Frestur er á illu bestur........

Fyrirsögnin á ekki mikið skylt við innihaldið, þetta er bara eini málshátturinn sem ég man eftir með orðinu "frestur" ! Nú er búið að fresta því um viku, að ganga frá kaupunum á Fjallakofanum, af því að kaupendurnir eru að stofna hlutafélag um eignina..... Af hverju datt mér það aldrei í hug ? Æi.... asnaleg spurning, af því að mér dettur aldrei neitt í hug í sambandi við peninga nema að eyða þeim... Ég verð aldrei þannig að ég spari við mig í ellinni og leggi aurana mína frekar inn á bók, til að eiga fyrir jarðarförinni minni. Þekkti gamla konu sem gerði þetta.... í alvöru ! Hún ætlaði ekki að tíma að kaupa sér kuldastígvél eitt haustið, af því að þá yrðu kannski færri blóm í kirkjunni..... Og þegar ég fór í búð fyrir hana, þá átti ég að leita að vörum sem voru komnar fram yfir síðasta söludag og fá þær með góðum afslætti eða helst náttulega ókeypis. Mér datt það ekki í hug, það eru nú takmörk fyrir því hvað ég er góð við gamla fólkið Þessi samt yndislega kona, var með mynd eftir Kjarval hangandi á vegg í stofunni, metin á einhver hundruð þúsund og ég skil það nú ekki, mér fannst þetta alls ekki falleg mynd. Hún var með fleiri svona rándýrar fjárfestingar á veggjunum í litlu íbúðinni sinni, sem ég auðvitað fattaði ekkert fyrr en hún sagði mér það.... sérfræðingurinn ég   Samt sat hún og norpaði í hálfkaldri íbúðinni á veturna, af því að hún tímdi varla að kynda. Hún átti tvö syni sem báðir voru hátekjumenn í Borg óttans og ég hélt því fram að þeir gætu sko gott og vel, borgað fyrir að láta hola henni einhversstaðar niður, enda voru þeir ekki að fara fram á neitt svona, en hún lét sig ekkert með þetta blessunin. Ég vil taka skýrt fram, að þetta er svo sannarlega alls ekki lýsingin á mér sem gamalli konu, ekki fræðilegur möguleiki  Njótið dagsins, það er farið að birta um sjö leitið, æðislegt

Athugasemdir

[Heiður Helgadóttir, 11.3.2008 kl. 07:58]

Margt gamalt fólk verður svona á efri árum, veit um eina vel efnaða, sem að kaupir ekki plastpoka þegar að hún fer út í búð, hún tekur alltaf gamla pokann með sér, sem að er orðinn ansi götóttur.

[Jónína Dúadóttir, 11.3.2008 kl. 08:11]

Já ég kannast líka við það

[Birna Dúadóttir, 11.3.2008 kl. 08:40]

[Erna Evudóttir, 11.3.2008 kl. 10:18]

Pældu í því ef þú hefðir stofnað hlutafélag, þá hefðiru getað kallað sjálfa þig forstjóra, hefðir meira að segja getað sett það í símaskrána

[Jónína Dúadóttir, 11.3.2008 kl. 12:28]

Alveg rétt og ég hefði meira að segja haft það forstjóri en ekki forstýra

[Tiger, 12.3.2008 kl. 04:22]

  Ohmæmæ.. ég ætla mér sko að vera eins og Jóakim Aðalönd - sitja á peningunum og aldrei aldreii alllldrei ALDREI eyða neinu ... muhahahaha...

  Kannski ég fái mér þó svona eins og einn eða tíu bjóra af og til.. svona eins og gamalli ömmu sæmir *hic*.

Leitt að hlutafélagarnir skuli draga fjallakofakaup svona lengi, er ekki hægt að hræða þá til að hraða málum - segðeim að Amma komi og berji þá með bjórkönnu ef ekki verði þeir góðir við barnabarnið.. og hana nú! *hic* og skál. Knús í fjöllin blá ...

[Jónína Dúadóttir, 12.3.2008 kl. 07:04]

Takk amma mín, það er gott að vita að þú stendur með mér

[Gunnar Helgi Eysteinsson, 12.3.2008 kl. 07:49]