Nenni ekki...

... að skrifa um flensuna mína, hún er baaaara leiðinleg og ekki um fréttirnar heldur, þær eru flestar í besta falli leiðinlegar, í versta falli skelfilegar og sorglegar....  Við fengum góða gesti hingað í gær, eins og alla dagana síðan við fluttum hingað niður í mannabyggðir  Takk fyrir komuna Dúna mín og Svenni  Núna erum við í alfaraleið enda við eina mestu umferðargötuna í Slow town. Til þess að þurfa nú ekki að leggja alla lóðina okkar undir bílastæði, þá ætla ég að fara af stað og fara fram á það við framkvæmdarvaldið hérna í  bænum, að það verði máluð hvít lína ca bíllbreidd frá gangstéttinni, svo að það sé hægt að sjá að þetta er ekki 4 akreina gata, heldur eigi og megi leggja við gangstéttina. "Hvernig er það með þig manneskja geturðu bara aldrei verið til friðs ? Allir komnir með króníska gæsahúð þegar þú bjóst uppi í fjallinu, heimtaðir hitt og þetta og ef þú fékkst ekki allt eins og skot, þá hamraðir þú á því þangað til allir gáfust upp og gerðu eins og þú sagðir !"   Þetta er sem sagt hún ég, að tala við sjálfa mig  Ég er alls engin baráttumanneskja í eðli mín, þvert á móti ég er hundlöt og oft svo löt að ég nenni yfirleitt ekki að hafa skoðun á öllum sköpuðum hlutum og málefnum. En sumt má bara einfaldlega betur fara að mínu mati, í kringum mig og þá geri ég eitthvað í að koma lagi á það. Og þó ég fari fram á að fólk vinni hraðar en sniglar við að laga það sem ég vil láta laga, þá er það bara betra fyrir bæjarbatteríið að hrista svolítið upp í liðinu sem vinnur þar. Að vísu er það með oss bæjarstarfsmenn, að við metum Ólimpíuhugsjónina mjög mikils... Ekki endilega málið að vinna, bara að vera með  Ég er farin að sjá í blómabeð á lóðinni okkar, undir síðasta snjóskaflinum og þar eru að koma upp annað hvort páskaliljur eða túlípanar... Hm... kemur í ljós ég hef aldrei verið mikil blómabeðamanneskja, svo kannski er bílastæði á allri lóðinni ekki svo slæm hugmynd eftir allt saman...... Um daginn sagði mér vinur okkar, eðalbóndi í Borgarfirðinum að vorið kæmi í dag, þriðjudag og ekki lýgur hann ! Gangið glöð inn í vordaginn fyrsta

Athugasemdir

[Jenný Anna Baldursdóttir, 15.4.2008 kl. 08:37]

Farðu vel með þig flensukona og takk fyrir enn einn góðan pistil.

Knús yfir heiði.

[Jónína Dúadóttir, 15.4.2008 kl. 08:40]

Takk fyrir það

[Jokka (IP-tala skráð) 15.4.2008 kl. 08:41]

Oj bara ömó flensa fnusss...já vorið kemur víst í dag, en eftir hádegi skilst mér.. þannig ég bíð spennt með rauða dregilinn og básúnuleikarana tíhí...

Eigðu góðan dag þú góða frú

[Birna Dúadóttir, 15.4.2008 kl. 09:08]

Víst ertu blómabeðakona,þú veist bara ekki af því

[Jónína Dúadóttir, 15.4.2008 kl. 09:33]

Takk Jokka mín og sömuleiðis

Hvassegiru Birna mín, er ég það ?

[Helga Auðunsdóttir, 15.4.2008 kl. 10:53]

Já við héldum líka á Selfossi að vorið væri að koma.. en.. það þarf að moka út í kertagerð svo það sé greiðfært þangað.. það snjóaði nefnilega á Sunnudaginn og það ekkert smá garðurinn er allur í kafi.. ég segi að þetta verði snjólétt vor og sumar.. er ekkert vissum að við verðum laus við snjóinn í sumar...

[Erna Evudóttir, 15.4.2008 kl. 10:55]

Slepptu nú blómabeðakonunni út, ekki haldessu inni

[Jónína Dúadóttir, 15.4.2008 kl. 11:21]

Helga mín, ég vona líka að sumarið verði snjólétt

Erna, ert´að einelta mig ?

