Jónína Dúadóttir

Hvað skyldi eitt eldhúsgólf vera þungt ?

Það væri gaman að vita það, vegna þess að þá get ég grobbað mig almennilega af því, hvað ég hélt á miklu magni af múrbroti út úr eldhúsinu okkar á sumardaginn fyrsta ! Það hljómar svona aðeins of groddalegt að segjast hafa haldið á heilu eldhúsgólfi.... flottara að segja xxx kíló... 16.4 m2 x 2 cm og reikniði svo Tounge

Ég fór á skyndihjálparnámskeið í gær og mér var svo andstyggilega illt í bakinu eftir að hafa haldið á heilu eldhúsgólfi, var ég nokkuð búin að nefna það ? að reyndi ekki einu sinni að hnoða lífi í æfingadúkkuna, leiðbeinandinn bauð samt 100 þúsund ef við gætum lífgað hana við ! Allir voða vitlausir og hömuðust á grey dúkkunni.... LoL

Ég var svakalega fegin að þetta var ekki lifandi manneskja sem ég hefði þurft að hnoða í gang.... hún hefði trúlega hrokkið uppaf Whistling

En samt hefði ég nú lagt það á mig að láta eins og ég væri ekki með neitt bak, ef þetta hefði verið í alvöru, maður gerir svoleiðis. Annars sagði mér ein gamlan sem ég kíki til á kvöldin, að ég þurfi ekkert námskeið til að halda hjartanu í henni gangandi. Hún hrekkur alltaf svo við þegar ég hringi dyrasímanum hjá henni, að hjartað í henni stoppar ekkert á næstunni segir hún. Elskurnar mínar, ef þið eruð hjá einhverjum sem fer í hjartastopp, trítlið þá bara niður í forstofuna í blokkinni og hringið dyrasímanum hjá viðkomandi... örskyndihjálparnámskeiðið búið, takk fyrir þátttökuna Grin

Núna á eftir förum við og leigjum okkur iðnaðarryksugu til að þrífa eldhúsgólfið og svo steypum við í það í dag og flotum á morgun, þetta er að verða miklu raunverulegra og skemmtilegra núna, þegar við erum farin að byggja upp, í staðinn fyrir að brjóta endalaust niður Wink

Njótið helgarinnar elskurnar mínar allar og brosið hringinn þó það snjói aðeins Smile

Flokkur: Bloggar | 26.4.2008 | 07:20 | Facebook

Athugasemdir

Gangi þér vel að byggja upp.

Ólöf Jóhanna Pálsdóttir, 26.4.2008 kl. 12:54

Snjór á Akureyri já......eftir sumardaginn fyrsta! Má það?

Júdas, 26.4.2008 kl. 13:11

Ohh.. þú ert svo mikið nörd og þó þú sért forpokuð, jafnvel hálfgerð villa og hugsanlega skekkja í samfélaginu - þá ertu bara þokkalega mikill töffari líka. Það geta náttúrulega fáir státað af því að hafa haldið á eldhúsgólfinu sínu. Eins gott að heimilisfólk ver ekki ennþá á því, þannig séð. Ég er handviss um að þetta hefur bara verið rykið af gólfinu sett í einn af þínum frægu pokum, og það kallar þú eldhúsgólf! Fuzzz....

"Allir voða vitlausir og hömuðust á grey dúkkunni...." Hvaððð? Er maður staddur í Hustlersútsendingu? Er ekki nóg komið með að hestamenn hafi staðið í því að hrista saman félagana á sínum samkuntum - þurfa Akureyringar nú að slá þeim við með hamagangi á dúkku? Uzzz.. eins gott að bloggið þitt sé bannað innan 20 ára! Segi það, ef ekki þá segi ég yfrivöldum það ... hjálpi mér!

Ég hefði nú frekar mælt með námskeiðum í Súludansi, enda ertu náttla súlueigandi, ekki satt? Námskeið eru náttúrulega flott, en að vera að hamast á saklausri dúkku - er náttúrulega bara ekki alveg í lagi sko! Ætli stígamót viti af þessu?

Við erum sálufélagar í því að hrekkja gamalt fólk, enda svo auðvelt og gott að komast undan því ekki hleypur þetta lið á eftir manni - ekki satt? Ég er ánægður með hrekkvísi þína og vona að þér verði ágengt með dyrabjöllumorðvopnið þitt. Ég kom eitt sinn að glugga hjá háaldraðar fínnar frúar í Vesturbæ, frúin að drekka úr vatnsglasi - minn gargaði duglega innum gluggann - og vúlla - tennurnar hennar flugu beint í vatnið - en so what - á gamla fólkið ekki að geyma tennurnar í vatni??? Við erum bara að gera þessu liði greiða sko!

Gott að vita að þú ert hætt að rífa og brjóta niður. Ágætt að vita að gamlar pokakerlingar geta bætt sig og séð að sér. Batnandi englum og það stúff. Enda ertu örugglega búin að gera nágranna þína alveg óða með þessum hamagangi. Reyndu nú að leggja alúð í að endurbyggja svo sómi sé að, verandi komin í svona fínt hverfi þýðir ekkert að haga sér eins og maður sé fjallaskessa sem veður í aur og látum um allt.

En svona að lokum.. Þakka þér æðislega fyrir að kíkja á systur mína og óska henni til hamingju með daginn! Ég óska þér innilega til hamingju með systur þína líka ljúfan!!! Ætli ég neyðist ekki til að senda þér eins og hálft knús yfir heiðarnar, svona til að þú takir ekki knúsulaust gremjukast í kvöld ... 1/2 knús over to you! *knúsuglott*.

Tiger, 26.4.2008 kl. 14:00

Ólöf mín: Þakka þér fyrir

Júdas minn: Nei það má sko ekki !!!!

Högni minn: þú ert í besta falli ótrúlega bráðskemmtilegur og í versta falli ótrúlega bráðskemmtilegur Heyrðu ég varð náttulega að kíkja á þennan dýrmæta gimstein sem þú varst að lýsa, hana systir þínaÞakka þér fyrir hamingjuóskirnar á mína, hún er alger dúlla líkaKnús og klemm á þig inn í kvöldið