Tillitssemi 103

Mér finnst yfirleitt gaman í vinnunum mínum, skemmtilegt að umgangast fólk, pæla í alls konar fólki og þá reynir oft á Pollyönnu litlu og það er bara fínt. En hún er ekkert alltaf með samt og þá alveg sérstaklega ekki þegar fólk sýnir af sér fádæma ósanngirni og ömurlegt tillitsleysi gagnvart öllu og öllum. Þá gleymist hún Pollýanna litla og fram kemur Ninna litla sem þolir þetta bara ekki og ræður ekki alltaf við sig.... Það eru svo margir sem villast inn á þá braut að halda að ég sé bara rola, af því að ég kýs að vera tillitssöm og er ekki alltaf opin oní þarna "þiðvitiðhvað", en ég er alls engin rola  Gamalt fólk er oft hrikalega tillitslaust og dónalegt eiginlega, en það orsakast oftar en ekki bara af hræðslu og fattleysi, það er auðvelt að fyrirgefa það, því verður ekki breytt úr því sem komið er. En það er yngra fólkið, sem ég er að pæla í, ekki unglingarnir samt, sem hefur alveg möguleika á að rífa sig upp á "þiðvitiðhverju" og siða sjálft sig aðeins til. Allt of margir virðast nefnilega halda að þegar mamma og pabbi eru hætt að ala okkur upp, þá sé bara verkið búið, en það er bara ekki svoleiðis... þá verðum við nefnilega að taka við að ala okkur sjálf upp og því líkur aldrei ! Ég þekki alveg sorglega mikið af fólki sem fattar þetta ekki og hef verulegar áhyggjur af því að þetta fólk komi til með að koma óorði á eldri borgara, með tíð og tíma Sem betur fer verð ég ekki að vinna með þetta fólk, ég mundi sjálfsagt gera eitthvað ljótt við það ! Það er yfirleitt auðvelt og bara gaman að sýna tillitssemi, allavega finnst mér það og sérstaklega þegar það kallar fram bros og oft skemmtilegan undrunarsvip í mörgum tilfellum  Og á þeim orðum líkur þessum langa pistli og ég óska ykkur góðs dags, líka þeim sem nenntu ekki að lesa alla leið hingað    

Athugasemdir

[Jokka (IP-tala skráð) 22.4.2008 kl. 08:02]

Tillitsemi... hvað er það? Held það sé að verða útdauð íþrótt meðal fólks fnussss...tíhí..eigðu góðan dag heillin

[Heiður Helgadóttir, 22.4.2008 kl. 08:05]

Tillitsemi er ennþá til, en er um leið orðin frekar sjaldgæf. Eigðu góðan dag mín kæra í nýja húsinu

[Helga Auðunsdóttir, 22.4.2008 kl. 08:45]

Tillitsemi er orðin fágætur kostur, en samt þekkt hjá yngri kynslóðinni, en eins og þú réttilega bentir á er það talin vera roluskapur af mörgum.

Eigðu góðan dag og njótu þess að atast í nýja húsinu

[Jónína Dúadóttir, 22.4.2008 kl. 09:44]

Takk og takk og takk elskurnar, þið eruð allar frábærar

[Einar Indriðason, 22.4.2008 kl. 11:33]

Það er þetta með að geta snúið borðinu við, og sett sig í spor hins aðilans.  Það vantar ansi oft hér á Íslandi, að fólk geti sett sig í spor annarra aðila.  Það og almenn kurteisi.

En... hmm... hvernig gekk annars að finna innanhúss-skorsteinin, háfinn?

[Jónína Dúadóttir, 22.4.2008 kl. 12:12]

Sko innahúss-skorsteinninn er barasta ekki ennþá kominn í leitirnar, en ég fæ þá bara annan ef þessi finnst ekki

[Erna Evudóttir, 22.4.2008 kl. 12:33]

Vér erum vel upp alið fólk enda af góðu heimili

[Jónína Dúadóttir, 22.4.2008 kl. 13:00]

Vér erum það

[Gunnar Helgi Eysteinsson, 22.4.2008 kl. 14:40]

Ég nenni alltaf að lesa pistlana þína - þessi var góður.

[Jónína Dúadóttir, 22.4.2008 kl. 16:00]

Þakka þér fyrir Gunnar minn, þú ert kurteis ungur maður Henni Evu þinni hefur tekist vel upp

[Tiger, 22.4.2008 kl. 16:22]

  Tillitssemi .. huhhh! Það er ekki til í minni orðafæslu og ég mun ekki bæta því við, enda með eindæmum grófur og krimmalegur náungi hér á ferð - of mikill töffari fyrir svoleiðist pokakerlingadæmi. Ég er handviss um að þeir sem láta illa við þig hafa góða ástæðu til - hefur þú t.d. litið í spegil áður en þú ferð á elliheimilið - bara til að ganga úr skugga um að þú sért með Pollyönnulookið en ekki pokakerlingalookið? Sko, ef þú ert með Pollýönnulookið þá er þér óhætt að vera leiðinleg við þá sem eru fúlir - en ef þú ert óvart með pokakerlingalookið - þá getur þú sjálfri þér um kennt sko!

