Ingi Stefán á afmæli í dag !

Hann er yngsta barnið mitt af 3, yngri sonur af tveimur og hann er 22 ára í dag Hann vinnur næturvaktir í 10-11 og er að vinna alla páskana, eins og flest afgreiðslufólk gerir núorðið. Eins gott að þau fái þá almennilega borgað !

Í dag er föstudagurinn langi og ég held ekkert að það eigi að segja gleðilega hátíð í dag eða er það ? Ég var ekki alin upp í neinu trúarofstæki, þannig að eina þýðingin sem páskarnir hafa alltaf haft fyrir mig er fríið og páskaeggið/in Sem ég er bara alls ekki búin að kaupa, en það gerist á morgun ! Klikka sko ekkert á því frekar en jólatrénu... það er að segja sko jólatréð hef ég að vísu bara á jólunum...  Ég er búin að pakka niður í 8 kassa, allar myndir og skraut að verða horfið af veggjum og skápum og hillum, sparistellið komið ofan í kassa, það er að vísu ekkert sparistell í alvöru, það er bara svo lítið skápapláss í eldhúsinu okkar hérna að það varð að vera í skáp inni í stofu. Ég læt sko alls ekki grípa mig dauða við að eiga eitthvað sérstakt sparistell, það er allt of fyrirmyndarhúsmóðurlegt ! Það snjóar úti í algeru logni, sem væri alveg yndislegt ef það væru jól, en það eru páskar og ætti að vera farið að vora eftir minni klukku, en hún hefur líklega alltaf verið vitlaust stillt Ég óska þess að þið öll eigið dásamlegan dag og ég líka, ég ætla að halda áfram að henda flestu af eigum okkar og pakka afganginum niður

 

Athugasemdir

[Birna Dúadóttir, 21.3.2008 kl. 10:01]

Til hamingju með barniðÉg er td núna að syngja afmælissönginn,er viss um að Ingi heyrir í mér.Hmm mikið er ég fegin að uppeldið á okkar heimili lá ekki í átt að trúar eitthvað,það hefði orðið svakalegt

[Júdas, 21.3.2008 kl. 10:20]

Góðan daginn Jónína og til hamingju með kútinn,  fullorðinskútinn.

[Erna Evudóttir, 21.3.2008 kl. 13:09]

Jú en það var soldið sjokk að kunna ekki faðirvorið þegar ég byrjaði í skóla, en Birna reddaði því hér fá krakkarnir páskaegg á morgun, þá er sko aðfangadagur páska, mikið notað hér þetta með aðfangadag allra mögulegra og ómögulegra daga

[Birna Dúadóttir, 21.3.2008 kl. 13:47]

Hmm faðirvorið já.Ég vona að þú sért búin að fatta að ég kenndi þér það afturábak

[Jónína Dúadóttir, 21.3.2008 kl. 15:07]

Birna mín : Ingi heyrði fínt í þér.... og tók til fótanna í hina áttina

Júdas minn : Þakka þér fyrir

Erna mín : Leitt þetta með Faðirvorið

[Tiger, 21.3.2008 kl. 21:10]

  Jájá.. ég ætla svo sem ekkert að fara að syngja einhvern afmælissöng hérna fyrir framan tölvuna - heimilisfólkið mitt er þegar orðið of undrandi á mér þegar ég er að tala við þig hérna og fleiri, hvað þá að ég byrji að kyrja einhverja falska surprisesöngva... ónei. En samt - til hamingju með "litla" drenginn og megi hann njóta þess að sigla hratt í þrítugt! og bráðum fertugt og svo nær hann þér addna skottið mitt... uzzseisei.

Hjá mér er heldur engin sérstök helgislepja í því að eiga of mikið af hinu og þessu spari eitthvað. Varla að ég troði mér í spariföt hvað þá meira á jólunum, bara rétt á meðan við borðum og svo aftur á bobbann.. *flaut*..

  Það eru margir sem fá högg á hausinn ef ég fæ ekki minnst fjögur páskaegg um páskana, reyndar kaupi ég alltaf eitt sjálfur til að vera öruggur um að fá þó allavega eitt sko. Það eru ennþá þrír aðilar í kringum mig sem punga út fyrir eggi hana sínum sko.. slurp! Enda vita allir hvað ég er mikill súkkulaðigrís *honk*.

Flott að það gengur vel hjá þér í pökkunardeildinni en örugglega hálf fúlt að þurfa að eyða páskunum í svona stúff - en so - þá þarf náttúrulega ekki að taka aukafrí á meðan.. knús á þig og páskana þína ljúfan og ynnilega til lukku með litla kallinn þinn!

[Heiður Helgadóttir, 21.3.2008 kl. 22:50]

Já þetta að flytja getur tekið á taugarnar, en um leið er óskup notalegt að geta hent hinum og þessum hlutum sem að maður hefur safnað undanfarin ár.

Svo getur maðr byrjað uppá nýtt að safna á nýja staðnum

[Jónína Dúadóttir, 22.3.2008 kl. 06:48]

Elsku Högni minn, þakka þér fyrir og ég vona að þú fáir fleiri páskaegg en þú getur torgað

Heidi Helga : Ójá það er svo gott að henda og vita að það þarf þá ekki að taka það upp úr kössunum á nýja staðnum Já og vita þá líka að það verður meira pláss fyrir allt þetta nýja sem verður keypt... í staðinn

[Þorsteinn Gunnarsson, 24.3.2008 kl. 03:19]

Lestrarkvittun