[Júdas, 10.3.2008 kl. 23:20]

Sól í gær og sól í dag.........veit ekki hvar þetta endar.  Líklega vilt þú fá sumarið STRAX er það ekki?    Annars get ég varla beðið eftir vorinu og vorrigningunum.  Þær eru æði!

[Jónína Dúadóttir, 10.3.2008 kl. 23:25]

Ég vil fá vorið STRAX og ekki seinna og sumarið mjög fljótt á eftir því og mér finnst vorrigningin yndisleg, en ég þoli ekki slyddu eins og þessa sem er búin að vera hér svo lengi sem skammtímaminnið mitt man, s.s. þrjár vikur eða svo...