 Ég er yfirleitt aldrei með opið niður í ... ehh"égveitekkihverju" þannig séð  - en ég er sko ekki rola eða ljúfur ef yfir mig er crappað eða stappað og hætti ekki fyrr en fyrir mér er klappað - eða þannig!

   En það er svo satt að margir mættu sannarlega rífa sig upp af "égveitekkihverju" og gera eitthvað róttækt í sínum málum áður en það verður um seinan. Ungt fólk er oft óalandi, en verra er þegar maður sér gamalt fólk sem hefur verið óalandi allt lífið án þess að gera neitt í málunum til að breyta slæmu í gott.

  Tillitssemi er húmbúkk og sjóræningjasemi er eitthvað sem mætti vera miklu meira í umferð - allavega lifi ég algerlega eftir því, enda er ég spennandi krimmalega looking og engin þorir að malda í móinn gegn mér sko! Ef einhver myndi rífa sig upp af "égveitekkihverju" og gerði tilraun til að vera á móti mér - þá yrði maður höggvinn og annar - og einhverjir væru þá höfði styttri *tröllahlátur mikill* ... 

En, svo á ég nú líka til svona knúsímúsípúsí inn í daginn þinn ljúfan - jafnvel þó ég hafi nú ekkert nennt að lesa pistilinn þinn á enda - enda húðlatur bloggari hér á ferð sem les bara fyrirsagnir og kommenta á þær... lot of tillitsleysi over to you sweety, stay bad girl!

[Jónína Dúadóttir, 22.4.2008 kl. 19:11]

Þú þarna grófi krimmalegi töffari..... Kannski einhver sé hræddur við þig, en það er sko ekki hún Pollyanna pokakelling hérna Eigðu dásamlegt kvöld skinnið mitt 

[Tiger, 22.4.2008 kl. 19:55]

  Farru í bossa og tófu addna...

Sko, ég essga þig náttúrulega - en ég skil ekkert í því afhverju ég á það til að missa mig svona í athugasemdunum þínum og hreinlega blogga bara hérna. Sko, meina - ég bara er miklu duglegri að blogga í þínum athugasemdum en að blogga á minni eigin síðu bara. You touch my inner bad bloggerkrimzí for sure! I tell you, you would skjálfing mucho if you would sjá mig life. En það er önnur elísabet... ég meina - ég var fengin til að leika morðingja í mynd long time ago! Pass jú or else ... ekkert skinn mitt hér sko!

[Jónína Dúadóttir, 22.4.2008 kl. 20:24]

Þú ert náttulega bara stórskemmtilegur og mátt alveg blogga í athugasemdunum mínum Varstu fenginn til að leika morðingja, varstu sannfærandi í útliti eða var meikuppdaman bara svona klár ? I am skjálfing mucho.... en það er af hlátri Þú ert frábær skinnið mitt

[Þorsteinn Gunnarsson, 22.4.2008 kl. 21:02]

Torfaðist í gegnum hann sjúkk...enda lítið lesið og skrifað seinustu dagana

Já dónarir eldast eins og hinir... og margir þeirra verða meira að segja óþarflega gamlir

Og svo kemur hérna seria af uppsöfnuðum innlitskvittunum:

Inlitskvitt, innlitskvitt, inlitskvitt,

Inlitskvitt, innlitskvitt, inlitskvitt

Inlitskvitt, innlitskvitt, inlitskvitt

Kv. í Heiðardailinn

[Ólöf Jóhanna Pálsdóttir, 22.4.2008 kl. 21:13]

Lífið er allt skóli og af því eigum við að læra og muna að koma  fram við aðra eins og við viljum að aðrir komi fram við okkur. Allavegana reynir maður það. Ég hef orðið þess vör að fólk á öllum aldri sínir frekju og yfirgang. Vonandi verð ég aldrei ein af þessum leiðinda kerlingum.

Hafðu það gott Jónína mín.

[Jónína Dúadóttir, 22.4.2008 kl. 22:19]

Steini minn:Takk, takk, takk, takk, takk, takk, takk, takk, takk fyrir innlitin Og þakka þér líka fyrir að torfast í gegnum þennan

Ólöf mín: trúðu mér, það er sko alls engin hætta á að þú verðir nokkurntímann með frekju og yfirgangHafðu það sem best