Jónína Dúadóttir

Vá algjör steypa......

Þegar við vorum búin að henda út eldhúsinnréttingunni þessari gassalega grænu og byrjuðum að slíta gamla parketið af gólfinu, kom ýmislegt í ljós sem við áttum nú ekkert frekar vona á. Þar undir var meðal annars annað lag af parketti á hluta gólfsins, gamall gólfdúkur sumstaðar, hinar og þessar spítur og fjalir, nokkur göt í gegn þar sem sást beint niður í kjallara, legókubbar, pennar og rauður barnatannbursti. Það eina sem við áttum von á að sjá var að gólfið var frekar sigið í annan endann og klukkan 2 í nótt kláruðum við að leggja í gólfið, það er múraramállýska sem þýðir að sletta helling af steypu á gólf og slétta úr henni í réttri hæð fyrir leiservælirinn. Já ég veit að það heitir leisermælir en ég er ennþá með ýlfrið frá honum í eyrunum..... Tounge Sem sagt, þegar ég var búin að hræra meiri steypu en ég hef nokkurtímann látið frá mér áður held ég, með þar til gerðu rafmagnsverkfæri og spúsi var búinn að sletta og slétta úr öllu saman, vorum við komin með rétt og slétt eldhúsgólf. Ég veit ekki hvað það er sem þessi elska getur ekki gert, hef að vísu ekki hleypt honum nálægt saumavélinni minni, en það er ekkert persónulegt, það bara fær ekkert karlkyns að snerta saumavélina mína. Kynjamisrétti ? Já ég veit það og skammiði mig bara LoL Í nótt þar sem við stóðum og dáðumst að nýja eldhúsgólfinu okkar, grá og guggin bæði af steypurykinu og þreytu, ákváðum við að gera akkúrat ekkert í dag, en ég veit að það verður erfitt að standa við það Whistling

Silvía Oddný systurdóttir mín, verður fermd í dag og það stóð til að mæta þar, en það var bara ekki hægt, því miður. En ég hugsa til hennar og knúsa hana þess meira og betur í júní þegar ég kem við hjá þeim á leiðinni til Gautaborgar. TIL HAMINGJU MEÐ DAGINN ELSKU SILVÍA

Vona að þið öll eigið yndislegan sunnudag og að því sögðu set ég punkt hér. Smile

Flokkur: Bloggar | 27.4.2008 | 09:16 | Facebook

Athugasemdir

Sko,ég er alveg viss um að hann Jói mundi nú reyta í einar buxur,eða svo, á saumavélina.Bara ef hann fengi að prufa

Birna Dúadóttir, 27.4.2008 kl. 13:50

Jú jú en hann bara fær ekkert að prufa

Jónína Dúadóttir, 27.4.2008 kl. 14:23

... Ég sé núna fram á að þú sért haldin óbætanlegum skemmileggjasyndróm - og svo ég taki í notkun orðalat Zteina - Feminiztabeljusyndrúmi líka.

Í það fyrsta er þaðað karlar geti ekki saumað - sjáðu bara trukkakarla - þeir eru að sauma að stjórnvöldum. Sjáðu lögguna - þeir eru að sauma að aumum mótmælendum... Sjáðu mig - ég er að sauma að þér! Hættessu bulli woman og hleyptu karlinum í vélina og játtu þig sigraða á þessu kvennavígi þínu!

Hot damn, sé það líka að þú ert ekkert að batna í niðurrifsfylleíinu. Gott þó að þú hafir fundið fjársjóð undir eldhúsgólfinu sem þú varst með í fanginu! Þetta var þá kannski einhvers virði, tannbursta þurfa pokakerlingar samt ekki - enda tannlausar líkt og þú - ekki satt? Bite me ... Pennar eru samt alltaf nothæfir, í það minnsta til að hafa á bakvið eyrað - svona til að sýnast gáfulegri en þú ert í raun og veru frú forpokuð. En fáviska var það að múra yfir kíkjugöt í kjallarann. Þú hefðir getað útbúið flott súluherbergi þarna niðri - og selt aðgang að kíkjugatinu! Nú tapaðir þú gulli og grænum .. eldhúsinnréttingum.

Ef ég væri þú - sem ég er sem betur fer ekki - þá myndi ég prufa að rífa niður fleiri herbergi, bara svona til að athuga hvort fyrri eigendur hafi kannski flísa- og dúkalagt eitthvað meira verðmætt um allt. Svo myndi ég bara nota "háfinn" ef hann er kominn heim - til að veiða Dúurnar af öxlunum þínum frú púkó - þá kannski losnar þú bæði við drit sem og suð úr eyrum - suð sem þú kennir einhverjum leisermæli og væli um. Get a grip sillybilly - suðið er frá fylgifuglunum og engu öðru.

Svo ættir þú kannski að hætta þessum útúrsnúningum um að þú þurfir að rífa niður hús og mús - og skella þér í siglingu til ættingja þegar uppákomur eru. Draslið bíður alltaf eftir þér, draslið verður alla tíð á eftir þér frú húkópúkó.. það er varla að ég þori að koma við þig - alla í Dúu- jú nó! En sendi bara í meili knús á þig addna. Til lukku með frænkuna!

Tiger, 27.4.2008 kl. 16:36

Gáttu bara ekki fram af þér í öllum þessum framkvæmdum. Gefðu þér líka tíma til að slaka á. Þó ekki væri nema að þú tiltir þér á stól í eldhúsdyrunum og horfðir yfir gólfið.

Ólöf Jóhanna Pálsdóttir, 27.4.2008 kl. 17:51

Þið eruð svakalega dugleg. Maður nýtur þess svo extra vel þegar allt svona er búið þegar vinnan er unninn af manni sjálfum! .. En þetta getur verið hrikalega slítandi. þarf eflaust ekkert að segja þér um það!