Jónína Dúadóttir

Engar frægðarsögur....

.... af mér og mínum, eftir gærdaginn. Að vísu þrifum við aðeins og gengum frá verkfærum og svona dóti og slugsuðum svo bara. Tókum á móti gestum og fórum á vorhátíð Síðuskóla, þrír dóttursynir spúsa eru í þeim skóla og við skoðuðum það sem þeir eru búnir að gera í vetur, alltaf gaman að fá að fylgjast aðeins með. Svo var selt kaffi og "meððí", allt of mikið úrval af tertum og kökum og alls konar góðgæti, glæsilegt að venju ! InLove

Ég fer og skila leiserVælinum á eftir, með ánægju og þarf svo að taka smástund í að afgreiða skattmann Cool

Nei ég ætla ekki að stúta honum sko.... bara borga það sem ég hefði auðveldlega getað komist hjá að borga, ef ég hefði vit á að vera óheiðarleg og fattað að ljúga aðeins Pinch

En ég burðast greinilega ekki með nógu mikið af viti til þess að geta fundið upp á einhverju svoleiðis. Og það verður bara að hafa það, mér líður líka bara vel með þessum skorti mínum á svindlgeninu og finnst líka alltaf best, einfaldast og auðveldast að hafa allt á hreinu. Vitiði að ég svindla ekki einu sinni í kapli.... auðvitað á ég ekki að segja frá svona og svo sem ekkert líklegt að neinn trúi mér, en svona er þetta nú bara.... Blush

Nú er að byrja ný vinnuvika með engri kvöldvinnu og seinna í dag verður eldhúsgólfið flotað og á morgun byrjar Tengdasonur Rafvirki að töfra upp hin ýmsustu ljós og tengla og verður snöggur að Grin

Hann er algjör perla þessi drengur og ekki ónýtt að eiga hann að og ekki bara í rafmagninu. Ég held hann geti allt og hann mætti alveg snerta mína háheilögu saumavél, ég veit nefnilega að hann hefur saumað gardínur og eflaust eitthvað fleira Wink