Ég slapp fyrir horn.....

Á laugardagskvöldið, vorum við að undirbúa árshátíðina og ég var svo lengi að brasa niðurfrá að loksins þegar ég fór heim, þá hafði ég bara þrjú korter til að fara í sturtu, hrein föt, laga á mér hárið og mála mig. Þannig að ég gaf aðeins of mikið í á leiðinni upp veginn í átt að Fjallakofanum ! Það var auðvitað eins og við manninn mælt, sko í þau fáu skipti sem ég myndast til við að brjóta lögin, þá kemur löggan....  Ég er nefnilega ekkert löghlýðin, ég er skal ég segja ykkur bara svo óheppin og þess vegna nenni ég bara ekkert að vera glæpon ! Og þarna mætti ég auðvitað löggunni og hraðamælirinn minn sýndi vel á annað hundrað... "Óskaplega ert þú nú að flýta þér kona góð, veistu að þú mældist á hundrað og égveitekkihvað kílómetra hraða !?!" Ja sko, herra lögregluþjónn, sagði ég agalega smeðjuleg í von um að sleppa þá ódýrara út úr þessu, ég er að halda árshátíð hérna niðurfrá og ég hef ekki nema þrjú korter til að framkvæma eftirfarandi : fara í sturtu, finna einhver föt til að fara í, laga á mér hárið og mála mig !!! Blessaður maðurinn horfði á mig með skelfingarsvip á andlitinu og argaði upp yfir sig: "Bara þrjú korter, ja hérna, þú verður þá aldeilis að drífa þig, farðu bara við sektum þig ekkert núna, þetta er greinilega neyðartilfelli"

Er ekki annars fyrsti apríl í dag ? Njótið hans

Athugasemdir

[Einar Indriðason, 1.4.2008 kl. 06:43]

Þú náðir mér, amk! 

[Jónína Dúadóttir, 1.4.2008 kl. 06:55]

Takk, það var gaman

[Gunnar Helgi Eysteinsson, 1.4.2008 kl. 07:02]

hahahahahahahaha... þú náðir mér líka

[Jónína Dúadóttir, 1.4.2008 kl. 07:18]

Æði

[Jóhanna Magnúsar- og Völudóttir , 1.4.2008 kl. 07:34]

Gleðilegan 1. apríl ...

[Jónína Dúadóttir, 1.4.2008 kl. 07:35]

Sömuleiðis takk

[Unnur R. H., 1.4.2008 kl. 07:59]

ooooooooooo þú ert nú meiri stelpan, var alveg búin að gleyma 1 apríl

[Jónína Dúadóttir, 1.4.2008 kl. 08:07]

Ég var líka búin að gleyma hvaða dagur var, þangað til ég fór smá bloggrúnt fyrst í morgun

[Erna Evudóttir, 1.4.2008 kl. 08:46]

Fyndin

[Jónína Dúadóttir, 1.4.2008 kl. 08:52]

Æi takk

[Þorsteinn Gunnarsson, 1.4.2008 kl. 11:45]

Lögreglan talaði eitt sinn við mig um að ég talaði við þáverandi konu mína og bæði hana um að aka aðeins varlegar... "Bíddu" sagði ég "hvað meiniði"... Ja hún var á tæplega 90 hérna í Austursíðunni og þetta bara gengur ekki" ... "Og afhverju stoppuðuð þið hana þá bara ekki sjálfir? " ... " Ja við lögðum eiginlega ekki í það... hún var að varalita sig...."

amm... og þetta er EKKI 1. apríl gabb

Kv. í Heiðardalinn

[Jónína Dúadóttir, 1.4.2008 kl. 12:29]

Steini !!!!

[Tiger, 1.4.2008 kl. 14:28]

  Izzz... náðir mér ekkert sko! Las fyrst commentin og svo færsluna svona til vonar og vara. Læt sko ekki hrekkja mig meira .. en væri alveg til í að hrekkja þig smá addna. 

En hey - að öðru, heyrði að það væri verið að gefa nýjar eldhúsinnréttingar með innbyggðum ísskáp og örbylgju núna í dag klukkan sex.. fyrir utan Sjallann. *flauterí*... ég myndi fara sjálfur ef ég væri fyrir norðan sko...

[Jónína Dúadóttir, 1.4.2008 kl. 15:06]

Náði þér víst Neeee´kva segirru ? Ég nið´r að Sjalla klukkan 6... og næ í eina fyrir þig....eða bara alls ekki

[Helga Auðunsdóttir, 1.4.2008 kl. 15:15]

 góður... þú náðir mér, las þetta í morgun og var lengi að hugsa áður en ég kíkti á kommentin

[Jónína Dúadóttir, 1.4.2008 kl. 15:19]

Gaman að þessu

[Ólöf Jóhanna Pálsdóttir, 1.4.2008 kl. 17:08]

Það er bara sisvona 1 apríl. Ætli margir hafi reynt að ná sér í ódýrt bensín hjá Olís í dag ?

[Birna Dúadóttir, 1.4.2008 kl. 17:52]

Náðir mér líka

[Jónína Dúadóttir, 1.4.2008 kl. 20:19]

Ólöf : ég hef ekki heyrt frá neinum sem prófaði það

Birna: ekki datt mér í hug að þú mundir láta gabbast

[Júdas, 2.4.2008 kl. 00:05]

Var þetta skrökvufærsla?  Ég trúði þessu alveg eins en passa mig á þér að ári.   Verðuru ekki bloggvinur minn áfram?

[Jónína Dúadóttir, 2.4.2008 kl. 05:42]

Auðvitað verð ég það kjáninn minn