Ég er tóm.....

.... þess vegna ætla ég ekkert að skrifa hérna í dag..... alla vega ekkert dónalegt eða ljótt eða merkilegt... frekar en venjulega... Nema kannski að í dag ætla ég að skondra í Rúmfatalagerinn, þeir eru að opna í nýju plássi á Glerártorgi, það hlýtur eitthvað að vera til þar, sem mig vantar í nýja húsið. Veit ekkert hvað mig vantar eða hvort mig vantar yfir höfuð eitthvað, en ég hlýt að komast að því þegar ég fer að skoða.... er það ekki svoleiðis sem maður gerir þetta ?  Mér finnst ekkert gaman að fara í búðir, ekki síðan ég hætti alveg að nenna að fara í Ríkið, nema mér finnst stundum gaman að fara í Rúmfó, hérna á Akureyri. Ég fékk auglýsingu frá þeim í gær og sá sófasett sem ég held að gæti passað fyrir mömmu, bæði er það nett og smart og líka á viðráðanlegu verði, meira að segja fyrir ellilífeyrisþega. Ég dreg hana með mér í dag, áður en ég fer að vinna. Ég er í alvöru hálfandlaus í dag, en það kemur samt ekki í veg fyrir að ég hafi ólæknanlega skrifræpu... Mér hefur verið tjáð af aðilum... samt alls ekki fagaðilum... heldur svona "beturvitrungum", að það sé ekkert normal að fara á fætur klukkan hálfsex á morgnana, bara til að fara á fætur og eiga ekki að mæta í vinnu fyrr en kl. 10. Og það er víst alveg sérlega óhollt að fara snemma á fætur um helgar og eiga bara alls ekki að mæta í vinnu Mér er alveg sama hvað klukkan er og líka hvaða dagur er þegar ég vakna, ég vakna bara þegar ég er búin að sofa, gera það ekki allir annars ? Það er hvorki fræðilegur möguleiki né mögulegur fræðileiki, að ég geti gert eftirfarandi þegar ég vakna : opna augun, líta á klukkuna, sjá að hún er "bara" 6 eða eitthvað, líta svo á dagatalið og sjá að það er laugardagur og snúa mér svo á hina hliðina og halda áfram að sofa... Ég gef kúk og kanil í klukkur og dagatöl og fer á fætur ! Ég er víst ekki normal ! Njótið ljúfs laugardags eins og kostur er

Athugasemdir

[Erna Evudóttir, 15.3.2008 kl. 08:05]

Það er langbest að vera ekki normal Líst vel á þetta með sófasettið, ég ætla líka að versla í þessari búð þegar ég er komin heim, mikið flottari á Akureyri en hérna hjá mér

[Jónína Dúadóttir, 15.3.2008 kl. 08:20]

Já við systurnar vitum það  RL búðin er skemmtileg búð og það er sterkt til orða tekið hjá mér sem leiðist að fara í búðir, ég skal koma með þér í RL þegar þú kemur

[Júdas, 15.3.2008 kl. 08:22]

Júdas verður seint talinn normal og er risinn úr rekkju eins og norðanvinkonan fyrir allar aldir.....alltaf.  Er þetta aldurinn Jónína eða hvað er þetta.  Þetta byrjaði samt hjá mér upp úr fermingu!

[Jónína Dúadóttir, 15.3.2008 kl. 08:27]

Góðan dag Júdas minn, þetta hefur ekkert með aldur að gera ! Við erum fyrsta flokks A manneskjur og það er langflottast !

[Birna Dúadóttir, 15.3.2008 kl. 09:00]

'Eg er voða fegin að við systurnar teljumst soldið skrítnar,væri ferlegur andskoti ef við teldumst "normal"'Eg er létt-klikkuð,hef alltaf verið það og er stolt af þvíÉg vona að ykkur mömmu gangi vel í RL búðinni

[Ólöf Jóhanna Pálsdóttir, 15.3.2008 kl. 13:56]

"Morgunn stund gefur gull í mund" segir máltækið. Satt berst að segja finnst mér notalegt að lúra fram eftir, svona til 8.00 eða 9.00, þá er nú yfirleitt karlinn minn löngu farinn fram úr. En svo get ég "drollast"fram eftir nóttu á fótum. Klukkuverkið er víst ekki eins í öllum og svo er það nú bara. Haltu þínu striki og góða helgi.

[Gunnar Helgi Eysteinsson, 15.3.2008 kl. 14:14]

Átti þetta að vera stutt færsla?

[Jónína Dúadóttir, 15.3.2008 kl. 15:05]

Já Birna mín, við megum líka vera stoltar RL frestað til morguns....

Ólöf mín, þakka þér og sömuleiðis

Gunnar sko.... eiginlega átti þetta að vera stutt færsla... eða jafnvel engin sko... ég hafði ekkert að segja sko.... ha...

[Þórhildur Daðadóttir, 16.3.2008 kl. 16:17]

Minn kall er svona, er kannski búin að fara út og afreka alveg heil lifandis óskop þegar ég vakna.  Ég vakna samt yfirleitt ekki seinna en átta.  Enda með tvær yndislegar lifandi vekjaraklukkur á heimilinu En hver segir að allt hitt fólkið sé frekar normal heldur en þú?

[Jónína Dúadóttir, 16.3.2008 kl. 19:49]

Þú ert heppin að hafa þessar vekjaraklukkur Mér finnst ég vera ferlega normal sko....

[Birna Dúadóttir, 17.3.2008 kl. 07:18]

Mamma var ánægð með sófakaupin

[Tiger, 17.3.2008 kl. 14:50]

  Er það ekki oftast svo að "bylur hæst í tómri - tunnu"? Sko ef þú værir tunna þá væri ég ekki nálægt þér - nema þú værir bjórtunna þó.. *hux*...

RL-shop er náttúrulega snilldar sjoppa með vörur þokkalegar og á viðráðanlegu verði fyrir Jón úti í Bæ, ætli Davíð viti af þessu? Í upphafi fannst mér oftast vörur úr Rúmfatalager og Íkea hið mesta drasl sem datt í sundur við minnsta átak - en núna eru þeir bara með skolli góðar vörur sem eru vel þess virði að skoða.

  Það er meira en fræðilegur möguleiki, alveg sama hvað ófagaðilar segja um mig - að ég get vel snúið mér á hina og sofið endalaust ef mér dettur það í hug og hef tíma... zzzzzzzzz. luv út í fjöllin amma mín - kveðja frá hrekkvísa RL-shop aðdáanda, þannig séð.

[Jónína Dúadóttir, 17.3.2008 kl. 15:08]