Gæsahúð og grænar.....

Í gær fékk ég bréf frá skattinum..... ég las það auðvitað en gat ekki með nokkru lifandis móti, skilið hvað í ósköpunum stóð í því, mér sýnist nú samt vera á íslensku og ég er bara nokkuð góð í henni.... hélt ég Á meðan ég rak gistiheimilið þurfti ég að hafa virðisaukaskattsnúmer og fyrst ég er hætt þeim rekstri, fór ég niður á skattstofu til að losa mig við það. Það er bara alls ekki eins auðvelt og það hljómar, ég var þar í klukkutíma og allt sem ég þurfti að vita og muna...... Fyrst náttulega mundi ég alls ekkert VSK númerið... engan áhuga á því sko, svo mundi ég ekki kennitölu mannsins sem keypti húsið, skrítið, séð hann alveg tvisvar og man ekki kennitöluna hans ! Svo átti ég að greina frá birgðastöðu gistiheimilisins á söludegi.... fyrirgefðu góði maður, þetta er ekki verslun.... hvaða birgðir eru í gistiheimili ? Á ég að skrifa hversu mörg rúm, koddaver og teskeiðar eru þar ? Nei nei líklega engar birgðir sko..... Þarna þurfti að koma fram á hvað húsið var selt og á hvað reksturinn var seldur.... Það er sko miklu flóknara að losa sig við þetta bévítans númer, en að verða sér úti um það... eins og að reyna að losa sig við gamlan plástur.... Ég var voða góð með mig loksins þegar þetta var nú yfirstaðið, en þá kom bréfið..... Ég ætla ekki einu sinni að reyna að skýra frá því hvað ég held að standi í þessu bréfi, nema að ég virðist vera að reyna að svíkja og svindla og það er talið upp í mörgum furðulegum orðum í ennþá furðulegri setningumÉg fór með það til bókarans og hann vildi fá nokkra daga til að pæla í þessu og hann er sko enginn byrjandi í faginu....Hann spurði mig hvort ég þekkti manninn sem skrifar undir bréfið ? Ha nei það held ég ekki.... Nei.... honum bara datt í hug, hvort ég hefði einhvertímann gert honum eitthvað.....Verið góð og passið að stíga ekki á tærnar á fólki, það gæti verið í vinnu hjá skattinum 

Athugasemdir

[Heiður Helgadóttir, 23.4.2008 kl. 07:10]

Þarna er skattfólkinu rétt lýst, allt er gert eins erfitt og hægt er, ég þekki þetta, þeir eru svona í Svíþjóð

[Erna Evudóttir, 23.4.2008 kl. 07:14]

Einmitt, held maður þurfi að vera almennt áhugasamur um að gera fólki erfitt fyrir ef maður vinnur hjá skattinum hlýtur að vera gott að geta fengið borgað fyrir áhugamálin sín

[Jónína Dúadóttir, 23.4.2008 kl. 07:49]

Já mér hefur alveg dottið í hug að það þurfi sérstakar manngerðir í að vinna þarna og það fólk þurfi fyrst að taka námskeið í því að umturna íslensku máli, yfir í eitthvað algerlega óskiljanlegt rugl 

[Júdas, 23.4.2008 kl. 08:20]

Góðan daginn elsku Jónína mín.  Skattaglæpakona ,  ekki óraði mig fyrir því en það er of seint að flýja, pistlarnir þínir fönguðu mig og gangi þeim vel að finna Mig í símaskránni ef þeir vilja gera mig meðsekan 

[Unnur R. H., 23.4.2008 kl. 08:32]

[Jokka (IP-tala skráð) 23.4.2008 kl. 08:38]

Verð að taka upp hanskann fyrir skattafólkið, allavega eina konu þar en það er elskan hún mamma mín  en ég er handviss um að hún skrifaði ekki þetta ólukkans bréf  Eigðu góðan dag heillin mín

kveðja neðan af Eyrinni

[Jónína Dúadóttir, 23.4.2008 kl. 09:16]

Júdas minn elskulegur: Þeir leita auðvitað bara undir JOÐ, hva´rta pæla...

Unnur mín: HÆ

Jokka mín: Það var einhver leiðindagaur sem skrifaði bréfið, ég er viss um að mamma þín hefur ekkert svona í sér

[Birna Dúadóttir, 23.4.2008 kl. 10:27]

Kom þá ekki upp krimminn í þérHeldurðu að næsti viðkomustaður hjá þér verði nokkuð KvíabryggjaÞú getur leikið þér með að velta upp fjörugrjóti,eins og hann 'Arni J þarna um árið

[Jónína Dúadóttir, 23.4.2008 kl. 11:59]

Heyrðu já, ég hef verið að leyna krimmanum í mér alveg jafn vel og blómabeðakonunni mér...... Hm... Kvíabryggja segirðu... ég veit það ekki.... ætli ég verði nokkuð duglegri með grjótið en beðin...?