[Erna Evudóttir, 15.4.2008 kl. 11:45]

Já er soldið ein og er að elta þig

[Birna Dúadóttir, 15.4.2008 kl. 12:28]

Verum tvær saman,komum sterkar inn af kantinum og eineltum blómabeðakonuna

[Jónína Dúadóttir, 15.4.2008 kl. 12:52]

Jæja... ég elska ykkur líka... man bara ekki alveg í augnablikinu af hverju ég geri það..... 

[Jóhanna Pálmadóttir, 15.4.2008 kl. 13:45]

Hef heyrt að maður geti komið út úr skápnum með blómabeðahneigð líka

[Jónína Dúadóttir, 15.4.2008 kl. 13:47]

Uss, ekki trúa allri vitleysu sem þú heyrir barnið gott

[Þorsteinn Gunnarsson, 15.4.2008 kl. 15:24]

Ja ef þú flettir þessu græna af lóðinni þá er svo sem hægt að leggja uppá bændamátann áfram

Kv. í Heiðardalinn

[Jónína Dúadóttir, 15.4.2008 kl. 16:20]

Æi mig langar einmitt svo til að hafa slatta af þessu græna á lóðinni og líka bílastæði 

[Ólöf Jóhanna Pálsdóttir, 15.4.2008 kl. 17:17]

Láttu bara malbika bílastæðið og málaðu það svo grænt. Þá ert þú með hvorutveggja, bílastæði og græna litinn.

[Birna Dúadóttir, 15.4.2008 kl. 18:28]

Þessi síðasta hugmynd,alger snilld

[Jóhanna Magnúsar- og Völudóttir , 15.4.2008 kl. 19:24]

Allt er vænt sem vel er grænt ! Elska að sjá krókusana koma uppúr snjónum líka!   Ég er á móti grænu malbiki!

[Katrín (IP-tala skráð) 15.4.2008 kl. 21:09]

Blómabeðahneigð? Held það sé til meðferð við þessu hérna. Ég skrifa þig inn í hvelli. Þá veit ég allavega hvað ég á að gera af þér þegar þið komið í júní. Þú sem ert alltaf að týnast :)

[Jónína Dúadóttir, 15.4.2008 kl. 21:16]

Ólöf, sniðug hugmynd

Jóhanna, ég elska það líka þegar allt fer að gróa en það þarf ekkert endilega að vera í blómabeðum á minni lóð

Dóttir mín, er ég týnd ? Hvar ? Þú þarft ekkert að skrifa mig inn í neina svoleiðis meðferð, ekki trúa frænkum þínum..... þær bulla

[Júdas, 15.4.2008 kl. 21:17]

Láttu þér batna kona og láttu frostrósirnar duga......

[Jónína Dúadóttir, 15.4.2008 kl. 22:10]

Vinn í því Júdas minn, en veistu hér eru engar frostrósir, hér er alveg að koma vor

[Tiger, 16.4.2008 kl. 04:42]

  Ussfruzz .. alltaf sama heimtunarfrekjan, þannig séð. Búin að fá fína kjallarakompu í SúluTapaÖllustræti sixtynine, fékkst súlu og græna eldhúsinnréttingu, færð innbyggðar græjur í batteríið - kannski - ert komin með pizzastað á hornið - bar á hitt hornið - bónus í seilingafjarlægð og hárskera, sem þú notar víst ekki, líka í næstu götu - fullt af góðum vinum í heimsókn og líka einhverjar óvelkomnar vinkonur sem heita flenza og pest ... og svo heimtar þú líka hvíta línu út á götu til að sýna öllum veldið á pokakerlingunni úr fjöllunum - að þarna megi sko allir bílarnir parkeraast!

  <------- nákvæmlega þetta myndi ég segja við þig ef þú værir pokakarl - og hættezzu svo kvarterí og kveini - ella mun framvarðasveit löghlýðinna og vælulausir borgarar þarna í þorpinu senda þig aftur í poka eða í það minnsta aftur á fjöll - grílan þín.

Annars ætlaði ég bara að segja knúserí og klemmerí á þig ljúfan og eigðu skelfilega hræðilega góða nótt - og ómannúðlega yndælan dag á morgun. *saklaust bros hinu megin við heiðina*...

[Jónína Dúadóttir, 16.4.2008 kl. 05:56]

Högni minn.... mig skortir orð.... En takk samt

[Gunnar Helgi Eysteinsson, 19.4.2008 kl. 11:35]