[Tiger, 23.4.2008 kl. 13:28]

  Þetta styður bara það sem ég hef ætíð grunað, þú ert sjóræningi og forpokuð kerfisvilla. Það hefur ætíð sést á færslunum þínum að þú hefur allt og alla á hornum þínum, líka gamla ótuktarlega ellilífeyrisþegana sem eru svo góðir að bjóða þér inn á heimili sín - borgar þeim með ólund þegar það byrjar að mótmæla óréttmætri aðferð þinni í að niðurstappa það... hohoho! Nú uppskerð þú ríflega það sem þú hefur ekki sáð fyrir, nú er sko gúrkutíð! Blessuð opnaðu bara budduna - nei ekki þá buddu abinn þinn - peningabudduna og borgaðu bara hvaðsemsetteruppogætlastertilaðþúborgirfyrirégveitekkihvað...

 You have been and now it´s paybacktime!

   Skattmann hefur og mun alltaf gera okkur lífið leitt. Hann hefur lag á því að finna glufur og smugur í þeim tilgangi að ná af okkur síðustu krónunni. Hugsaðu þér, skattmann tekur uppundir 2 - 3 hundruð þúsund krónur af árstekjum öryrkja og gamalmenna - hvað segir það okkur um þennan hrokafulla batterískarl? Jú, hann er miskunarlaus og þeim verstur sem heiðarlegastur er - þér og mér náttúrulega! Málið er bara að láta karlinn ekki komast að því hve marga poka þú átt, því þá verður settur skattur á þann munað. Hættu bara við að losa þig við VSK númerið - þú þarft á því að halda kvossimer þegar þú byrjar að stunda súluna í nýju íbúðinni, mar borgar skatt af súludansi u know...

  Ekkert skrítið þó þú munir mest lítið af kennitölum eða VSK númerum - með allan þennan hamp á kollinum sem sennilega er ennþá allur í niðurrifseftirstöðvum eftir eyðileggingu eldhúsinnréttingarinnar fallegu grænu. Spurning um að hætta við að ætla ekki að nýta sér hárskerann í götunni - og látann skerða hamp áður en hampurinn skerðir minnið enn meira... En... knús og klemm á hampinn þinn! Mundu að fela pokana þína þegar skattmann kíkir í kaffi og kleinur, láttann borga fyrir kaffið!

[Jónína Dúadóttir, 23.4.2008 kl. 14:46]

Ég er forpokuð kerfisvilla með allt á hornum mér Ég næ mér ekki... lyklaborðið er að drukkna í tárum ég hlæ svo mikiðEn kom að því að ég uppgötvaðist Ég væri alveg til í að borga meiri skatta ef það yrði til þess að öryrkjar og ellilífeyrisþegar borguðu minna, en það er víst ekki séns í helvíti að það verði... núna er einmitt verið að finna upp nýjar álögur á þessa hópa Högni minn, ég er að fara til uppáhaldsklipparans míns ekki hérna í götunni í næstu viku, í sumar sem sagt og hann ætlar að bjarga því sem bjargað verður Knús og klemm á þig líka vitleysingurinn þinn

[Jóhanna Magnúsar- og Völudóttir , 23.4.2008 kl. 18:12]

Úff erfitt að koma með athugasemd á eftir Spékoppnum hér á undan! Öfunda þig ekki af skattaveseninu, en nú er komin skýringin á danska heitinu á skattinum, ,,skattevæsenet" ..

[Jónína Dúadóttir, 23.4.2008 kl. 19:34]

Spékoppurinn fer hamförum og er skemmtilegur, en það ert þú líka Alveg passandi orð "skattevæsenet" ég er sko í því núna

[Þorsteinn Gunnarsson, 24.4.2008 kl. 00:26]

Menn geta verið misheppnir gagnvart skattinum... ég var ekkert með vasknúmer þegar ég byrjaði í gervihnattainnflutningnum og svo var ég staddur um borð í togara og var að setja upp búnað þegar gemmsinn hringir. "Hvaða vasknúmer ert þú með góði" er sagt dimmri röddu. Ég, náttúrulega viss um að einhver vinurinn væri að gantast í mér... svaraði " hvernig á ég að muna eitthvað helvítis vasknúmer... það er rétt að ég muni pin númerið á Bahama reikningnum mínum".... löng þögn... "Þetta er skattstjórinn á Hellu" ... hvað rugl er þetta eiginlega?  Úpps!... og síðan hef ég verið með vasknúmer og rafrænt bókhald.

Gleðilegt sumar stelpa og takk fyrir veturinn!

Kv. í Heiðardalinn

[Jónína Dúadóttir, 24.4.2008 kl. 06:22]

Æ æ eitthvað eins og ég hefði gert Gleðilegt sumar Steini minn og þakka þér fyrir veturinn

[Katrín Stefánsdóttir (IP-tala skráð) 24.4.2008 kl. 20:41]

Gæti verið að þessi náungi hjá skattinum eigi bróður sem var skipað fjórum sinnum upp í fjall til að redda hitaveitunni þinni? Sem þú svo kvartaðir yfir á blogginu þínu held ég... ?

[Jónína Dúadóttir, 24.4.2008 kl. 21:14]

Kata mín... hættessu....